एफडी करायचीये… ‘या’ बँका देतायेत एफडीवर 9 टक्क्यांपर्यंत व्याज, वाचा… संपूर्ण यादी!

अलीकडे अनेक बँकांनी एफडीवरील व्याज कमी केले आहे. परंतु काही बँका एफडीवर जास्त व्याज देत आहेत. हे व्याजदर 3 कोटी रुपयांपेक्षा कमी एफडीवर आहेत.

नागरिकांंची माेठी पसंती असलेल्या मुदत ठेवींवर काही बँका आणि एनबीएफसी 9 टक्के व्याज देत आहेत. अलीकडे अनेक बँकांनी एफडीवरील व्याज कमी केले आहे. परंतु काही बँका एफडीवर जास्त व्याज देत आहेत. हे व्याजदर 3 कोटी रुपयांपेक्षा कमी एफडीवर आहेत. त्याचबरोबर ज्येष्ठ नागरिकांना 0.25 टक्के ते 0.50 टक्के अतिरिक्त व्याज दिले जात आहे. तीन वर्षांच्या एफडीवर 9 टक्के व्याज देत असलेल्या बँका जाणून घेऊया .

या बँका 3 वर्षांच्या एफडीवर 9 टक्के व्याज देत आहेत. हा व्याजदर 60 वर्षांपेक्षा कमी वयाच्या ग्राहकांसाठी 3 कोटी रुपयांपेक्षा कमी एफडीवर लागू आहे.
(फोटो सौजन्य – istock)

हे देखील वाचा – मोठी बातमी! जुने पॅन कार्ड बंद होणार, वाचा… कसे बनवाल नव्याने तुमचे पॅन कार्ड!

1. नॉर्थ ईस्ट स्मॉल फायनान्स बँक
ही बँक सामान्य ग्राहकांना 3 वर्षांच्या एफडीवर 9 टक्के व्याज देत आहे.

2. सूर्योदय स्मॉल फायनान्स बँक
सूर्योदय स्मॉल फायनान्स बँकेचा 3 वर्षांच्या एफडीवर 8.6 टक्के व्याजदर आहे.

3. उत्कर्ष स्मॉल फायनान्स बँक
उत्कर्ष स्मॉल फायनान्स बँक सामान्य ग्राहकांना 3 वर्षांच्या एफडीवर 8.5 टक्के व्याज देत आहे.

4. जन स्मॉल फायनान्स बँक
जन स्मॉल फायनान्स बँकेचा 3 वर्षाच्या एफडीवर 8.25 टक्के व्याजदर आहे.

5. युनिटी स्मॉल फायनान्स बँक
युनिटी स्मॉल फायनान्स बँक 3 वर्षांच्या एफडीवर 8.5 टक्के व्याज देत आहे.

6. इक्विटास स्मॉल फायनान्स बँक
इक्विटास स्मॉल फायनान्स बँक 3 वर्षांच्या एफडीवर 8 टक्के व्याज देत आहे.

हे देखील वाचा – अदानींच्या कंपन्यांच्या शेअरमध्ये 10 टक्के तेजी, बड्या वकिलांकडून समर्थन अन् चित्र पालटले!

विमा संरक्षण

स्मॉल फायनान्स बँकांमध्ये केलेल्या ठेवी 5 लाख रुपयांपर्यंतच्या ठेव विमा क्रेडिट गॅरंटी कॉर्पोरेशन (DICGC) अंतर्गत येतात. मात्र, लहान वित्त बँकेत आपली बचत गुंतवणे थोडे जोखमीचे आहे. बहुतेक तज्ञ शिफारस करतात की या बँकांमध्ये फक्त विमा संरक्षण मर्यादेपर्यंत गुंतवणूक करणे चांगले आहे. कारण तुमचे मुद्दल आणि व्याज कोणत्याही परिस्थितीत सुरक्षित राहते.

एफडीवर टीडीएस कसा वाचवायचा

ठेवीदाराचे वार्षिक उत्पन्न 2.5 लाख रुपये (ज्येष्ठ नागरिकांसाठी रुपये 3 लाख) पेक्षा कमी असेल आणि कर शून्य असेल तर ते बँकेकडे फॉर्म 15G किंवा फॉर्म 15H सबमिट करू शकतात. एफडीवरील व्याज उत्पन्नातून टीडीएस कापण्यापासून बँकेला थांबवण्याची ही विनंती आहे.