Stock Market Today: शेअर बाजारात सकारात्मक सुरुवातीचे संकेत! गुंतवणूकदारांना होणार फायदा, या शेअर्सवर ठेवा तुमचा फोकस

Share Market Update: आज भारतीय शेअर बाजार हिरव्या रंगात उघडण्याची शक्यता वर्तवण्यात आली आहे. याशिवाय आज शेअर बाजारातील गुंतवणूकदार चंबळ फर्टिलायझर्स, एशियन पेंट्स या शेअर्सवर त्यांचे लक्ष केंद्रीत करू शकतात.

• भारतीय बेंचमार्क निर्देशांकासाठी सकारात्मक सुरुवातीचे संकेत
• मंगळवारी भारतीय शेअर बाजार तेजीसह बंद
• सुमीत बागडिया यांनी पाच शेअर्सची शिफारस केली

India Share Market Update: जागतिक बाजारांमधील सकारात्मक संकेताचा विचार केला तर आज १८ मार्च रोजी भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, सपाट किंवा स्थिर पातळीवर उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी किंचित सकारात्मक सुरुवातीचे संकेत दर्शवतात. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास ३१ पॉइंट्सच्या प्रीमियमवर, सुमारे २३,६४८ च्या पातळीवर व्यवहार करत होता.

Todays Gold-Silver Price: गुढीपाडव्याला सोनं खरेदीचा विचार करताय? नवे दर पाहून तुम्हीही चक्रवाल

मंगळवारी भारतीय शेअर बाजार मोठ्या तेजीसह बंद झाला, आणि बेंचमार्क निफ्टी ५० २३,५०० च्या पातळीच्या वर बंद झाला. सेन्सेक्स ५६७.९९ अंकांनी, म्हणजेच ०.७५ टक्क्यांनी वाढून ७६,०७०.८४ वर बंद झाला, तर निफ्टी ५० १७२.३५ अंकांनी, म्हणजेच ०.७४ टक्क्यांनी वाढून २३,५८१.१५ वर स्थिरावला. मंगळवारी बँक निफ्टी निर्देशांक ४६२.६० अंकांनी, म्हणजेच ०.८५ टक्क्यांनी वाढून ५४,८७६.०० वर बंद झाला. (फोटो सौजन्य – Pinterest)

आजच्या व्यवहारात भारतीय शेअर बाजारातील गुंतवणूकदार अर्बन कंपनी, टाटा स्टील, मारुती सुझुकी, टेक महिंद्रा, वरुण बेव्हरेजेस, विप्रो, पीएनबी, अरबिंदो फार्मा, सीगल इंडिया, स्ट्राइड्स फार्मा या शेअर्सवर त्यांचे लक्ष केंद्रीत करू शकतात. निओट्रेडर आणि स्टॉक रिसर्च प्लॅटफॉर्म मार्केटस्मिथ इंडियाचे सह-संस्थापक राजा व्यंकटरमण यांनी आजच्या व्यवहारात गुंतवणूकदारांना खरेदी करण्यासाठी पाच शेअर्सची शिफारस केली आहे. राजा व्यंकटरमण यांनी शिफारस केलेल्या शेअर्समध्ये फेडरल बँक , ऑरोबिंदो फार्मा , वर्धमान टेक्सटाइल्स , टाटा पॉवर आणि डेटा पॅटर्न्स (इंडिया) यांचा समावेश आहे.

चॉईस ब्रोकिंगचे कार्यकारी संचालक सुमीत बागडिया, आनंद राठीचे वरिष्ठ व्यवस्थापक तांत्रिक संशोधन गणेश डोंगरे आणि प्रभुदास लिलाधरचे वरिष्ठ व्यवस्थापक तांत्रिक संशोधन शिजू कुथुपालक्कल यांनी आजच्या व्यवहारात खरेदी करण्यासाठी गुंतवणूकदारांना सहा शेअर्सची शिफारस केली आहे. तज्ज्ञांनी शिफारस केलेल्या या शेअर्समध्ये वर्धमान टेक्सटाइल्स, चंबळ फर्टिलायझर्स, एशियन पेंट्स, पॉवर ग्रिड कॉर्पोरेशन, ऑरोबिंदो फार्मा, टीडी पॉवर सिस्टम्स, बीएसई, आणि नेटवेब टेक्नॉलॉजीज यांचा समावेश आहे.

Stock Market Today: दुसऱ्या दिवशीही Sensex ची उसंडी, दिवसाअखेर आकडा 76000 पार

चॉईस ब्रोकिंगचे कार्यकारी संचालक सुमीत बागडिया यांनी आजच्या व्यवहारात खरेदी करण्यासाठी गुंतवणूकदारांना पाच शेअर्सची शिफारस केली आहे. तज्ज्ञांनी शिफारस केलेल्या या शेअर्समध्ये गोदावरी पॉवर अँड इस्पात लिमिटेड, ग्रेट ईस्टर्न शिपिंग कंपनी, एस्टर डीएम हेल्थकेअर, पॉवर फायनान्स कॉर्पोरेशन आणि टाटा पॉवर कंपनी यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)