येत्या नववर्षात BMW चा ग्राहकांना झटका, कार्सच्या किंमतीमध्ये करणार ‘एवढ्या’ टक्क्यांनी वाढ

जर्मन कार निर्माता कंपनी BMW येत्या 1 जानेवारी 2025 पासून भारतीय बाजारपेठेत आपल्या वाहनांच्या किंमतीमध्ये वाढ करणार आहे. चला जाणून घेऊया येत्या नववर्षात बिएमडब्ल्यू कार्सची किंमत किती टक्क्यांनी वाढवणार आहेत.

भारतात अनेक ऑटो कंपनीज आपल्या दमदार कार्समुळे ओळखल्या जातात. तसे तर भारतीय ग्राहक बजेट फ्रेंडली कार्सना जास्त प्राधान्य देत असतात. पण याचा अर्थ असा होत नाही की भारतात लक्झरी कार्सना काही वाव नाही. आजही जर रस्त्यावर एखादी लक्झरी कार पाहायला मिळाली तर अनेक जणांच्या नजरा त्या कारवर रोखल्या जातात. यावरूनच समजते की लक्झरी कार्सची क्रेझ आपल्याकडे किती आहे.

लक्झरी कार म्हंटल की आपल्या डोळ्यासमोर काही ठराविकच कंपनीज येतात. त्यातीलच एक म्हणजे बीएमडब्ल्यू कंपनी. ही कंपनी आपल्या उत्तम आणि हाय परफॉर्मन्स कार्ससाठी ओळखली जाते. परंतु आता कंपनी चर्चेत आली आहे. याचे कारण म्हणजे येत्या नवीन वर्षात म्हणजेच 2025 मध्ये बीएमडब्ल्यूने आपल्या कार्सच्या किंमतीत वाढ करणार आहे.

Honda Activa Electric लाँच होण्यापूर्वी कंपनीकडून नवीन टिझर प्रदर्शित, मिळाली ‘ही’ महत्वपूर्ण माहिती

लक्झरी कार निर्माता कंपनी BMW इंडिया आपल्या कारच्या किंमती वाढवणार आहे. कंपनी पुढील वर्षी जानेवारीपासून तिच्या संपूर्ण मॉडेल रेंजमध्ये वाहनांच्या किंमती 3 टक्क्यांनी वाढवणार आहे. जर्मन ऑटोमेकरने शुक्रवारी एक प्रेस स्टेटमेंट जारी करून ही माहिती दिली आहे. परंतु, कंपनीने किंमत वाढवण्याची आवश्यकता असलेल्या कारणांबद्दल स्पष्ट केले नाही. बीएमडब्ल्यू इंडियाच्या आधी मर्सिडीजने भारतात आपल्या कार्सच्या किमती वाढवण्याची घोषणा केली आहे. आपल्या वाहनांच्या किमती वाढण्यामागे त्यांनी महागाई आणि खर्चाला जबाबदार धरले आहे.

भारतात उपलब्ध असणारी BMW कार्स

BMW भारतात स्थानिक पातळीवर उत्पादित अनेक मॉडेल्स ऑफर करते, ज्यात BMW 2 सिरीज ग्रॅन कूप, BMW 3 सिरीज लाँग व्हीलबेस, BMW 5 सिरीज लाँग व्हीलबेस, BMW 7 सिरीज लाँग व्हीलबेस, BMW X1, BMW X3, BMW X5, BMW X7 आणि B3MW चा समावेश आहे.

याशिवाय बीएमडब्ल्यू भारतात सीबीयू (निर्यातक) मार्फत अनेक मॉडेल्स ऑफर करते. या यादीमध्ये BMW i4, BMW i5, BMW i7, BMW i7 M70, BMW X1, BMW IX, BMW Z4 M40i, BMW M2 Coupe, BMW M4 स्पर्धा, BMW M4 CS, BMW M5, BMW M8 स्पर्धा BMW आणि कूप यांचा समावेश आहे.

भारतात बिएमडब्ल्यूच्या ऑफर्स

भारतीय बाजारपेठेत ग्राहकांना आकर्षित करण्यासाठी BMW इंडिया फायनान्शियल सर्व्हिसेस अनेक फायदे देत आहे. ज्यामध्ये मासिक हप्त्यांना परवानगी देणे, निवडक मॉडेल्ससाठी कमी व्याजदर, खात्रीशीर बाय बॅक पर्याय आणि फ्लेक्सिबल टर्म एन्ड संधींचा समावेश आहे.

BMW आणि मर्सिडीज या दोन्ही देशातील दोन मोठ्या लक्झरी कार उत्पादक कंपनीज आहेत आणि दोन्ही जर्मन ब्रँड्सना भारतीय ऑटोमोबाईल मार्केटमध्ये मोठ्या स्पर्धेचा सामना करावा लागतो. एकीकडे मर्सिडीज विक्रीच्या बाबतीत पुढे आहे, तर दुसरीकडे बीएमडब्ल्यूचे निष्ठावान ग्राहक आहेत.

मर्सिडीजने किती किंमत वाढवली

जर्मन वाहन निर्माता कंपनी मर्सिडीजने नुकतेच भारतात आपल्या वाहनांच्या किंमती वाढवल्याची घोषणा केली आहे. 1 जानेवारी 2025 पासून कंपनी आपल्या वाहनांच्या किमतीत 3 टक्क्यांनी वाढ करणार आहे. त्यामुळे 2025 पासून भारतात मर्सिडीज-बेंझ लक्झरी कारच्या किमती 2 लाख रुपयांनी वाढून 9 लाख रुपयांपर्यंत वाढतील. तसेच, मर्सिडीज जीएलसी क्लासची किंमत 2 लाख रुपयांनी वाढेल आणि मर्सिडीज मेबॅक एस 680 लक्झरी लिमोझिनची किंमत 9 लाख रुपयांनी वाढेल.