Honda UC3 VS TVS iQube: बजेट आणि रेंजच्या खेळात कोणती ई-स्कूटर ठरेल सर्वोत्तम? पाह इन डिटेल तुलना

होंडा UC3 आणि टीव्हीएस आयक्यूब या दोन्ही इलेक्ट्रिक स्कूटर डिझाईन, बॅटरी रेंज आणि फीचर्सच्या बाबतीत अत्यंत वेगळ्या आहेत. या दोन प्रमुख ब्रँड्समधील ही तगडी स्पर्धा ग्राहकांसाठी उत्तम पर्याय ठरत आहे.

(फोटो सौजन्य-AI एआय)

Follow Us:

Follow Us:

• होंडा UC3 ही मॅक्सी-स्कूटर डिझाईन आणि ३.२ kWh LFP बॅटरीसह बाजारात दाखल होणार आहे.
• टीव्हीएस आयक्यूब ही ५.३ kWh पर्यंतच्या बॅटरी पर्यायासह २१२ किमीची जबरदस्त रेंज देते.
• होंडा अत्याधुनिक तंत्रज्ञानावर भर देते तर टीव्हीएस भारतीय बाजारात आधीच लोकप्रिय ठरली आहे.

भारतीय इलेक्ट्रिक टू व्हीलर  बाजारात सध्या स्पर्धा अत्यंत तीव्र झाली आहे. एकीकडे जपानी ऑटोमेकर होंडा आपल्या नवीन प्रॉडक्ट्ससह बाजारात पकड निर्माण करण्याचा प्रयत्न करत आहे, तर दुसरीकडे टीव्हीएस मोटर आपली लोकप्रिय टीव्हीएस आयक्यूब स्कूटर घेऊन मार्केटमध्ये आधीच तुफान आघाडीवर आहे. होंडाने नुकतीच आपली UC3 या नवीन इलेक्ट्रिक स्कूटरचे डिझाईन पेटंट भारतात दाखल केले आहे. अशा स्थितीत, जागतिक पातळीवरील दिग्गज होंडाची आगामी UC3 आणि भारतीय ग्राहकांच्या पसंतीस उतरलेली टीव्हीएस आयक्यूब यांच्यात नेमकी कशी टक्कर होईल, पाहूयात.

१. डिझाईन आणि लूक

• होंडा UC3: ही स्कूटर मॅक्सी-स्कूटर आणि निओ-रेट्रो डिझाईनचे एक आधुनिक मिश्रण आहे याची फ्रंट बाजू आक्रमक आणि स्पोर्टी आहे, तर मागील बाजू साधी पण आकर्षक आहे. यात थ्री-पीस एलईडी DRL आणि युनिक फ्रंट लूक मिळतो.
• टीव्हीएस आयक्यूब: आयक्यूबचे डिझाईन हे अत्यंत मिनिमलिस्ट, फॅमिली-फ्रेंडली आणि सरळ रेषेवर आधारित आहे. यात फ्लॅट फ्लोरबोर्ड आणि साधी पण क्लासी स्टाईल दिली आहे, जी रोजच्या प्रवासासाठी अत्यंत आरामदायक मानली जाते.

२. बॅटरी पॅक आणि रेंज

• होंडा UC3: या स्कूटरमध्ये ३.२ kWh क्षमतेची फिक्सड LFP (Lithium Iron Phosphate) बॅटरी पॅक देण्यात आला आहे याची एका चार्जमधील कमाल रेंज १२२ किलोमीटर इतकी आहे.
• टीव्हीएस आयक्यूब: आयक्यूबचे मोठे वैशिष्ट्य म्हणजे याचे अनेक व्हेरियंट्स उपलब्ध आहेत. याच्या टॉप व्हेरियंटमध्ये तब्बल ५.३ kWh ची बॅटरी मिळते, जी एका चार्जमध्ये २१२ किलोमीटर पर्यंतची जबरदस्त रेंज देते. रेंजच्या बाबतीत टीव्हीएसकडे अधिक मजबूत पर्याय आहेत.

• होंडा UC3: यात ८ bhp पॉवर देणारी मोटर असून ही स्कूटर साधारण १६० सीसी पेट्रोल स्कूटरइतकी कामगिरी करते. हिचा टॉप स्पीड ताशी ८० किलोमीटर आहे.
• टीव्हीएस आयक्यूब: आयक्यूबचा टॉप स्पीडही ताशी ८२ किलोमीटर आहे. ही स्कूटर ० ते ४० किमी/तास वेग फक्त ४.२ सेकंदात पकडते आणि यात Q-पार्क असिस्टसारखे फीचर्स मिळतात.

• होंडा UC3: यात मल्टि रायड मोड, ट्रॅक्शन कंट्रोल, रिव्हर्स असिस्ट, की-लेस स्टार्ट, रीजेनरेटिव्ह टेक आणि होंडा रोडसिंकयुक्त ५ इंचाचा TFT डिस्प्ले मिळतो. यात २६ लिटरचे अंडरसीट स्टोरेज आहे.
• टीव्हीएस आयक्यूब: यात TVS SmartXonnect तंत्रज्ञानासह टचस्क्रीन किंवा जॉयस्टिक नियंत्रित इन्स्ट्रुमेंट क्लस्टर मिळतो. याच्या सर्वसमावेशक डिझाईनमध्ये ३२ लिटरची मोठी अंडरसीट स्टोरेज स्पेस मिळते, जी सामानासाठी खूप सोयीची ठरते.

५. किंमत आणि बाजारपेठेतील पकड

• होंडा UC3: आंतरराष्ट्रीय बाजारात यावर मोठी किंमत टॅग असून, भारतात याचे सध्या केवळ डिझाईन पेटंट दाखल झाले आहे. लाँचिंगची तारीख अद्याप निश्चित झालेली नाही, त्यामुळे ग्राहकांना अजून प्रतीक्षा करावी लागू शकते.
• टीव्हीएस आयक्यूब: ही स्कूटर भारतीय बाजारात आधीच मोठ्या प्रमाणावर विकली जात असून, हिची एक्स-शोरूम किंमत अंदाजे ९५,००० रुपयांपासून सुरू होऊन टॉप मॉडेलसाठी १.७५ लाख रुपयांपर्यंत जाते. सर्वसामान्यांसाठी ही रेडी-टू-बाय आणि विश्वासू पसंती ठरली आहे.

Web Title: Honda uc3 vs tvs iqube electric scooter comparison auto news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com