Bank Holidays November : काय सांगता? बँकेची कामं तातडीने उरकून घ्या… पुढच्या आठवड्यात 6 दिवस बँका राहणार बंद

Bank Holidays November : जर तुमचे बँकेशी संबंधित काही महत्त्वाचे काम बाकी असेल, तर ही बातमी तुमच्यासाठी अत्यंत महत्त्वाची आहे. येत्या ९ ते १५ नोव्हेंबर या कालावधीत शनिवार-रविवारची साप्ताहिक सुट्टी आणि विविध सणांमुळे देशातील विविध भागांत तब्बल ६ दिवस बँका बंद राहणार आहेत.

• बँकेची कामं तातडीने उरकून घ्या…
• पुढच्या आठवड्यात 6 दिवस बँका राहणार बंद
• कोणत्या दिवशी तुमच्या शहरातील बँका असणार बंद?

Bank Holidays November : उद्यापासून नोव्हेंबर महिन्याचा नवा आठवडा सुरु होत आहे. या नवीन आठवड्यात सुरू असताना तब्बल ६ दिवस बँका बंद राहणार आहेत. स्टेट बँक ऑफ इंडिया आणि एचडीएफसी बँकेसह सर्व सार्वजनिक आणि खाजगी क्षेत्रातील बँका वेगवेगळ्या शहरांमध्ये आणि राज्यांमध्ये वेगवेगळ्या दिवशी बंद राहतील. तुमच्या भागात बँका कधी राहतील बंद? हे जाणून घेऊन त्यानुसार कामाचं नियोजन करा. ( Bank Holidays November ) 

Hindustan Coca-Cola IPO 2026: गुंतवणूकदारांसाठी मोठी बातमी! कोका-कोला आणणार मेगा IPO

भारतीय रिझर्व्ह बँकेच्या नियमांनुसार, सर्व बँका महिन्याच्या दुसऱ्या आणि चौथ्या शनिवारी, तसेच प्रत्येक रविवारी, नियोजित सुट्ट्यांव्यतिरिक्त बंद असतात. या काळात बँकेच्या शाखा बंद राहतील. पण या काळात डिजिटल सेवा म्हणजेच ऑनलाइन, नेट बँकिंग, ॲप्स या सेवा सुरू राहतील. भारतातील बँका राष्ट्रीय आणि राजपत्रित सुट्ट्या, तसेच स्थानिक सण आणि राज्य-विशिष्ट आवश्यकतांमुळे बंद असल्यामुळे, या आठवड्यात सर्व राज्यांमध्ये बँका एकाच वेळी बंद राहणार नाहीत. स्थानिक परंपरेनुसार वेगवेगळ्या शहरांमध्ये सुट्ट्या जाहीर करण्यात आल्या आहेत. त्या सुट्ट्या नेमक्या कोणत्या चला जाणून घेऊयात.

पुढील आठवड्यातील बँकांच्या सुट्ट्यांची संपूर्ण यादी

९ नोव्हेंबर (सोमवार – दिवाळी/लक्ष्मी पूजा/गोवर्धन पूजा) – अगरतळा, भोपाळ, चंदीगड, गंगटोक, गुवाहाटी, इम्फाळ, जयपूर, कानपूर, लखनौ आणि रायपूर मंडळांमधील बँका बंद राहतील.

१० नोव्हेंबर (मंगळवार – दिवाळी बळी प्रतिपदा/विक्रम संवत नववर्ष) – अहमदाबाद, बेलापूर (नवी मुंबई), बंगळूर, डेहराडून, गंगटोक, मुंबई आणि नागपूर येथील बँका बंद राहतील.

११ नोव्हेंबर (बुधवार – भाई दूज/चित्रगुप्त जयंती/निंगोल चक्कोबा) – गंगटोक, इम्फाळ, कानपूर, कोलकाता, लखनौ आणि शिमला येथील बँक शाखा बंद राहतील.

१३ नोव्हेंबर (शुक्रवार – वांगला उत्सव) – मेघालयातील स्थानिक सुट्टीमुळे फक्त शिलाँगमध्ये बँका बंद राहतील, परंतु देशभरातील बँका सुरू राहतील.

१४ नोव्हेंबर (दुसरा शनिवार) – आरबीआयच्या नियमांनुसार, महिन्याच्या दुसऱ्या शनिवारमुळे देशभरातील सर्व सार्वजनिक आणि खाजगी बँका बंद राहतील.

१५ नोव्हेंबर (रविवार) – साप्ताहिक सुट्टीमुळे देशभरातील बँका बंद राहतील.

सुट्ट्यांच्या काळात कसा होणार व्यवहार?

बँकेच्या शाखा बंद असल्या तरी, ऑनलाइन आणि डिजिटल बँकिंग सेवा आणि एटीएम २४/७ कार्यरत राहणार आहेत. तुम्ही याकाळात UPI द्वारे पैशांचे व्यवहार करू शकता. बँका सुरू असोत वा नसोत, तुम्हाला या सेवा मिळत राहतील. पण देखभालीमुळे या सेवा कधीकधी तात्पुरत्या स्वरूपात स्थगित केल्या जाऊ शकतात, ज्याबद्दल बँक तुम्हाला कळवेल. NEFT/RTGS ट्रान्सफर फॉर्म, डिमांड ड्राफ्ट रिक्वेस्ट फॉर्म आणि चेकबुक फॉर्म वापरून देखील निधी हस्तांतरण करता येते. रोख रक्कम काढण्यासाठी एटीएमचा वापर देखील करता येतो.

Gold Prices Global Vs India : जगभरात तब्बल 24% तर घसरले सोन्याचे भाव! मग भारतात फक्त 20% घसरण का? या फरकामागचं मोठं कारण समोर