Gold Silver Price : सोनं-चांदी खरेदीदारांसाठी खुशखबर! सोन्या-चांदीवरही शुल्क घटले, पाहा आजचे दर

अर्थमंत्री निर्मला सीतारामन यांनी सलग सातव्यांदा अर्थसंकल्प सादर केला. या अर्थसंकल्पात त्यांनी सर्वसामान्यांसाठी आनंदवार्ता दिली आहे. आता सोनं आणि चांदी स्वस्त होणार आहे. सोने आणि चांदीवरील कस्टम ड्युटी 4% वरून 6% करण्यात आली आहे.

अर्थमंत्री निर्मला सीतारामन यांनी सलग सातव्यांदा अर्थसंकल्प सादर केला. सोने आणि चांदीवरील कस्टम ड्युटी 4% वरून 6% करण्यात आली आहे. पूर्वी कस्टम ड्युटी 10 टक्के होती. तसेच मोबाईल फोन देखील स्वस्त होतील. मोबाईल फोन आणि पार्ट्सवरील कस्टम ड्युटी 15% ने कमी करण्यात आली आहे. त्यामुळे सर्वसामान्यांना दिलासा मिळाला असून आता सोनं आणि चांदी स्वस्त होणार आहे.

दरम्यान आज (23 जुलै) भारतीय सराफा बाजारात सोन्या-चांदीच्या दरात घसरण दिसून आली. सोन्याचा भाव 72 हजार रुपये प्रति 10 ग्रॅमच्या पुढे आहे. त्याचवेळी, चांदीचा भाव 87 हजार रुपये प्रति किलोपेक्षा जास्त आहे. राष्ट्रीय स्तरावर 999 शुद्धतेच्या 24 कॅरेट सोन्याच्या 10 ग्रॅमची किंमत 72609 रुपये आहे. तर 999 शुद्ध चांदीची किंमत 87576 रुपये प्रति किलो आहे.

इंडिया बुलियन अँड ज्वेलर्स असोसिएशनच्या म्हणण्यानुसार, सोमवारी (२२ जुलै) संध्याकाळी २४ कॅरेट सोन्याचा दर ७३२१८ रुपये प्रति १० ग्रॅम होता, जो आज २३ जुलैच्या सकाळी ७२६०९ रुपयांपर्यंत घसरला आहे. त्याचप्रमाणे शुद्धतेच्या आधारावर सोने आणि चांदी दोन्ही स्वस्त झाले आहेत.

TDS दर 0.1% पर्यंत कमी केला जाईल

या अर्थसंकल्पात पुढील 6 महिन्यांत सीमाशुल्क संरचनेचा सर्वसमावेशक आढावा घेतला जाईल. ई-कॉमर्सवरील टीडीएस दर 0.1% पर्यंत कमी केला जाईल. देणग्यांसाठी दोन कर सवलत व्यवस्था विलीन करण्याचा प्रस्ताव देतो. कर भरण्याच्या तारखेपर्यंत TDS मध्ये होणारा विलंब गुन्हेगार ठरवण्याचा प्रस्ताव देण्यात आला.

डॉ.सौरभ गाडगीळ, अध्यक्ष व व्यवस्थापकीय संचालक, पीएनजी ज्वेलर्स

सोने आणि चांदीच्या आयात शुल्कात घट होऊन 6 टक्क्यांपर्यंत व प्लॅटिनमच्या आयात शुल्कात घट होऊन 6.4 टक्क्यांपर्यंत करण्याच्या निर्णयाचा आम्हाला अत्यंत आनंद होत आहे. या उद्योगाची बऱ्याच काळापासून ही मागणी होती आणि याचा उद्योगातील कंपन्यांवर आणि उद्योगाच्या विकासावर सकारात्मक परिणाम होणार आहे. आयात शुल्क कमी झाल्याने सोन्याची मागणी वाढण्याची अपेक्षा आहे. तसेच विक्रमी पातळीवर गेलेल्या सोन्याच्या किमतीं निवळतील. आयात शुल्कात घट झाल्यामुळे फक्त उद्योगालाच नाही तर ग्राहकांना देखील दिलासा मिळणार आहे. उद्योगातील पारदर्शकता वाढविण्यासाठी आणि बेकायदा तस्करीला आळा घालण्याच्या दृष्टीने हे एक महत्त्वाचे पाऊल आहे. या निर्णयामुळे उद्योग आणि बाजारपेठेवर सकारात्मक परिणाम अपेक्षित असून आम्ही या निर्णयाचे स्वागत करतो.