Stock Market Today: आनंदवार्ता! सकारात्मक पातळीवर उघडणार शेअर बाजार, ‘हे’ स्टॉक्स खरेदी करून तुम्हीही मालामाल

Share Market Update: शेअर बाजार आज हिरव्या रंगात उघडण्याची शक्यता आहे. त्यामुळे आजच्या व्यवहारात गुंतवणकूदारांना फायदा होण्याची शक्यता आहे.

• भारतीय बेंचमार्क निर्देशांकासाठी सकारात्मक सुरुवातीचे संकेत
• सलग तीन दिवसांच्या प्रभावी तेजीला ब्रेक
• भारतीय शेअर बाजारात आज खरेदी करा हे शेअर्स

India Share Market Update: जागतिक बाजारांमधील संमिश्र संकेतांमुळे आणि मागील सत्रातील तीव्र घसरणीनंतर गुंतवणूकदार शॉर्ट-कव्हरिंगचा पर्याय निवडू शकतात. या सर्वांचा परिणाम भारतीय शेअर बाजारावर होणार आहे. आज शुक्रवारी, भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, तेजीत उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी सकारात्मक सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास १९५ पॉइंट्सच्या प्रीमियमवर, सुमारे २३,२५० च्या पातळीवर व्यवहार करत होता.

Todays Gold-Silver Price: सोन्या- चांदीच्या दरातील घसरण सुरुच! नव्या किंमती पाहून ग्राहकांचा आनंद गगनात मावेना

गुरुवारी भारतीय शेअर बाजारात मोठी घसरण झाली, ज्यामुळे सलग तीन दिवसांच्या प्रभावी तेजीला ब्रेक लागला आणि बेंचमार्क निफ्टी ५० २३,००० च्या पातळीजवळ घसरला. सेन्सेक्स २,४ ९६.८९ अंकांनी, म्हणजेच ३.२६ टक्क्यांनी घसरून ७४,२०७.२४ वर बंद झाला, तर निफ्टी ५० ७७५.६५ अंकांनी, म्हणजेच ३.२६ टक्क्यांनी घसरून २३,००२.१५ वर स्थिरावला. बँक निफ्टी निर्देशांक गुरुवारी १,८७५.०५ अंकांनी, म्हणजेच ३.३९ टक्क्यांनी घसरून ५३,४५१.०० वर बंद झाला. (फोटो सौजन्य – Pinterest)

रेलिगेअर ब्रोकिंगचे संशोधन विभागाचे वरिष्ठ उपाध्यक्ष (SVP) अजित मिश्रा यांनी आजच्या व्यवहारात गुंतवणूकदारांना खरेदी करण्यासाठी तीन शेअर्सची शिफारस केली आहे. अजित मिश्रा यांनी शिफारस केलेल्या शेअर्समध्ये पॉवर ग्रिड कॉर्पोरेशन ऑफ इंडिया, टाटा पॉवर कंपनी, पीजी इलेक्ट्रोप्लास्ट यांचा समावेश आहे. निओट्रेडरचे सह-संस्थापक आणि स्टॉक रिसर्च प्लॅटफॉर्म मार्केटस्मिथ इंडियाचे राजा व्यंकटरमण यांनी आज गुंतवणूकदारांना पाच शेअर्स खरेदी करण्याचा सल्ला दिला आहे. राजा व्यंकटरमण यांनी इप्का लॅबोरेटरीज लिमिटेड, ग्रेट ईस्टर्न शिपिंग कंपनी लिमिटेड, कोलगेट पामोलिव्ह (इंडिया) लिमिटेड, ग्लेनमार्क फार्मास्युटिकल्स लिमिटेड आणि पॉवर फायनान्स कॉर्पोरेशन लिमिटेड हे पाच शेअर्सची खरेदी करण्याची शिफारस केली आहे.

Anil Ambani च्या संकटात वाढ! CBI च्या कार्यालयात तासनतास चौकशी, काय आहे नक्की प्रकरण

चॉईस ब्रोकिंगचे कार्यकारी संचालक सुमीत बागडिया यांनी आजच्या व्यवहारात खरेदी करण्यासाठी गुंतवणूकदारांना पाच शेअर्सची शिफारस केली आहे. सुमीत बागडिया यांनी सल्ला दिल्याप्रमाणे आज भारतीय शेअर बाजारातील गुंतवणूकदार टॉरेंट पॉवर, भारत हेवी इलेक्ट्रिकल्स, लिंडे इंडिया, फर्टिलायझर्स अँड केमिकल्स त्रावणकोर आणि कोल इंडिया हे शेअर्स खरेदी करण्याचा विचार करू शकतात. आजच्या व्यवहारात भारतीय शेअर बाजारातील गुंतवणूकदार, एचडीएफसी बँक, टाटा एल्क्सी, एनटीपीसी, टाटा कन्सल्टन्सी सर्व्हिसेस, विप्रो, जेके सिमेंट, जेएसडब्ल्यू सिमेंट, आयसीआयसीआय बँक, एनबीसीसी, अंबर एंटरप्रायझेस या शेअर्सवर लक्ष केंद्रीत करू शकतात.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)