गुरुवार, 22 ऑक्टोबर 2026
DA Hike (फोटो सौजन्य- सोशलमीडिया)
DA Hike Update: सणासुदीचे दिवस आले की सरकारी कर्मचारी आणि पेन्शनधारक महागाई भत्ता वाढीची वाट पाहत आहेत. आता सगळ्यांचे लक्ष जुलै 2026 पासूनच्या DA वाढीकडे लागलंय. दसरा झाला तरी अजून सरकारने यावर शिक्कामोर्तब केलेलं नाही. त्यामुळे आता दिवाळीच्या आधी कॅबिनेट मिटिंगमध्ये हा निर्णय होणार का, याकडे सगळ्यांचे डोळे लागले आहेत. जर 3% वाढ झाली तर कर्मचाऱ्यांच्या पगारात चांगलीच वाढ होणार आहे आणि जुलैपासूनचा फरकाचा पैसाही मिळणार आहे. DA Hike :
केंद्र सरकार वर्षातून दोनदा DA वाढवतं. एकदा जानेवारीमध्ये आणि दुसऱ्यांदा जुलैमध्ये. जरी हा भत्ता जुलैपासून लागू होत असला तरी त्याची घोषणा नेहमी उशिरा, म्हणजे ऑक्टोबर-नोव्हेंबरमध्ये सणांच्यावेळी केली जाते.
यावेळी पण तसंच झालंय. 14 ऑक्टोबरला झालेल्या कॅबिनेट बैठकीत रेल्वे कर्मचाऱ्यांना बोनस दिला गेला, पण DA चा विषय घेतलाच नाही. त्यानंतर 16 ऑक्टोबरला बाकीच्या कर्मचाऱ्यांसाठी बोनस मंजूर झाला, पण DA ची फाईल तशीच पेंडिंग राहिली. आता 27 ऑक्टोबरला एक मोठी बैठक होणार आहे, ज्यात मंत्रालयांच्या कामाचा आढावा घेतला जाणार आहे. पण कर्मचारी म्हणत आहेत की या बैठकीशिवाय सरकारने दिवाळीच्या आधी वेगळी घोषणा करून DA वाढवावा.
AICPI म्हणजे महागाईचा जो निर्देशांक असतो, त्याच्या आकडेवारीनुसार यावेळी 3% वाढ होण्याची शक्यता जास्त आहे. सध्या सरकारी कर्मचाऱ्यांना त्यांच्या बेसिक पगाराच्या 60% DA मिळतो. जर 3% वाढ झाली तर तो थेट 63% होईल.
मागच्या वर्षीचा पॅटर्न पाहिला तर 2025 मध्ये जुलैचा DA 6 ऑक्टोबरला जाहीर झाला होता. 2024 मध्ये तो 21 ऑक्टोबरला जाहीर झाला होता. त्यामुळे यावेळी पण दिवाळीच्या आधीच ही घोषणा होईल अशी अपेक्षा सगळ्यांना आहे.
तुमचा बेसिक पगार 18,000 रुपये आहे. सध्या 60% प्रमाणे तुम्हाला 10,800 रुपये DA मिळतो. जर DA 63% झाला तर तुम्हाला 11,340 रुपये मिळतील. दर महिन्याला थेट 540 रुपयांची वाढ. आणि वर्षाचं गणित केलं तर 6,480 रुपयांचा जास्त फायदा.
ज्यांचा बेसिक पगार जास्त आहे, त्यांना यापेक्षा जास्त फायदा होणार आहे. पेन्शनधारकांना पण DR म्हणजे महागाई सवलत याच प्रमाणात वाढून मिळणार आहे.जुलैपासूनचा एरियर मिळणार का?हो, हा सगळ्यात महत्त्वाचा मुद्दा आहे. सरकारने घोषणा जरी उशिरा केली तरी DA हा 1 जुलै 2026 पासूनच लागू होणार म्हणजेच जुलै, ऑगस्ट, सप्टेंबर आणि ऑक्टोबर या चार महिन्यांचा जो फरक आहे, तो एरियर म्हणून तुमच्या खात्यात एकदम जमा होणार आहे.
दिवाळीच्या आधी पगार वाढ plus एरियरचा पैसा असा डबल धमाका होऊ शकतो. पण याचा फायनल आकडा आणि कधी पैसा येणार हे वित्त मंत्रालय अधिकृत GR काढल्यावरच कळेल.एकंदरीत काय तर, कर्मचाऱ्यांना थोडी अजून वाट पाहावी लागणार आहे. दिवाळीच्या आधी गुडन्यूज मिळेल अशी आशा आहे.
Ans: DA मध्ये 3% वाढ होण्याची शक्यता आहे.
Ans: 3% वाढ मंजूर झाल्यास DA 60% वरून 63% होऊ शकतो.
Ans: अधिकृत तारीख निश्चित झालेली नाही.
