Lenskart IPO Listing Price बद्दल गुंतवणूकदारांना मोठी भीती? सोमवारी नुकसान होणार की फायदा?

उद्या म्हणजेच 10 नोव्हेंबरला Lenskart चा आयपीओ लिस्ट होणार आहे. मात्र, कमी GMP मुळे गुंतवणूक घाबरलेले दिसत आहे.

• Lenskart च्या कमकुवत GMP मुळे गुंतवणूकदार चिंतेत
• अलीकडील आयपीओंनी कमी कामगिरी केली आहे
• लिस्टिंगच्या दिवशी तोटा होण्याची भीती

मागील काही वर्षांपासून IPO मधील गुणतंवणूकीत वाढ झाली आहे. त्वरित नफा कमावण्यासाठी अनेक जण आयपीओद्वारे आपले एका कंपनीच्या शेअर्समध्ये गुंतवतात आणि पुढे तो शेअर लिस्ट झाल्यानंतर लगेचच त्याची विक्री करतात. IPO मध्ये गुंतवणूक करणे म्हणजे त्वरित नफा कमावण्याचे एक साधन मानले जात आहे. मात्र, हेच साधन गुंतवणूकदारांना तोट्यात सुद्धा आणू शकते. याचे कारण Lenskart IPO चा कमी झालेला GMP.

लेन्सकार्टचा आयपीओ बंद झाल्यानंतर, गुंतवणूकदारांना त्यांचे अलॉटमेंट आधीच मिळाले आहेत. गुंतवणूकदार आता सोमवार, 10 नोव्हेंबरला लेन्सकार्टच्या आयपीओच्या लिस्टिंगची वाट पाहत आहेत. यामुळे उद्या लेन्सकार्टच्या आयपीओची लिस्ट झाल्यावर गुंतवणूकदारांना किती तोटा किंवा फायदा होईल असा प्रश्न निर्माण झाला आहे. आतापर्यंत, चर्चा अशी रंगली आहे की कमी GMP मुळे लेन्सकार्टच्या आयपीओ तोटयात लिस्ट होईल.

लेन्सकार्टचा आयपीओ 31 ऑक्टोबर रोजी उघडला आणि 4 नोव्हेंबर रोजी बंद झाला. पियुष बन्सल यांच्या नेतृत्वाखालील चष्मा विक्रेता लेन्सकार्ट सोल्युशन्सच्या आयपीओला गुंतवणूकदारांकडून प्रचंड प्रतिसाद मिळाला. आयपीओ एकूण 28.26 वेळा सबस्क्राइब झाला. कंपनीच्या 9,97,61,257 शेअर्सच्या तुलनेत 2,81,88,45,777 शेअर्ससाठी बोली प्राप्त झाल्या.

Todays Gold-Silver Price: काय आहेत आजच्या सोन्याच्या किंमती? भाव वाढले की घसरले? जाणून घ्या

Lenskart च्या GMP मध्ये मोठी घसरण

गुंतवणूकदारांकडून चांगला प्रतिसाद मिळत असूनही, ग्रे मार्केट प्रीमियममध्ये मोठी घसरण झाली आहे. लेन्सकार्ट सोल्यूशन्स आयपीओजीएमपी 90% पेक्षा जास्त घसरला आहे. अनलिस्टेड शेअर डेटा ट्रॅक करणाऱ्या वेबसाइट्सनुसार, लेन्सकार्ट आयपीओजीएमपी रविवारी सकाळी 108 रुपयांच्या उच्चांकावरून थेट 6.5 रुपयांवर घसरला, जो लिस्टिंगपूर्वी कमी मागणी दर्शवितो.

रविवारी सकाळपर्यंत, नवीन जीएमपी 6.5 रुपयांवर आहे, जो लेन्सकार्ट शेअर्सची लिस्टिंग किंमत 408.5 रुपयांच्या आसपास असल्याचे दर्शवितो. हे किंमत प्राइस बँडच्या मर्यादेपेक्षा 1.62 टक्के किरकोळ प्रीमियम दर्शवते.

Elon Musk ला महाराष्ट्राची भुरळ! Starlink सोबत राज्य सरकारची पार्टनरशिप, अति दुर्गम भागातही इंटेटरनेट सेवा पोहोचणार

गुंतवणूकदारांमध्ये भीती?

एका ब्रोकरेजने लेन्सकार्टच्या आयपीओबाबत गुंतवणूकदारांच्या चिंताही वाढवल्या आहेत. अ‍ॅम्बिट कॅपिटलने लेन्सकार्टच्या आयपीओवर “सेल” रेटिंग जारी केले आहे. ब्रोकरेजने लेन्सकार्टच्या शेअर्ससाठी 337 प्रति शेअरची टार्गेट प्राइस निश्चित केली आहे, जी आयपीओच्या 402 प्रति शेअरच्या टॉप-एंड किमतीपेक्षा 16 टक्क्यांपेक्षा कमी आहे.