या कंपनीला मिळाली ११३३ कोटींची मोठी ऑर्डर, आता गुंतवणूकदारांचे लक्ष शेअर्सवर (फोटो सौजन्य - सोशल मीडिया)
KEC International Share Marathi News: नवीन आठवड्याच्या पहिल्या ट्रेडिंग दिवशी शेअर बाजार व्यवहार करेल तेव्हा केईसी इंटरनॅशनल लिमिटेडचे शेअर्स फोकसमध्ये असतील. कारण या जागतिक पायाभूत सुविधा ईपीसी कंपनीला मोठी ऑर्डर मिळाली आहे. आरपीजी ग्रुप कंपनीने भारतात ₹११३३ कोटी किमतीच्या नवीन ट्रान्समिशन आणि वितरण (टी अँड डी) प्रकल्प ऑर्डरची घोषणा केली. आता सोमवार १९ मे रोजी गुंतवणूकदार केईसी इंटरनॅशनलच्या शेअर्सवर लक्ष ठेवतील.
या ऑर्डरमध्ये पॉवर ग्रिड कॉर्पोरेशन ऑफ इंडिया लिमिटेड (PGCIL) कडून ±800kV HVDC ट्रान्समिशन लाइन आणि 765 kV GIS सबस्टेशनच्या बांधकामासाठीचा एक मोठा करार समाविष्ट आहे. शिवाय, कंपनीने एका आघाडीच्या खाजगी विकासकाकडून ४०० केव्ही क्वाड ट्रान्समिशन लाइनसाठी ऑर्डर मिळवली आहे.
केईसी इंटरनॅशनलचे व्यवस्थापकीय संचालक आणि सीईओ विमल केजरीवाल म्हणाले, “पॉवर ग्रिड कॉर्पोरेशन आणि एका आघाडीच्या खाजगी विकासकाकडून आमच्या टी अँड डी व्यवसायाने मिळवलेल्या अनेक ऑर्डर्समुळे आम्हाला आनंद झाला आहे. या प्रतिष्ठित ऑर्डर्समुळे आमच्या इंडिया टी अँड डी ऑर्डर बुकला लक्षणीयरीत्या बळकटी मिळाली आहे.
अलीकडेच, केईसी इंटरनॅशनलने देशांतर्गत आणि आंतरराष्ट्रीय बाजारपेठेत १,०३४ कोटी रुपयांच्या नवीन ऑर्डर मिळवल्या आहेत. हे कंत्राट ट्रान्समिशन आणि डिस्ट्रिब्युशन (टी अँड डी), सिव्हिल आणि केबल व्हर्टिकल्समध्ये मिळाले आहेत, असे कंपनीने म्हटले आहे. या ऑर्डरमध्ये अमेरिकेत टॉवर्स, हार्डवेअर आणि खांबांचा पुरवठा, भारतात एका खाजगी कंपनीसाठी सेमीकंडक्टर प्लांटची स्थापना, भारतातील एका आघाडीच्या स्टील कंपनीसाठी अपस्ट्रीम प्रकल्प राबवणे आणि विविध प्रकारच्या केबल्सचा पुरवठा यांचा समावेश आहे. नवीन ऑर्डर्सचे एकूण मूल्य १,०३४ कोटी रुपये आहे.
केईसी इंटरनॅशनलच्या शेअर्सबद्दल बोलायचे झाले तर, शुक्रवारी ते किरकोळ घसरून ८००.७५ रुपयांवर आले. एप्रिल २०२५ मध्ये या शेअरची किंमत ६०५.०५ रुपये होती. हा स्टॉकचा ५२ आठवड्यांचा नीचांक आहे. डिसेंबर २०२४ मध्ये हा शेअर १,३१२ रुपयांवर होता. हा स्टॉकचा ५२ आठवड्यांचा उच्चांक आहे.
.png "Videos"){kind=small}
