शेअर मार्केटने बनवलं कंगाल; गुंतवणूकदारांच्या तब्बल ६० लाख कोटी रुपयांचा चुराडा
मकर संक्रांती म्हणजेच १४ जानेवारी रोजी शेअर बाजारात थोडीशी वाढ झाली असली तरी, अलिकडच्या काळात सेन्सेक्स आणि निफ्टी दोन्हीमध्ये मोठी घसरण दिसून आली आहे. परदेशी गुंतवणूकदारांनी शेअर बाजारातून पैसे काढण्यास सुरुवात केली आहे, तेव्हापासून शेअर बाजारही कोलमडला आहे. सुमारे १०० दिवसांपूर्वी शेअर बाजाराचे विक्रमी पातळीवर होते.आता मात्र शेअर बाजार विक्रमी पातळीपेक्षा १० टक्क्यांहून अधिक अंकानी घसरला आहे. विशेष म्हणजे या १०० दिवसांत शेअर बाजारातील गुंतवणूकदारांना सुमारे ६० लाख कोटी रुपयांचं नुकसान सहन करावं लागलं आहे.
PM Kisan Yojana: लवकर करा ‘हे’ काम, अन्यथा मिळणार नाही पीएम किसान योजनेचा 2000 रूपयांचा19 वा हफ्ता
जानेवारीमध्ये तर सेन्सेक्स आणि निफ्टीमध्ये सुमारे २ टक्क्यांनी घसरण झाली आहे आणि गुंतवणूकदारांचं लाखो कोटी रुपयांचे नुकसान झाले आहे. गेल्या १०० दिवसांत शेअर बाजार किती घसरला आहे आणित त्याचे काय परिणाम झाले आहेत पाहूया..
२७ सप्टेंबर २०२४ रोजी, सेन्सेक्स आणि निफ्टी ५२ आठवड्यांच्या उच्चांकावर होते. तेव्हा सेन्सेक्सने ८५,९७८.२५ अंकांचा विक्रमी उच्चांक गाठला होता. तेव्हापासून सेन्सेक्समध्ये ९,६४२.५ अंकांची म्हणजेच ११.२१ टक्क्यांची घसरण झाली आहे. राष्ट्रीय शेअर बाजाराचा प्रमुख निर्देशांक निफ्टी २७ सप्टेंबर रोजी २६,२७७.३५ अंकांच्या विक्रमी उच्चांकावर पोहोचला होता. त्या दिवसापासून निफ्टीमध्ये ३,१४३.२ अंकांची म्हणजेच सुमारे १२ टक्के घसरण झाली आहे.
कोवीड महामारीनंतर सर्वात मोठा टॉप-टू-बॉटम १९ ऑक्टोबर २०२१ ते १७ जून २०२२ या आठ महिन्यांत सुधारणा दिसून आली होती. ज्यामुळे शेअर बाजारातील गुंतवणूकदारांना ३४.८१ लाख कोटी रुपयांचं नुकसान झालं. त्या काळात, निफ्टी १८,६०४.४५ विक्रमी उच्चांकावरून १८ टक्क्यांनी घसरून १५,१८३.४० अंकांच्या नीचांकी पातळीवर पोहोचला होता.
शेअर बाजारातील या मोठ्या घसरणीचा सर्वात मोठा परिणाम गुंतवणूकदारांवर दिसून आला आहे. गुंतवणूकदारांचे नुकसान बीएसईच्या मार्केट कॅपशी जोडलेले आहे. २७ सप्टेंबर २०२४ रोजी जेव्हा बॉम्बे स्टॉक एक्सचेंजचा प्रमुख निर्देशांक सेन्सेक्स बंद झाला तेव्हा बीएसईचे मार्केट कॅप ४,७७,९३,०२२.६८ कोटी रुपये होते. मंगळवारी, जेव्हा सेन्सेक्स दिवसाच्या सर्वात कमी पातळीवर होता, तेव्हा बीएसई मार्केट कॅप ४,१८,१०,९०३.०२ कोटी रुपयांवर दिसला. तेव्हापासून, बीएसईचे मार्केट कॅप ५९,८२,११९.६६ कोटी रुपयांनी कमी झाले आहे. याचा अर्थ असा की शेअर बाजारातील गुंतवणूकदारांना १०० दिवसांत सुमारे ६० लाख कोटी रुपयांचे नुकसान झाले आहे.
नॅशनल सिक्युरिटीज डिपॉझिटरी लिमिटेड (NSDL) आणि BSE लिमिटेडच्या आकडेवारीनुसार, शेअर बाजारातील घसरणीचे मुख्य कारण FPI कडून होणारी विक्री आहे. रशियावर अमेरिकेच्या ताज्या निर्बंधांमुळे घसरणारा रुपया आणि वाढत्या कच्च्या तेलाच्या किमतींदरम्यान ऑक्टोबर ते १२ जानेवारी या कालावधीत १.८५ लाख कोटी रुपयांच्या शेअर्सची विक्री केली होती. दरम्यान, म्युच्युअल फंडांच्या नेतृत्वाखालील DII ने देखील याच कालावधीत 2.18 लाख कोटी रुपयांची गुंतवणूक केली आहे. डीआयआयची खरेदी एफपीआय विक्रीच्या बरोबरीने असूनही घसरणीचे कारण म्हणजे डीआयआय नंतर बाहेर पडण्यासाठी कमी किमतीत बोली लावत आहेत. तथापि, शेअर बाजारात लवकरच एफपीआय खरेदी सुरू होण्याची शक्यता जवळजवळ नगण्य आहे. त्याचे मुख्य कारण म्हणजे रुपयाची घसरण आणि कच्च्या तेलाच्या किमतीत वाढ.
७ सप्टेंबरपासून ब्रेंट क्रूडच्या किमती १२ टक्क्यांनी वाढून ८० डॉलर प्रति बॅरलच्या पुढे गेल्या आहेत. याच काळात, सोमवारपर्यंत डॉलरच्या तुलनेत रुपया ३.४ टक्क्यांनी कमकुवत होऊन ८६.५८ प्रति डॉलर या विक्रमी नीचांकी पातळीवर पोहोचला आहे. रुपयाच्या मूल्यात घसरण झाल्यामुळे, एफपीआयचा डॉलर परतावा कमी झाला आहे. अमेरिकेत बाँड उत्पन्न सप्टेंबरच्या मध्यात ३.७ टक्क्यांवरून ४.७६ टक्क्यांपर्यंत वाढले आहे. दुसरीकडे, अमेरिकन फेडरल रिझर्व्हने चार वर्षांत प्रथमच व्याजदरात कपात करण्यास सुरुवात केली. फेडने तीन धोरणात्मक बैठकांमध्ये १०० बेसिस पॉइंट्सने दर कमी केले आहेत.
तथापि, मंगळवारी शेअर बाजार थोड्या वाढीसह बंद झाला. मुंबई शेअर बाजाराचा प्रमुख निर्देशांक सेन्सेक्स १६९.६२ अंकांच्या वाढीसह ७६,४९९.६३ अंकांवर बंद झाला. तर ट्रेडिंग सत्रादरम्यान, सेन्सेक्सने दिवसाच्या नीचांकी पातळी 76,335.75 अंकांवर पोहोचला. दुसरीकडे, राष्ट्रीय शेअर बाजाराचा मुख्य निर्देशांक निफ्टी ९०.१० अंकांच्या वाढीसह २३,१७६.०५ अंकांवर बंद झाला. व्यवहाराच्या सत्रादरम्यान निचांकी २३,१३४.१५ अंकांवर पोहोचला.
.png "Videos"){kind=small}
