शनिवार, 24 ऑक्टोबर 2026
फोटो सौजन्य: Pinterest
हॅचबॅक सेगमेंटमध्ये मारुती सुझुकीने स्विफ्ट ऑफर केली आहे. तर एसयूव्ही सेगमेंटमध्ये टाटाने पंच ऑफर केली आहे. इंजिन, फीचर्स आणि किमतीच्या बाबतीत, या दोन्ही कार्सपैकी कोणता पर्याय खरेदी करणे तुमच्यासाठी अधिक योग्य ठरेल? याविषयीची आज आपण जाणून घेऊयात.
मारुतीने स्विफ्टच्या चौथ्या जनरेशनमध्ये एका नवीन ‘Z-सीरीज’ इंजिनचा समावेश केला आहे, ज्यामध्ये तीन-सिलिंडरची रचना आहे. हे नवीन इंजिन 60 kW इतकी शक्ती (power) आणि 111.7 Nm इतका टॉर्क निर्माण करते. हे इंजिन 5-स्पीड मॅन्युअल आणि AMT या दोन्ही ट्रान्समिशन पर्यायांसह उपलब्ध आहे.
दरम्यान, Tata Punch मध्ये 1.5-लिटरचे Revotron इंजिन देण्यात आले आहे, जे 87.8 PS इतकी शक्ती आणि 115 Nm इतका टॉर्क निर्माण करते. दुसऱ्या इंजिन पर्यायाच्या स्वरूपात, यात 1.2-लिटरचे टर्बोचार्ज्ड पेट्रोल इंजिन उपलब्ध आहे, जे 120 PS इतकी पॉवर आणि 170 Nm इतका टॉर्क निर्माण करते. तिसऱ्या इंजिन पर्यायाच्या स्वरूपात, ही कार 1.2-लिटरच्या CNG इंजिनने सुसज्ज आहे, जे 73.4 PS इतकी शक्ती आणि 103 Nm इतका टॉर्क निर्माण करते.
मारुतीने नवीन स्विफ्टमध्ये आधुनिक आणि प्रीमियम फीचर्स दिले आहेत. यात सहा स्पीकर्ससह ऑडिओ सिस्टम, फ्रंट ट्विटर्स, 9-इंच टचस्क्रीन इन्फोटेनमेंट, नवीन सस्पेन्शन सिस्टम, वायरलेस Android Auto आणि Apple CarPlay, Suzuki Connect, हायड्रॉलिक क्लच, रियर एसी व्हेंट्स आणि मागील प्रवाशांसाठी दोन चार्जिंग पोर्ट्स देण्यात आले आहेत.
MG Comet EV गाजली मग Tata Nano का अचानक बंद पडली? रतन टाटा यांच्या ड्रीम कारला झालं तरी काय?
याशिवाय डिजिटल इन्स्ट्रुमेंट क्लस्टर, स्टिअरिंगवर ऑडिओ कंट्रोल्स, क्रूझ कंट्रोल यांसारखी सोय मिळते. सेफ्टीसाठी सहा एअरबॅग्स, हिल होल्ड असिस्ट, ESP, रिव्हर्स पार्किंग कॅमेरा, ABS आणि EBD सारखी फीचर्स देण्यात आली आहेत.
टाटा पंचमध्येही अनेक प्रगत फीचर्स देण्यात आले आहेत. यात ड्युअल टोन डॅशबोर्ड, वायरलेस Android Auto आणि Apple CarPlay, टाइप-C चार्जिंग पोर्ट, एक्सप्रेस कूल फंक्शन, ऑटो डिमिंग IRVM आणि पुढील व मागील थाय सपोर्ट यांचा समावेश आहे.
तसेच 6 एअरबॅग्स, ESP, ISOFIX चाइल्ड अँकरज, ऑटो हेडलाइट्स, रेन सेन्सिंग वायपर्स, 26.03 सेमी टचस्क्रीन इन्फोटेनमेंट सिस्टम, 17.78 सेमी डिजिटल इन्स्ट्रुमेंट क्लस्टर, LED टेल लॅम्प्स, 16-इंच अलॉय व्हील्स, 360-डिग्री कॅमेरा, LED फॉग लॅम्प्स, Eco आणि City ड्राइव्ह मोड, तसेच आयडल स्टार्ट/स्टॉप फीचर्स दिली आहेत.
Maruti Swift कारची एक्स-शोरूम किंमत सुमारे 5.79 लाखांपासून सुरू होते आणि टॉप व्हेरिएंटसाठी 8.80 लाखांपर्यंत जाते. टाटा पंचची एक्स-शोरूम किंमत 5.60 लाखांपासून सुरू होते, तर टॉप व्हेरिएंटची किंमत 10.55 लाखांपर्यंत जाते.
स्विफ्ट ही एक प्रीमियम हॅचबॅक असून ड्रायव्हिंग आणि मायलेजसाठी ओळखली जाते, तर पंच ही मजबूत मायक्रो SUV असून सेफ्टी आणि उंच ग्राउंड क्लीयरन्ससाठी अधिक पसंत केली जाते.
