Share Market Today: गुंतवणूकदारांनो लक्ष द्या! लाल रंगात उघडणार आजचा शेअर बाजार, व्यवहारासाठी तज्ज्ञांनी निवडले हे शेअर्स

Share Market Update: आज शेअर बाजारात व्यवहार करताना गुंतवणूकदारांना सावध राहण्याचा सल्ला देण्यात आला आहे. कारण आज शेअर बाजाराची सुरुवात लाल रंगात होण्याची शक्यता आहे. तज्ज्ञांनी गुंतवणूकदारांना खरेदी करण्यासाठी काही शेअर्सची शिफारस देखील केली आहे.

• गिफ्ट निफ्टीच्या संकेतांनुसार २८ सप्टेंबरला भारतीय शेअर बाजाराची सुरुवात सपाट ते मंद राहण्याची शक्यता व्यक्त करण्यात आली आहे.
• सुमीत बागडिया यांनी १०० रुपयांखालील लॉयड्स एंटरप्रायझेस, बजाज हाउसिंग फायनान्स, बँक ऑफ महाराष्ट्र, जीएमआर एअरपोर्ट्स आणि आरबीए या शेअर्सचा उल्लेख केला आहे.
• मेहुल कोठारी आणि गणेश डोंगरे यांनीही टाटा स्टील, साऊथ इंडियन बँक, कॅस्ट्रॉल इंडिया, कोचीन शिपयार्ड, व्होल्टास आणि बीईएलसह काही शेअर्सचा उल्लेख केला आहे.

India Share Market Update: सोमवार, २८ सप्टेंबर रोजी भारतीय शेअर बाजार आज लाल रंगात उघडण्याची शक्यता वर्तवण्यात आली आहे. गिफ्ट निफ्टीने देखील आज सपाट ते मंद सुरुवातीचे संकेत दिले आहेत. त्यामुळे आज शेअर बाजारात व्यवहार करताना सावध राहण्याचा सल्ला तज्ज्ञांनी दिला आहे.

Todays Gold-Silver Price: आनंदनवार्ता! आठवड्याच्या सुरुवातीलाच सोन्याचे दर घसरले, चांदीही झाली स्वस्त

चॉईस ब्रोकिंगचे कार्यकारी संचालक सुमीत बागडिया यांनी गुंतवणूकदारांना १०० रुपयांहून कमी किंमतीत खरेदी करण्यासाठी ५ शेअर्सची शिफारस केली आहे. सुमित बगाडिया यांनी निवडलेल्या शेअर्समध्ये लॉयड्स एंटरप्रायझेस, बजाज हाउसिंग फायनान्स, बँक ऑफ महाराष्ट्र, जीएमआर एअरपोर्ट्स आणि आरबीए यांचा समावेश आहे. अल्प मुदतीसाठी खरेदी करण्यासाठी बागडिया यांनी महिंद्रा अँड महिंद्रा, एशियन पेंट्स आणि एचसीएल टेक्नॉलॉजीज या तीन शेअर्सची शिफारस केली आहे.  (फोटो सौजन्य – AI Created) 

आनंद राठी येथील तांत्रिक संशोधन विभागाचे उप-उपाध्यक्ष, मेहुल कोठारी यांनी अल्प-मुदतीसाठी आणि २०० रुपयांहून कमी किंमतीत खरेदी करण्यासाठी तीन शेअर्सची केली आहे. कोठारी यांनी निवडलेल्या शेअर्समध्ये टाटा स्टील, साऊथ इंडियन बँक आणि कॅस्ट्रॉल इंडिया यांचा समावेश आहे. आनंद राठी येथील इक्विटी रिसर्च विभागाचे सहाय्यक उपाध्यक्ष गणेश डोंगरे यांच्या मते आज भारतीय शेअर बाजारात व्यवहार करणारे गुंतवणूकदार कोचीन शिपयार्ड, व्होल्टास, बीईएल, टाटा स्टील, ॲक्सिस बँक आणि वेदांता ॲल्युमिनियम मेटल हे सहा शेअर्स खरेदी करण्याचा विचार करू शकतात.

Bank Strike आधी ग्राहकांसाठी मोठी बातमी! आता कोणत्याही ATM मधून Free पैसे काढा, सरकारी बँकांनी हटवले चार्जेस

आजच्या व्यवहारात भारतीय शेअर बाजारातील गुंतवणूकदार अदानी पॉवर, सेल , बीसीसीएल, सेडेमॅक मेकॅट्रॉनिक्स, पॉवर ग्रिड, क्यूपिड, केपीआय ग्रीन एनर्जी, एक्वस, युनिकेम लॅब, राष्ट्रीय केमिकल्स अँड फर्टिलायझर्स, सनटेक रियल्टी, फोर्टिस हेल्थकेअर, व्हील्स इंडिया, एडेलवाइस फायनान्शियल सर्व्हिसेस, गोदरेज प्रॉपर्टीज, क्लीनमॅक्स एन्व्हायरो, कामदेव या शेअर्सवर त्यांचे लक्ष केंद्रीत करू शकतात.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)