'हा' स्टॉक खरेदी करा, 6 ते 12 महिन्यात होईल बक्कळ कमाई; शेअरमध्ये 18 टक्क्यांनी वाढीची शक्यता!

आयसीआयसीआय डायरेक्ट रिसर्चने 6-12 महिन्यांच्या दृष्टीकोनातून कल्पतरू प्रोजेक्ट्स इंटरनॅशनल लिमिटेड (केपीआयएल) खरेदी करण्याचा सल्ला दिला आहे. प्रति शेअर लक्ष्य किंमत 1630 रुपये ठेवण्यात आली आहे. 2 सप्टेंबर 2024 रोजी शेअर 1383 रुपयांवर बंद झाला. अशाप्रकारे, शेअर सध्याच्या किंमतीपेक्षा सुमारे 18 टक्क्यांनी आणखी वाढ दर्शवू शकतो.

शेअर बाजारातील चढ-उतारांदरम्यान काही शेअर्स दीर्घकालीन गुंतवणुकीसाठी आकर्षक दिसत आहेत. ब्रोकरेज फर्म आयसीआयसीआय डायरेक्टने 6-12 महिन्यांच्या कालावधीसह गुंतवणुकीसाठी मल्टीबॅगर कन्स्ट्रक्शन स्टॉक कल्पतरू प्रोजेक्ट्सची निवड केली आहे. ब्रोकरेजचे म्हणणे आहे की, कंपनीचा व्यवसाय मजबूत असून, गेल्या एका वर्षात या शेअर्समध्ये गुंतवणूकदारांचे पैसे दुप्पट झाले आहेत.

कंपनीच्या शेअर्समध्ये गुंतवणुकीसाठी 1630 रुपयांचे लक्ष्य

आयसीआयसीआय डायरेक्ट रिसर्चने 6-12 महिन्यांच्या दृष्टीकोनातून कल्पतरू प्रोजेक्ट्स इंटरनॅशनल लिमिटेड (केपीआयएल) खरेदी करण्याचा सल्ला दिला आहे. यासाठी प्रति शेअर लक्ष्य किंमत 1630 रुपये ठेवण्यात आली आहे. 2 सप्टेंबर 2024 रोजी शेअर 1383 रुपयांवर बंद झाला. अशाप्रकारे, शेअर सध्याच्या किंमतीपेक्षा सुमारे 18 टक्क्यांनी आणखी वाढ दर्शवू शकतो.

हेही वाचा – शेअर बाजारात लवकरच येणार ‘या’ टायर कंपनीचा आयपीओ; होणार ‘या’ दिवशी खुला!

वर्षभरात शेअर 95 टक्क्यांनी वधारला

गेल्या वर्षभरात या सिव्हिल कन्स्ट्रक्शन शेअरमध्ये गुंतवणूकदारांना 110 टक्के परतावा मिळाला आहे. तर या वर्षी आतापर्यंत शेअर 95 टक्क्यांनी वधारला आहे. बीएसईवरील शेअरचा 52 आठवड्यांचा उच्चांक 1,427 आहे आणि नीचांक 601.25 रुपये आहे. कंपनीचे बाजार भांडवल 22,515 कोटी रुपयांपेक्षा जास्त आहे. मंगळवारच्या शेअरमध्ये 1.5 टक्क्यांच्या वाढीसह व्यवहाराला सुरुवात झाली.

23,000 कोटी रुपयांच्या ऑर्डरचे लक्ष्य

ब्रोकरेज हाऊसचे म्हणणे की, कल्पतरू प्रोजेक्ट्सला देशांतर्गत बाजारातून मजबूत ऑर्डरची अपेक्षा आहे. कंपनीने आर्थिक वर्ष 2025 मध्ये 23,000 कोटी रुपयांच्या ऑर्डर प्रवाहाचे लक्ष्य ठेवले आहे. ज्याला विशेषतः टी&डी आणि बी&एफ विभागांना चालना मिळेल. केपीआयएल गॅसने आर्थिक वर्ष 2025 मध्ये आतापर्यंत 7,015 कोटी रुपयांच्या ऑर्डर्स जिंकल्या आहेत, तर ती 5,000 कोटी रुपयांच्या ऑर्डरसाठी एल1 बोली लावणारी आहे. कंपनीला दुहेरी आकडी महसुलात वाढ अपेक्षित आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)