कावासाकीची बम्पर ऑफर! खरेदी करा Kawasaki Versys-X300 आणि मिळवा २५ हजारांची सूट

कावासाकीने Versys-X300 या अ‍ॅडव्हेंचर बाईकवर ₹25,000 ची सूट जाहीर केली असून किंमत ₹3.24 लाखांवर आली आहे. 296cc पॅरलल-ट्विन इंजिनसह ही बाईक 39 hp पॉवर आणि 26 Nm टॉर्क निर्माण करते.

• टूरिंगचा आनंद घेणाऱ्या रायडर्ससाठी ही बाईक अधिक परवडणारी ठरणार
• Kawasaki Versys-X300 मध्ये 296cc चे पॅरलल-ट्विन इंजिन देण्यात आले
• ते 39 hp पॉवर आणि 26 Nm टॉर्क निर्माण करते

जर तुम्ही Sports Bike किंवा Ninja Bike चे चाहते असाल तर हीच सुवर्णसंधी आहे. तुमच्या स्वप्नांची बाईक तुमच्या दारासमोर उभी करण्याची वेळ आता आली आहे. कावासाकीने उत्तम अशी संधी आणली आहे. या संधीमध्ये तुम्ही एक नाही दोन नाही तर तब्बल २५ हजारांची रक्कम वाचवणार आहेत. कावासाकीने Kawasaki Versys-X300 या गाडीवर २५ हजारांची सूट दिली आहे.

महिंद्रा, टोयोटा आणि किआच्या ७ सीटर कारची क्रेझ, तर एर्टिगा ही कार मोठ्या कुटुंबांसाठी आहे एकदम बेस्ट

या ऑफरमुळे Kawasaki Versys-X300 खरेदी करण्याचा खर्च मोठ्या प्रमाणात कमी झाला आहे. कंपनीची ही अ‍ॅडव्हेंचर-टूरर बाईक आधी ₹3.49 लाख (एक्स-शोरूम) किमतीत उपलब्ध होती; मात्र आता ₹25,000 सूट मिळाल्याने ती ₹3.24 लाखांत मिळू शकते. वर्षअखेरीस ग्राहकांना आकर्षित करण्यासाठी कावासाकीने ही मर्यादित कालावधीसाठी ऑफर जाहीर केली असून, लाँग राइड्स आणि टूरिंगचा आनंद घेणाऱ्या रायडर्ससाठी ही बाईक अधिक परवडणारी ठरणार आहे.

Kawasaki Versys-X300 मध्ये 296cc चे पॅरलल-ट्विन इंजिन देण्यात आले असून ते 39 hp पॉवर आणि 26 Nm टॉर्क निर्माण करते. या बाईकला 6-स्पीड गिअरबॉक्स आणि स्लिपर क्लच देण्यात आला आहे, ज्यामुळे हायवे तसेच ऑफ-रोड राइडिंग करताना स्मूथ अनुभव मिळतो. मजबूत स्टील फ्रेम, लांब सस्पेन्शन ट्रॅव्हल आणि 19-17 इंच स्पोक व्हील्समुळे ही बाईक खराब रस्त्यांवरही स्थिरता देते.