ब्लूस्टोन ज्वेलरी आणि लाइफस्टाइलचा IPO सबस्क्रिप्शनसाठी खुला, १३ ऑगस्टपर्यंत गुंतवणुकीची संधी

BlueStone Jewellery IPO 2025: जेव्हा एखादी कंपनी पहिल्यांदाच सामान्य जनतेला शेअर्स जारी करते तेव्हा त्याला इनिशियल पब्लिक ऑफरिंग किंवा आयपीओ म्हणतात. ब्लूस्टोन ज्वेलरी अँड लाइफस्टाइल लिमिटेड चा IPO आज उघडला आहे.

BlueStone Jewellery IPO 2025 Marathi News: ‘ब्लूस्टोन’ या ब्रँड नावाखाली आधुनिक शैलीतील दागिने तयार करणारी कंपनी, ब्लूस्टोन ज्वेलरी अँड लाइफस्टाइल लिमिटेड (BJLL) चा IPO आज म्हणजेच ११ ऑगस्ट रोजी उघडला आहे. या इश्यूसाठी गुंतवणूकदार १३ ऑगस्टपर्यंत बोली लावू शकतील. कंपनीचे शेअर्स १९ ऑगस्ट रोजी बॉम्बे स्टॉक एक्सचेंज (BSE) आणि नॅशनल स्टॉक एक्सचेंज (NSE) वर सूचीबद्ध होतील. कंपनी या IPO द्वारे १,५४०.६५ कोटी रुपये उभारू इच्छिते.

या आयपीओमध्ये २.९८ कोटी शेअर्स विकले जातील. यामध्ये कंपनी १.५९ नवीन शेअर्स जारी करेल, ज्यांचे मूल्य ८२० कोटी रुपये आहे. त्याच वेळी, कंपनीचे विद्यमान गुंतवणूकदार ऑफर फॉर सेल (ओएफएस) द्वारे १.३९ कोटी शेअर्स विकतील, ज्याचे मूल्य ₹७२०.६५ कोटी आहे.

जून तिमाहीच्या कमकुवत निकालांमुळे व्होल्टासचा शेअर कोसळला, मोठ्या घसरणीमुळे गुंतवणूकदार चिंतेत

गुंतवणुकीसाठी किमान आणि कमाल रक्कम किती आहे?

ब्लूस्टोन लिमिटेडने आयपीओचा किंमत पट्टा ₹४९२ ते ₹५१७ दरम्यान निश्चित केला आहे. किरकोळ गुंतवणूकदार किमान एका लॉटसाठी म्हणजेच २९ शेअर्ससाठी बोली लावू शकतात. जर तुम्ही आयपीओच्या ₹५१७ च्या वरच्या किंमत पट्ट्यानुसार १ लॉटसाठी अर्ज केला तर तुम्हाला त्यासाठी ₹१४,९९३ ची गुंतवणूक करावी लागेल.

त्याच वेळी, किरकोळ गुंतवणूकदार जास्तीत जास्त १३ लॉटसाठी म्हणजेच ३७७ शेअर्ससाठी अर्ज करू शकतात. यासाठी, गुंतवणूकदारांना वरच्या किंमत पट्ट्यानुसार ₹ १,९४,९०९ ची गुंतवणूक करावी लागेल.

इश्यूचा ३५ टक्के हिस्सा किरकोळ गुंतवणूकदारांसाठी राखीव आहे

कंपनीने आयपीओचा ७५ टक्के हिस्सा पात्र संस्थात्मक खरेदीदारांसाठी (QIB) राखीव ठेवला आहे. याशिवाय, १५ टक्के हिस्सा बिगर-संस्थात्मक गुंतवणूकदारांसाठी (NII) राखीव आहे आणि उर्वरित १० टक्के हिस्सा किरकोळ गुंतवणूकदारांसाठी राखीव आहे.

ब्लूस्टोन ज्वेलरी आयपीओ गुंतवणूकदारांसाठी चांगला की वाईट?

या सार्वजनिक इश्यूसाठी अर्ज करावा की नाही याबद्दल, फायनोक्रॅट टेक्नॉलॉजीजचे संस्थापक आणि संचालक गौरव गोयल म्हणाले, “ब्लूस्टोनने मजबूत टॉपलाइन वाढ आणि विकसित होत असलेल्या ब्रँड सामर्थ्याचे प्रदर्शन केले असले तरी, नफ्याचा अभाव, नकारात्मक मार्जिन आणि महागडे मूल्यांकन यामुळे चिंता निर्माण होते. इक्विटीवरील परतावा गंभीरपणे नकारात्मक राहतो आणि अर्थपूर्ण पीएटी अजूनही २-३ वर्षे दूर असू शकतो.”

आयपीओ म्हणजे काय?

जेव्हा एखादी कंपनी पहिल्यांदाच सामान्य जनतेला शेअर्स जारी करते तेव्हा त्याला इनिशियल पब्लिक ऑफरिंग किंवा आयपीओ म्हणतात. कंपनीला व्यवसाय वाढवण्यासाठी पैशांची आवश्यकता असते. अशा परिस्थितीत, बाजारातून कर्ज घेण्याऐवजी, कंपनी काही शेअर्स लोकांना विकून किंवा नवीन शेअर्स जारी करून पैसे उभे करते. यासाठी, कंपनी आयपीओ आणते.

Income Tax Bill: आज लोकसभेत सादर होणार नवीन कर विधेयक, आयकर कायद्यात ऐतिहासिक सुधारणा होणार का?