महागड्या गाड्या, आलिशान घर; कोट्यधीश बाबा सिद्दिकी यांच्याकडे नेमकी किती होती संपत्ती?

माजी राज्यमंत्री तथा अजित पवार यांच्या राष्ट्रवादीचे नेते बाबा सिद्दिकी यांची गोळ्या घालून हत्या करण्यात आली आहे. बॉलिवूडमधील अनेक अभिनेते, दिग्दर्शकांशी जवळचे संबंध असणारे बाबा सिद्दिकी हे कोट्यधीश होते. त्यांच्याकडे महागड्या गाड्या होत्या. याच पार्श्वभुमीवर आज आपण त्यांच्या एकूण संपत्तीबाबत जाणून घेणार आहोत...

माजी राज्यमंत्री तथा अजित पवार यांच्या राष्ट्रवादीचे नेते बाबा सिद्दिकी यांची गोळ्या घालून हत्या करण्यात आली आहे. महाराष्ट्राच्या राजकारणात तसेच बॉलिवूडमध्ये मोठे वजन असलेल्या या नेत्याची ऐन दसऱ्याच्या दिवशीच हत्या झाल्यामुळे महाराष्ट्रासह संपूर्ण देशात खळबळ उडाली आहे. बॉलिवूडमधील अनेक अभिनेते, दिग्दर्शकांशी जवळचे संबंध असणारे बाबा सिद्दिकी हे कोट्यधीश होते. त्यांच्याकडे महागड्या गाड्या होत्या. याच पार्श्वभुमीवर आज आपण त्यांच्या एकूण संपत्तीबाबत जाणून घेणार आहोत…

किती आहे बाबा सिद्दिकी यांची एकूण संपत्ती?

बाबा सिद्दिकी यांचे शिक्षण 12 वी पर्यंत झालेले आहे. 2014 सालच्या निवडणुकीदरम्यान दाखल केलेल्या शपथपत्रानुसार बाबा सिद्दिकी हे एकूण 76 कोटी रुपये संपत्तीचे मालक होते. बाबा सिद्दिकी यांच्याकडे महागडे दागिने, महागड्या गाड्या देखील होत्या. दागिने आणि गाड्यांची जवळपास किंमत 30 कोटी रुपये होते. त्यांच्याकडे मर्सिडिज बेझ कार होती. सोन्याचे आणि हिऱ्याचे अनेक दागिने होते. 2009 सालच्या निवडणुकीत दाखल केलेल्या शपथपत्रानुसार 2009 साली त्यांची संपत्ती 25 कोटी रुपये होती.

हे देखील वाचा – बाबा सिद्दीकी हत्या प्रकरणाचे पुणे कनेक्शन; धक्कादायक माहिती समोर

निवडणुकीतील शपथपत्रानुसार बाबा सिद्दिकी आणि त्यांच्या पत्नीकडे 2014 साली एकूण 6 कोटी रुपयांचे दागिने होते. बाबा सिद्दिकी यांच्या नावावर 2014 साली 4 कोटी रुपयांची एक व्यावसायिक इमारत होती. तर त्यांच्या पत्नीच्या नावे एकूण दोन व्यावसायिक इमारती आहेत. यातील एका इमारतीची किंमत 1 कोटी तर दुसऱ्या इमारतीची किंमत 91 लाख रुपये आहे. बाबा सिद्दिकी यांच्या नावे वांद्रे येथे 3 आणि 15 कोटी रुपयांच्या आणखी दोन व्यावसायिक इमारती देखील आहे.

दोघा आरोपींना अटक, दोघांचा शोध सुरू

बाबा सिद्दिकी यांची भर रस्त्यात गोळ्या झाडून हत्या करण्यात आली. ऐन दसऱ्याच्या म्हणजेच 12 ऑक्टोबर रोजी रात्री ही घटना घडली. या हत्या प्रकरणातील दोघांना पोलिसांनी अटक केली आहे. त्यांच्याविरोधात भारतीय न्याय संहितेच्या वेगवेगळ्या कलमांखाली गुन्हा दाखल करण्यात आला आहे. पोलीस तिसऱ्या आरोपीचा शोध घेत आहेत. हे आरोपी 2 सप्टेंबरपासून कुर्ल्यामध्ये एका भाड्याच्या खोलीत राहत होते. बाबा सिद्दिकी यांची हत्या करण्यासाठी त्यांनी 2 लाख रुपयांची सुपारी घेतली होती. या हत्या प्रकरणात आणखी एका आरोपीचा समावेश असल्याची शक्यता पोलिसांनी व्यक्त केली आहे.