शुक्रवार, 16 ऑक्टोबर 2026
फोटो सौजन्य: Gemini
भारतात दरवर्षी उन्हाळ्यातील तापमान वाढत असल्यामुळे, आता कार खरेदी करताना लोक केवळ मायलेजवरच नव्हे, तर AC च्या फीचर्सवरही लक्ष केंद्रित करत आहेत. ‘ऑटो क्लायमेट कंट्रोल’ हे असेच एक फिचर आहे, जे वाहनाच्या आतमध्ये अपेक्षित तापमान आपोआप राखते. चला 10 लाखांपेक्षा कमी किमतीच्या पाच कार्सबद्दल जाणून घेऊयात, ज्यामध्ये हे फिचर उपलब्ध आहे.
किंमत 20 लाख अन् EMI फक्त 21000 रुपये! Mahindra च्या लोकप्रिय एसयूव्ही दारात असेल उभी
ही एक आरामदायी हॅचबॅक कार असून, याची सुरुवातीची किंमत अंदाजे 5.99 लाख (एक्स-शोरूम) रुपये आहे. यामध्ये ‘ऑटो क्लायमेट कंट्रोल’ हे फिचर ‘Zeta’ आणि ‘Alpha’ या व्हेरिएंट्समध्ये उपलब्ध आहे; या व्हेरिएंट्सची किंमत 8.19 लाखांपासून सुरू होते. ही कार 1.2-लिटर पेट्रोल इंजिनवर चालते.
ही भारतातील सर्वात लोकप्रिय कार्सपैकी एक आहे. यामध्ये ‘ऑटो क्लायमेट कंट्रोल’ हे फिचर ZXi व्हेरिएंटपासून उपलब्ध होते. याची किंमत अंदाजे 7.52 लाख (एक्स-शोरूम) रुपये इतकी आहे. ही कार तिच्या मायलेजसाठी आणि कमी मेंटेनन्स कॉस्टसाठी प्रसिद्ध आहे.
जर तुम्हाला SUV सारखा लूक असलेली कार हवी असेल, तर Nissan Magnite हा एक उत्तम पर्याय आहे. या कारमध्ये ऑटो क्लायमेट कंट्रोलची सुविधा मिळते. याची एक्स-शोरूम किंमत सुमारे 6.76 लाख रुपयांपासून सुरू होते. तसेच, यात दोन प्रकारचे पेट्रोल इंजिन पर्याय उपलब्ध आहेत. कमी बजेटमध्ये स्टायलिश डिझाइन आणि आधुनिक फीचर्स हवे असतील, तर ही कार योग्य ठरते.
Hyundai Grand i10 NIOS ही कार आरामदायी ड्रायव्हिंग आणि विश्वासार्हतेसाठी ओळखली जाते. यामध्ये ऑटो क्लायमेट कंट्रोलची सुविधा Sportz व्हेरियंटपासून मिळते, ज्याची एक्स-शोरूम किंमत सुमारे 6.83 लाख रुपये आहे. या कारमध्ये 1.2 लिटर पेट्रोल इंजिन असून मॅन्युअल आणि ऑटोमॅटिक दोन्ही पर्याय उपलब्ध आहेत. याशिवाय, CNG पर्यायही उपलब्ध आहे.
कमी किमतीत चांगले फीचर्स हवे असतील, तर Tata Tiago हा एक उत्कृष्ट पर्याय आहे. या कारमध्ये ऑटो क्लायमेट कंट्रोलची सुविधा XZ व्हेरियंटपासून उपलब्ध आहे, ज्याची एक्स-शोरूम किंमत सुमारे 6.40 लाख रुपये आहे. यात 1.2 लिटर पेट्रोल इंजिन देण्यात आले आहे, जे स्मूद ड्रायव्हिंग अनुभव देते.
