मांसाहारी थाळीची वाढली किंमत; शाकाहारी खाणाऱ्यांना दिलासा, काय स्वस्त काय महाग

बटाटा आणि कांद्याच्या किमतीत अनुक्रमे 2 टक्के आणि 12 टक्के घट झाल्याने डिसेंबरमध्ये शाकाहारी थाळीच्या किमतीत घट झाली आहे आणि याउलट मांसाहारी थाळीच्या किमतीमध्ये वाढ दिसून आली आहे

घरगुती शाकाहारी थाळीच्या किमतीत डिसेंबरमध्ये मासिक आधारावर 3 टक्क्यांनी घट झाली आहे, मात्र या काळात मांसाहारी थाळीच्या किमतीतही याच प्रमाणात वाढ झाली आहे. सोमवारी एका अहवालात ही माहिती देण्यात आली.

मध्य प्रदेश, महाराष्ट्र आणि गुजरातमधून ताज्या पुरवठ्यामुळे टोमॅटोच्या किमतीत 12 टक्क्यांनी घट झाली आहे, तर उत्तरेकडील थंडीच्या लाटेमुळे उत्पादन कमी झाल्यामुळे ब्रॉयलरच्या किमती घसरल्या आहेत, असे क्रिसिल मार्केट इंटेलिजन्स अँड ॲनालिटिक्सच्या अहवालात म्हटले आहे महिन्याभरात किमतीत अंदाजे 11 टक्के वाढ झाल्यामुळे मांसाहारी थाळीच्या किमतीत झपाट्याने वाढ झाली आहे (फोटो सौजन्य – iStock) 

बटाटा – कांद्याचे भाव घटले

सणासुदी आणि लग्नसराईच्या काळात मागणी वाढणे आणि चाऱ्याची वाढलेली किंमत यामुळेही किमतीत वाढ झाल्याचे अहवालात म्हटले आहे. अहवालानुसार, बटाटा आणि कांद्याच्या दरात अनुक्रमे 2 टक्के आणि 12 टक्क्यांची मासिक घसरण डिसेंबरमध्ये शाकाहारी थाळीच्या किमतीत झालेल्या घसरणीला समर्थन देत आहे. तथापि, वार्षिक आधारावर शाकाहारी थाळीच्या किमतीत होणारी वाढ हे टोमॅटो आणि बटाट्याच्या किमतीत वाढ झाल्याने शाकाहारी थाळीच्या किमतीत 24 टक्के वाटा आहे.

Share Market Crash: HMPV ची दहशत, शेअर बाजार झाला क्रॅश; 800000 कोटींचे नुकसान

See more

कसा आहे फरक 

डिसेंबरमध्ये टोमॅटोचा दर वार्षिक 24 टक्क्यांनी वाढून 47 रुपये किलो झाला होता, तर गेल्या वर्षी डिसेंबरमध्ये तो 38 रुपये किलो होता. बटाट्याच्या किमती गेल्या वर्षीच्या कमी बेसच्या तुलनेत 50 टक्क्यांनी वाढून डिसेंबर 2024 मध्ये 36 रुपये प्रति किलो झाली, तर डिसेंबर 2023 मध्ये तो 24 रुपये प्रति किलो होता. याचे कारण उत्पादनात अंदाजे 6 टक्के घट आहे. आयात शुल्कात वाढ झाल्याने भाजी तेलाच्या किमतीत १६ टक्क्यांनी वाढ झाली असून सण आणि लग्नसराईमुळे त्याची मागणीही वाढली आहे.

शाकाहारी थाळीमध्ये रोटी, भाज्या ज्यामध्ये कांदा, टोमॅटो आणि बटाटा यांचा समावेश केला जातो, तांदूळ, डाळ, दही आणि कोशिंबीर यांचा समावेश होतो. मांसाहारी थाळीमध्ये डाळ सोडून सर्व गोष्टी सारख्याच असतात. त्याऐवजी चिकन ब्रॉयलर समाविष्ट आहे. 

खिशाला भगदाड

यामुळे आता शाकाहारी पदार्थ खाणाऱ्यांची जरी चांदी झाली असली तरीही मांसाहारी पदार्थांवर ताव मारणाऱ्यांच्या खिशाला मात्र नक्कीच भगदाड पडणार आहे. लवकरच बजेटही येणार आहे आणि यावेळीदेखील कोणते पदार्थ स्वस्त आणि महाग होतील याकडे सर्वांचे लक्ष लागले आहे. मात्र तूर्तास तरी ही वेळ मांसाहारी पदार्थांवर आली असल्याचे दिसून येत आहे. अनेक भाज्या स्वस्त झाल्या असून मांसाहारी पदार्थात अधिक प्रमाणात खाल्ली जाणारी अंडी आणि चिकन हे दोन्ही महागले असल्याचे दिसून येत आहे आणि त्यामुळेच अनेक रेस्टॉरंट आणि हॉटेल्समध्ये शाकागारी थाळीपेक्षा मांसाहारी थाळीला अधिक पैसे मोजावे लागत आहेत. खरं तर शाकाहारी थाळीत अधिक पदार्थांचा समावेश असतो मात्र मांसाहारी प्रेमींना लागणारे पदार्थ हे अधिक महाग असल्याने थाळीच्या दरातही वाढ करण्यात आल्याचे गिरगाव येथील मालवण भोजनालयाचे मालक हरी भोसले यांनी सांगितले. 

अडानीला मिळणार रू. 1,71,39,85,00,000 रकमेचा चेक, कुठे करणार खर्च; यादीही तयार

See more