रतन टाटांची ‘ही’ आयटी कंपनी देणार 40 हजार तरुणांना नोकरी; वाचा… सविस्तर!

आयटी इंजिनिअर नोकरी मिळवण्यासाठी प्रयत्न करत असलेल्यांसाठी महत्वाची बातमी आहे. दिग्गज उद्योगपती रतन टाटा यांच्या मालकीची कंपनी असलेल्या टाटा कन्सल्टन्सी सर्व्हिस (टीसीएस) मध्ये जवळपास ४० हजार जणांना रोजगार दिली जाणार आहे. विशेष म्हणजे एप्रिल ते जूनदरम्यान कंपनीने 5,452 तरुणांना नोकऱ्या दिल्या आहेत.

गेल्या काही काळात आयटी क्षेत्रातील नोकऱ्या कमी होत चालल्या आहेत. ज्यामुळे सध्या अनेक आयटी इंजिनिअर नोकरी मिळवण्यासाठी प्रयत्न करत आहे. अशातच आता आयटी क्षेत्रातील नोकरी मिळवण्यासाठी इच्छुक असलेल्या तरुणांसाठी महत्वाची बातमी आहे. देशातील दिग्गज उद्योगपती रतन टाटा यांच्या मालकीच्या कंपनीने तरुणांसाठी आनंदाची बातमी आणली आहे. देशातील सर्वात मोठी आयटी कंपनी टाटा कन्सल्टन्सी सर्व्हिस (टीसीएस) चालू आर्थिक वर्षात हजारो फ्रेशर्सना, म्हणजेच नवख्या तरुणांना आयटी क्षेत्रात नोकऱ्या देणार आहे.

पहिल्या तिमाहीत दिल्या 5000 हून अधिक नोकऱ्या

याआधी, एप्रिल ते जूनच्या तिमाहीत कंपनीने 5000 हून अधिक तरुणांना नोकऱ्या दिल्या आहेत. अर्थात आपण पहिल्या तिमाहीमध्ये म्हणजेच एप्रिल ते जून या कालावधीत टीसीएसने दररोज सुमारे 61 लोकांना नोकऱ्या दिल्या आहेत. टीसीएसने जून तिमाहीत 5,452 कर्मचाऱ्यांना नोकऱ्या दिल्या आहेत. त्यानंतर कंपनीची एकूण कर्मचारी संख्या 606,998 झाली आहे. अशातच आता आपली टीसीएसकडून मोहीम कायम ठेवत कंपनीने, चालू आर्थिक वर्षात सुमारे 40,000 फ्रेशर्सची भरती करण्याची योजना आखली आहे.

टीसीएस हजारो नोकऱ्या देणार

चालू आर्थिक वर्षात टाटा कन्सल्टन्सी सर्व्हिसेस तब्बल 40 हजार फ्रेशर्सना नोकऱ्या देणार आहे. म्हणजेच, कंपनी दररोज सुमारे 110 फ्रेशर्सना नोकऱ्या देणार आहे. देशातील तरुणांसाठी ही बातमी अत्यंत महत्त्वाची मानली जात आहे. देशात बेरोजगारीचा मुद्दा पेटला असताना TCS ने हा महत्वाचा आणि मोठा निर्णय घेतला आहे. तज्ञांच्या मते, येत्या काही दिवसांत देशातील इतर आयटी कंपन्यादेखील फ्रेशर्सना नोकऱ्यांची घोषणा करू शकतात.