Market Cap: रिलायन्स, TCS, एअरटेलच्या गुंतवणूकदारांना मोठा नफा, एचडीएफसी बँकेला झटका

Market Cap: गेल्या आठवड्यात शेअर बाजारातील वाढीचा परिणाम देशातील मोठ्या कंपन्यांच्या मार्केट कॅपवर स्पष्टपणे दिसून आला. टॉप १० सर्वात मूल्यवान कंपन्यांपैकी आठ कंपन्यांना मोठा नफा झाला, तर hdfc बँकेचे सर्वाधिक नुकसान झाले

Market Cap Marathi News: गेल्या आठवड्यात सेन्सेक्सच्या टॉप १० सर्वात मौल्यवान कंपन्यांपैकी ८ कंपन्यांचे मार्केट कॅप एकूण १,७२,१४८.८९ कोटी रुपयांनी वाढले. यापैकी रिलायन्स इंडस्ट्रीजला सर्वाधिक फायदा झाला. गेल्या आठवड्यात बीएसईचा बेंचमार्क इंडेक्स सेन्सेक्स ७०९.१९ अंकांनी (०.८७ टक्के) वाढला.

टॉप १० कंपन्यांमध्ये रिलायन्स इंडस्ट्रीज, टाटा कन्सल्टन्सी सर्व्हिसेस (टीसीएस), भारती एअरटेल, आयसीआयसीआय बँक, इन्फोसिस, हिंदुस्तान युनिलिव्हर लिमिटेड, लाइफ इन्शुरन्स कॉर्पोरेशन ऑफ इंडिया (एलआयसी) आणि बजाज फायनान्स यांचे मार्केट कॅप वाढले, परिणामी, त्यामध्ये गुंतवणूक करणाऱ्या गुंतवणूकदारांना चांगला परतावा मिळाला.

Bank Holiday: पुढील आठवड्यात ‘इतक्या’ दिवस बँका राहतील बंद, पहा सुट्ट्यांची संपूर्ण यादी

रिलायन्स इंडस्ट्रीजचे मार्केट कॅप ४८,१०७.९४ कोटी रुपयांनी वाढले

दुसरीकडे, एचडीएफसी बँक आणि स्टेट बँक ऑफ इंडिया (एसबीआय) यांचे मार्केट कॅप घटले आणि त्यांच्या शेअरहोल्डर्सच्या पोर्टफोलिओचे मूल्यही घसरले. गेल्या आठवड्यात, सेन्सेक्समध्ये सर्वात जास्त वाढ झालेल्या रिलायन्स इंडस्ट्रीजचे मार्केट कॅप ४८,१०७.९४ कोटी रुपयांनी वाढून १९,०७,१३१.३७ कोटी रुपये झाले.

हिंदुस्तान युनिलिव्हरचे मार्केट कॅप ३४,२८०.५४ कोटी रुपयांनी वाढून ६,१७,६७२.३० कोटी रुपये झाले. भारती एअरटेलचे मार्केट कॅप ३३,८९९.०२ कोटी रुपयांनी वाढून ११,०२,१५९.९४ कोटी रुपये झाले आणि बजाज फायनान्सचे मार्केट कॅप २०,४१३.९५ कोटी रुपयांनी वाढून ५,५५,९६१.३९ कोटी रुपये झाले.

एचडीएफसी बँकेच्या गुंतवणूकदारांना मोठा तोटा

याशिवाय, इन्फोसिसचे मार्केट कॅप १६,६९३.९३ कोटी रुपयांनी वाढून ६,१८,००४.१२ कोटी रुपये, टीसीएसचे मार्केट कॅप ११,४८७.४२ कोटी रुपयांनी वाढून ११,०४,८३७.२९ कोटी रुपये, आयसीआयसीआय बँकेचे मार्केट कॅप ६,४४३.८४ कोटी रुपयांनी वाढून १०,२५,४२६.१९ कोटी रुपये, एलआयसीचे मार्केट कॅप ८२२.२५ कोटी रुपयांनी वाढून ५,६२,७०३.४२ कोटी रुपये झाले.

तथापि, एचडीएफसी बँकेचे मार्केट कॅप २०,०४०.७ कोटी रुपयांनी घसरून १५,०८,३४६.३९ कोटी रुपये आणि स्टेट बँक ऑफ इंडियाचे मार्केट कॅप ९७८४.४६ कोटी रुपयांनी घसरून ७,५३,३१०.७० कोटी रुपये झाले.

कोणाला फायदा झाला

• रिलायन्स इंडस्ट्रीजचे मार्केट कॅप ₹४८,१०८ कोटींनी वाढून ₹१९.०७ लाख कोटी झाले.

• हिंदुस्तान युनिलिव्हरचे मूल्यांकन ₹३४,२८१ कोटींनी वाढून ₹६.१८ लाख कोटी झाले.

• भारती एअरटेलचे मार्केट कॅप ₹३३,८९९ कोटींनी वाढून ₹११.०२ लाख कोटी झाले.

• बजाज फायनान्सचे मूल्यांकन ₹२०,४१४ कोटींनी वाढून ₹५.५६ लाख कोटी झाले.

• इन्फोसिसचे मूल्य ₹१६,६९४ कोटींनी वाढून ₹६.१८ लाख कोटी झाले.

• टीसीएसचे मार्केट कॅप ₹११,४८७ कोटींनी वाढून ₹११.०५ लाख कोटी झाले.

• आयसीआयसीआय बँकेचे मूल्यांकन ₹६,४४४ कोटींनी वाढून ₹१०.२५ लाख कोटी झाले.

• एलआयसीचे बाजार भांडवल ₹८२२ कोटींनी वाढून ₹५.६३ लाख कोटी झाले.

कोणाचे नुकसान झाले?

• एचडीएफसी बँकेचे मूल्यांकन ₹२०,०४१ कोटींनी घसरून ₹१५.०८ लाख कोटी झाले.

• स्टेट बँक ऑफ इंडिया (SBI) चे मार्केट कॅप ₹9,784 कोटींनी घसरून ₹7.53 लाख कोटी झाले.

सर्वात मौल्यवान कंपन्यांची यादी

1. रिलायन्स इंडस्ट्रीज

2. एचडीएफसी बँक

3. टीसीएस

4. भारती एअरटेल

5. आयसीआयसीआय बँक

6. एसबीआय

7. इन्फोसिस

8. हिंदुस्तान युनिलिव्हर

9. एलआयसी

10. बजाज फायनान्स