सोनं 8 लाखांवर अन् चांदी 3 लाख रुपये प्रति किलोने विकली जाणार, धडकी भरवणारी भविष्यवाणी कोणी केली?
एकीकडी लग्नसराईचा काळ सुरु आहे, तर दुसरीकडे सोन्याच्या किमतीत वाढ होताना दिसत आहे. सोन्याच्या आणि चांदीच्या किमती या वारंवार वेगवेगळे दर गाठताना दिसत आहे. सोनं आणि चांदीच्या किमतीमुळे आता सामान्य नागरिकांच्या टेन्शनमध्ये पुन्हा वाढ होणार आहे. लग्नाच्या काळात Gold And Silver Rate नेहमी वाढलेल्या दिसतात. सोने-चांदीच्या गगनाला भिडणाऱ्या किमतींनी लोकांना घाम फुटला. त्यानंतर काहीसा दिलासा मिळाला, गेल्या आठवड्यात सोने-चांदीच्या किमतीत थोडीशी घट झाली आणि सोन्याचा भाव प्रति १० ग्रॅम १.१९ लाख रुपयांवर पोहोचला. अशातच आता प्रसिद्ध गुंतवणूकदार आणि रिच डॅड पुअर डॅडचे लेखक रॉबर्ट कियोसाकी यांनी धडकी भरवणारी भविष्यवाणी केली आहे.
रॉबर्ट कियोसाकी यांनी सोने-चांदीच्या किमतींबाबत एक मोठा इशारा दिला आहे. त्यांनी एका पोस्टद्वारे हा इशारा दिला आहे. शेअर बाजारातील घसरणीची भविष्यवाणी केल्यानंतर, आता त्यांनी सोने-चांदीच्या किमतींबाबत एक इशारा जारी केला आहे. कियोसाकी यांनी इंस्टाग्रामवर लिहिले की सोन्याची किंमत $२७,००० च्या पुढे जाणार आहे. भारतीय चलनात, ही किंमत ८.५ लाख रुपयांच्या जवळपास पोहोचते.
रॉबर्ट कियोसाकी यांनी लिहिले की सोने २७,००० डॉलर्सच्या पुढे जाऊ शकते. COMEX वर सोन्याची किंमत २७,००० डॉलर्सच्या पुढे जाऊ शकते. तर कियोसाकी यांनी लिहिले की २०२६ पर्यंत चांदीची किंमत १०० डॉलर्सच्या जवळ जाईल, म्हणजेच भारतीय रुपयांमध्ये त्याचे मूल्य ३ लाख रुपयांपेक्षा जास्त असू शकते. कियोसाकी म्हणाले की ते १९७१ पासून सोन्यात गुंतवणूक करत आहेत. अमेरिकन डॉलरवर टीका करताना त्यांनी सांगितले की जेव्हा बनावट पैसे प्रणालीत येतात तेव्हा खरा पैसा लपतो. त्यांनी अमेरिकन कर्जावरही प्रश्नचिन्ह उपस्थित केले की अमेरिका हा जगातील सर्वात कर्जबाजारी देश आहे, ज्याचे कर्ज सतत वाढत आहे. हे टाळण्यासाठी, ते सतत पैसे छापतात, परंतु हे पाऊल टिकाऊ नाही. यामुळे, सोने आणि चांदी दुर्मिळ वस्तू बनत आहेत, ज्याचा दीर्घकाळात फायदा होईल. त्यांनी बिटकॉइनवर मोठी पैज लावण्याबद्दल देखील बोलले. त्यांनी असेही लिहिले की या कारणास्तव ते सोने, चांदी आणि बिटकॉइनमध्ये त्यांची गुंतवणूक वाढवत आहेत.
१२ नोव्हेंबर रोजी सोन्याच्या किमतीत थोडीशी घसरण झाली. इंडिया बुलियन अँड ज्वेलर्स असोसिएशन (IBJA) नुसार, सोने ७६७ रुपयांनी घसरून १२३,३६२ रुपये प्रति १० ग्रॅम झाले. चांदी २८६ रुपयांनी वाढून १५५,०४६ रुपये प्रति किलोग्रॅम झाली.
आज २४ कॅरेट सोन्याची किंमत १२३,३६२ रुपये प्रति १० ग्रॅम झाली.
२२ कॅरेट सोन्याची किंमत ११३,००० रुपये प्रति १० ग्रॅम झाली.
१८ कॅरेट सोन्याची किंमत ९२,५२२ रुपये प्रति १० ग्रॅम झाली.
१४ कॅरेट सोन्याची किंमत ७२,१६७ रुपये प्रति १० ग्रॅम झाली.
.png "Videos"){kind=small}
