फोटो सौजन्य: Pinterest
Mahindra कडून उपलब्ध असलेली Thar SUV आता अधिक किमतीत मिळणार आहे. एप्रिल 2026 मध्ये कंपनीने तिच्या किमतीत वाढ केली असून ही वाढ काही विशिष्ट व्हेरिएंट्सपुरती मर्यादित ठेवण्यात आली आहे.
उपलब्ध माहितीनुसार, कंपनीने या SUV च्या किमतीत जास्तीत जास्त 43500 रुपयांपर्यंत वाढ केली आहे. मात्र, ‘बेस व्हेरिएंट’च्या किमतीत मात्र कोणत्याही प्रकारची वाढ करण्यात आलेली नाही.
मिळालेल्या अहवालांनुसार, उत्पादकाने LXT 4WD 2.2 Diesel Automatic व्हेरिएंटसाठी सर्वाधिक भाववाढ लागू केली आहे. याव्यतिरिक्त, LXT 4WD 2.0-liter Petrol Automatic व्हेरिएंटची किंमत 41500 रुपयांनी वाढवण्यात आली आहे. LXT 4WD 2.2 Diesel Manual (39,500 रुपये), LXT 4WD 2.0 Petrol Manual (37,500 रुपये), तसेच LXT 2WD 1.5 Diesel Manual आणि LXT 4WD 2.0-liter Petrol Manual या व्हेरिएंट्सच्या किमतीतही (30500 रुपये) वाढ करण्यात आली आहे.
या SUV मध्ये तीन इंजिन पर्याय दिले जातात.
2.0 लिटर टर्बो पेट्रोल इंजिन: 112 किलोवॅट पॉवर आणि 320 Nm टॉर्क
1.5 लिटर टर्बो डिझेल इंजिन: 87.2 किलोवॅट पॉवर आणि 300 Nm टॉर्क
2.2 लिटर टर्बो डिझेल इंजिन: 97 किलोवॅट पॉवर आणि 300 Nm टॉर्क
‘या’ Automatic Car ची बातच न्यारी! फक्त 2 लाखांचं डाउन पेमेंटवर दारात उभी राहील गाडी, EMI फक्त…
Mahindra Thar मध्ये अनेक आधुनिक आणि उपयुक्त फीचर्स दिले आहेत. यामध्ये 18-इंच अलॉय व्हील्स, फॉग लॅम्प, हार्ड टॉप, रिअर वायपर आणि वॉशर, डार्क इंटीरियर, रिअर व्ह्यू कॅमेरा, क्रूझ कंट्रोल, पॉवर विंडोज, सेमी-डिजिटल इन्स्ट्रुमेंट क्लस्टर, 10.25-इंच इन्फोटेनमेंट सिस्टम, ड्युअल एअरबॅग, ISOFIX चाइल्ड अँकरेज, ABS आणि EBD यांसारखे फीचर्स मिळतात.
किमतीत वाढ झाल्यानंतर आता Mahindra Thar ची एक्स-शोरूम किंमत 9.99 लाख रुपयांपासून सुरू होते. तर टॉप व्हेरिएंटची किंमत 17.63 लाख रुपयांपर्यंत पोहोचली आहे.
