1 एप्रिलपासून लागू होणार नवीन टॅक्स स्लॅब, करात मोठी सवलत मिळणार, पगार किती वाढणार जाणून घ्या?

New Tax Slab: केंद्रीय अर्थसंकल्प २०२५-२६ मध्ये आयकर सवलत मर्यादा चालू आर्थिक वर्षात ७ लाख रुपयांवरून १२ लाख रुपयांपर्यंत वाढवण्यात आली आहे. याचा अर्थ, ७ लाख रुपयांपेक्षा जास्त उत्पन्न असलेल्या पगारदार कर्मचाऱ्यांना १

New Tax Slab Marathi News: अर्थमंत्री निर्मला सीतारमण यांनी २०२५-२६ च्या अर्थसंकल्पात पगारदार कर्मचाऱ्यांसाठी मोठ्या प्रमाणात उत्पन्न कर सवलतीची घोषणा केली होती. ही सूट १ एप्रिल २०२५ पासून लागू होत आहे. याअंतर्गत आता वर्षाला १२ लाख रुपयांपर्यंतचे उत्पन्न करमुक्त असेल. अशा परिस्थितीत, आयकर स्लॅबमध्ये बदल झाल्यानंतर, १ एप्रिलपासून तुमचा पगार वाढू शकतो.

पगारवाढ कोणाला मिळणार

केंद्रीय अर्थसंकल्प २०२५-२६ मध्ये आयकर सवलत मर्यादा चालू आर्थिक वर्षात ७ लाख रुपयांवरून १२ लाख रुपयांपर्यंत वाढवण्यात आली आहे. याचा अर्थ, ७ लाख रुपयांपेक्षा जास्त उत्पन्न असलेल्या पगारदार कर्मचाऱ्यांना १ एप्रिल २०२५ पासून वाढीव पगार मिळेल. प्रत्यक्षात, आता त्यांच्याकडून कमी कर वजावट (TDS) केली जाईल.

गेल्या आठवड्यात टॉप 10 कंपन्यांच्या मार्केट कॅपमध्ये 88,085 कोटी रुपयांची वाढ, इतर कंपन्यांची स्थिती जाणून घ्या

परंतु ही सवलत फक्त त्या कर्मचाऱ्यांनाच मिळेल जे नवीन कर व्यवस्था निवडतील. ७ लाख रुपयांपेक्षा कमी उत्पन्न असलेल्यांसाठी कोणताही बदल होणार नाही आणि ते आयकराच्या कक्षेबाहेर राहतील. याशिवाय, ज्या लोकांना शेअर बाजारातून भांडवली नफा यासारख्या विशेष दराने उत्पन्न मिळते, त्यांना या सवलतीचा लाभ मिळणार नाही.