मुंबईतील सर्वात महागड्या परिसरात 'या' उद्योगपतीने खरेदी केला आलिशान वाडा; ...किंमत ऐकून अवाक व्हाल!
मुंबई ही देशात सर्वात महाग शहरांंपैकी एक आहे. मुंबईत अनेक असा परिसर आहे जेथे घर खरेदी करणे कोणालाही शक्य नाही. या भागात मोठे मोठे लोकच राहतात. मुंबईतील कफ परेड या भागात एका उद्योजकाने वाडा खरेदी केला आहे. ज्याची किंमत ऐकून तुम्हाला ही विश्वास बसणार नाही. पूनावाला अभियांत्रिकी समूहाचे अध्यक्ष आणि दिग्गज उद्योगपती योहान पूनावाला यांनी दक्षिण मुंबईतील कफ परेडमध्ये एक आलिशान वाडा विकत घेतला आहे.
किंमत तब्बल 500 कोटी रुपये
मीडिया रिपोर्ट्सनुसार, या वाड्याची किंमत तब्बल 500 कोटी रुपये आहे. एका नामांकित इंग्रजी वृत्तपत्राच्या रिपोर्टनुसार, हा आलिशान वाडा 30,000 स्क्वेअर फूट परिसरात पसरला आहे. दक्षिण मुंबईतील कफ परेड परिसरात अनेक बड्या उद्योजकांची घरे आहेत. मुकेश अंबानी यांचे धाकटे भाऊ अनिल अंबानी यांचे देखील या ठिकाणी एक घर आहे. जेथे पूर्वी ते आपल्या कुटुंबासोबत राहत होते.
योहान हे आहे अदार पूनावाला यांचे चुलत भाऊ
पुनावाला दाम्पत्याने ही मालमत्ता खरेदी केल्याचे कुठेही अधिकृत समोर आलेले नाही. पण, मुंबईतील वाढत्या मालमत्तेच्या किमती लक्षात घेता हा सौदा 500 कोटींमध्ये झाल्याचा अंदाज व्यक्त केला जात आहे. योहान पूनावाला हे सीरम इन्स्टिट्यूट ऑफ इंडियाचे सीईओ अदार पूनावाला यांचे चुलत भाऊ आहेत. योहान पूनावाला आणि त्यांची पत्नी मिशेल पूनावाला सध्या पुण्यातील पूनावाला हाऊसमध्ये राहतात.
सीरम इन्स्टिट्यूटचे आहे शेअरहोल्डर
योहान पूनावाला यांची पत्नी मिशेल पूनावाला या एमवायपी डिझाइन स्टुडिओ नावाचा इंटिरियर डिझायनिंग स्टुडिओ चालवतात. या नव्या वाड्याचे डिझायनिंग देखील त्या करणार असल्याचे सांगितले जात आहे. ५२ वर्षीय योहान पूनावाला हे एल-ओ-मॅटिक इंडियाचे मालक आहेत. याशिवाय ते सीरम इन्स्टिट्यूट ऑफ इंडियाचे शेअरहोल्डर देखील आहेत. ते पूनावाला फायनान्शियलचे अध्यक्षही आहेत. भारतातील श्रीमंतांच्या यादीत त्यांचे नाव आहे.
.png "Videos"){kind=small}
