शेतकरी, सरकारी कर्मचाऱ्यांसाठी सरकारचा मोठा निर्णय; केंद्रिय मंत्रिमंडळ बैठकीत मंजुरी!
देशातील सुमारे एक कोटी सरकारी कर्मचाऱ्यांच्या महागाई भत्त्यात वाढ करण्यात आली आहे. केंद्र सरकारने सुमारे 49 लाख कर्मचारी आणि 60 लाख निवृत्तीवेतन धारकांचा महागाई भत्ता आणि महागाई सवलत म्हणजे डीए आणि डीआरमध्ये 3 टक्क्यांनी वाढ केली आहे. आज (ता.१६) झालेल्या केंद्रिय मंत्रिमंडळाच्या बैठकीत हा महत्त्वपूर्ण घेण्यात आला आहे. त्यामुळे आता ऐन सणासुदीच्या काळात सरकारी कर्मचाऱ्यांना सरकारने मोठी खुशखबर दिली आहे.
डीएमध्ये ३ टक्के वाढ मंजूर
केंद्र सरकारने आज झालेल्या मंत्रिमंडळ बैठकीत महत्त्वपूर्ण निर्णयांना मंजुरी दिली आहे. यात महत्त्वाचा निर्णय म्हणून केंद्रीय मंत्रिमंडळाच्या आज झालेल्या बैठकीत केंद्रीय कर्मचाऱ्यांच्या डीएमध्ये ३ टक्के वाढ मंजूर करण्याचा निर्णय घेण्यात आला आहे. दिवाळीपूर्वी कर्मचाऱ्यांचा महागाई भत्ता ५० टक्क्यांवरून, ५३ टक्के करण्यात आला आहे. या निर्णयाला आजच्या मंत्रिमंडळ बैठकीत मान्यता देण्यात आली आहे.
थकबाकीसह मिळणार महागाई भत्ता
सरकारी कर्मचारी आणि पेन्शनधारकांना त्यांच्या ऑक्टोबर महिन्याच्या पगारात मोठी वाढ मिळणार आहे. कारण 1 जुलै 2024 पासून या निर्णयाद्वारे महागाई भत्ता लागू होणार आहे. यामुळे महागाई भत्ता आणि महागाई सवलत या दोन्हीसाठी पात्र असलेल्यांना जुलै ते सप्टेंबर या कालावधीत वाढीव थकबाकी मिळेल. ही वेळ सरकारी कर्मचाऱ्यांसाठी महागाई भत्ता वाढीसाठी चांगली आहे. कारण अवघ्या 15 दिवसांवर दिवाळीचा सण येऊन ठेपला आहे.
सरकारने आज आणखी दोन निर्णय घेतले
केंद्रिय मंत्रिमंडळाच्या निर्णयात कोस्टल शिपिंग विधेयकालाही मंजुरी देण्यात आली आहे. कोस्टल शिपिंग बिल 2024 या विधेयकाद्वारे किनारपट्टी भागांना कसा फायदा होईल? याचीही घोषणा कॅबिनेट ब्रीफिंगमध्ये करण्यात आली आहे.
रब्बी पिकांचे एमएसपी वाढले
केंद्रिय मंत्रिमंडळाच्या बैठकीत रब्बी पिकांच्या एमएसपीमध्ये वाढ करण्यासही मंजुरी देण्यात आली आहे. 6 रब्बी पिकांची किमान आधारभूत किंमत 2 टक्क्यावरून 7 टक्के करण्यात आली आहे. त्यामुळे हा निर्णय शेतकऱ्यांसाठी मोठा दिलासादायक निर्णय मानला जात आहे.
.png "Videos"){kind=small}
