'मला माझ्या पत्नीकडे पाहणं आवडतं, पण'; आनंद महिंद्राचं L&T चे चेअरमन सुब्रह्मण्यन यांच्या सल्ल्यावर भन्नाट उत्तर
L&T चेअरमन एस. एन. सुब्रह्मण्यम यांनी कर्मचाऱ्यांशी व्हिडिओ कॉन्फेंसिंगद्वारे संवाद साधताना, कंपनीत 90 तास काम करण्याचा सल्ला दिला होता. रविवारी कर्मचाऱ्यांनी काम केले तर मला जास्त आनंद मिळेल, ‘तुम्ही किती दिवस घरात तुमच्या बायकोकडे टक लावून पाहणार आहात, घरी कमी आणि ऑफिसमध्ये जास्त वेळ घालवा, असा सल्ला दिला होता. त्यावर आता आनंद महिंद्रा यांनीही भन्नाट उत्तर दिलं आहे.
विकसित भारत यंग लीडर्स डायलॉग २०२५ मध्ये पत्रकारांनी त्यांना काही प्रश्न केले. त्यावर आनंद महिंद्रा यांनी उत्तर दिलं आहे.आठवड्यातून तुम्ही किती तास काम करता? आनंद महिंद्रा म्हणाले, “मी हेच टाळण्याचा प्रयत्न करतो. मला वेळे आणि प्रमाणापेक्षा कामाच्या गुणवत्तेबद्दल विचारा. मी किती तास काम केले आहे हे मला विचारू नका.” तुम्ही तुमच्या पत्नीकडे किती वेळ पाहू शकता? “मी लोकांना आणि सोशल मीडियावर असणाऱ्या प्रत्येकाला सांगू इच्छितो माझी पत्नी छान आणि सुंदर आहे, मला तिच्याकडे पाहणं आवडतं. मी सोशल मीडियावर केवळ मित्र बनवण्यासाठी येत नाही. मी येथे आहे कारण सोशल मीडिया हे एक अद्भुत व्यवसाय साधन आहे. एका व्यासपीठावर, मला १.१ कोटी लोकांकडून अभिप्राय मिळतो, असं त्यांनी म्हटलं आहे.
आज सीरमचे चेअरमन अदर पूनावाला यांनीही आनंद महिंद्रा यांच्या विधानाशी सहमती दर्शवली म्हणाले, “हो आनंद महिंद्रा, मी तुमच्या मताशी सहमत आहे, माझी पत्नी नताशा पूनावाला देखील मला खूप आवडते, तिला रविवारी माझ्याकडे पाहणं आवडतं.” तसंच प्रमाण आणि वेळेपेक्षा कामाचा दर्जा महत्त्वाचा असल्याचंही म्हटलं आहे.
Yes @anandmahindra, even my wife @NPoonawalla thinks i am wonderful, she loves staring at me on Sundays. Quality of work over quantity always. #worklifebalance pic.twitter.com/5Lr1IjOB6r
— Adar Poonawalla (@adarpoonawalla) January 12, 2025
90 तास काम करणे आणि पत्नीकडे पाहणे या वक्तव्यानंतर सर्वच क्षेत्रातून सुब्रमण्यन यांच्यावर टीका होऊ लागली आहे. यानंतर त्यांच्या या टिप्पणीवर कंपनीकडून स्पष्टीकरणही जारी करण्यात आलं. गेल्या 8 दशकांहून अधिक काळ आम्ही भारताच्या पायाभूत सुविधा, व्यवसाय आणि तांत्रिक क्षमतांना आकार देण्याचे काम करत आहोत. हे भारताचं दशक आहे. देशाच्या विकासाला चालना देण्यासाठी आणि विकसित राष्ट्र बनण्याचे आमचे सामायिक दृष्टीकोन साकार करण्यासाठी सामूहिक समर्पणाची गरज आहे. कंपनीने पुढे म्हटले आहे की आमच्या चेअरमनची टिप्पणी या महान महत्वाकांक्षेला प्रतिबिंबित करतात. जे असाधारण परिणामांसाठी असामान्य प्रयत्नांची आवश्यकता असल्याचं म्हटलं आहे.
L&T Chairman एस. एन. सुब्रह्मण्यन यांचे पॅकेज जबरदस्त आहे. कंपनीच्या रिपोर्टनुसार आर्थिक वर्ष 2023-24 मध्ये सुब्रह्मण्यन यांचं वेतन 51 कोटी रुपये होतं. त्यांच्या वेतनात 43.11% टक्क्यांनी वाढ झाली आहे. या रिपोर्टमध्ये कंपनीचे चेअरमन आणि काम करणाऱ्या कर्मचाऱ्यांच्या वेतनात किती तफावत आहे? ते ही सांगण्यात आलं आहे. कर्मचाऱ्यांना मिळणारं सरासरी पॅकेज 2023-24 मध्ये 9.55 लाख रुपये होतं. म्हणजे चेअरमनचं वेतन कर्मचाऱ्यांपेक्षा 534.57 पट अधिक आहे.
.png "Videos"){kind=small}
