UPI Payment Charges Update : दिवाळीनंतर UPI युजर्सना मोठा धक्का? 2000 रुपयांपेक्षा जास्तच्या पेमेंटवर लागणार चार्ज?

UPI Payment Charges Update : सोशल मीडियावर सध्या असा दावा केला जात आहे की, दिवाळीनंतर २००० रुपयांपेक्षा जास्तच्या UPI व्यवहारांवर अतिरिक्त शुल्क आकारले जाऊ शकते.

• दिवाळीनंतर यूपीआय युजर्सना मोठा धक्का?
• 2000 रुपयांपेक्षा जास्तच्या पेमेंटवर लागणार चार्ज?
• काय आहे नेमका प्रस्ताव?

UPI Payment Charges Update : UPI वापरून पेमेंट करणाऱ्या लाखो लोकांसाठी एक महत्त्वाची बातमी आहे. दिवाळीनंतर ₹2,000 पेक्षा जास्त रकमेच्या डिजिटल पेमेंटवर मर्चंट डिस्काउंट रेट MDR, म्हणजेच व्यवहार शुल्क, लागू करण्याची चर्चा सुरू आहे. नॅशनल पेमेंट्स कॉर्पोरेशन ऑफ इंडियाने नोव्हेंबरमध्ये ही प्रणाली लागू करण्याची शक्यता जाहीर केल्याचे वृत्त आहे. NPCI ने मूळतः 15 ऑक्टोबरपासून याची अंमलबजावणी करण्याची योजना आखली होती, परंतु सणासुदीच्या दिवसांमुळे ती पुढे ढकलली. त्याच नेमकं पुढे काय? कधीपासून लागू होणार चार्ज? ( UPI Payment Charges Update ) 

Trump Iran Conflict : ट्रम्प यांच्या निर्णयामुळे कच्च्या तेलाच्या बाजारात मोठी हालचाल! ब्रेंट क्रूड 92 डॉलरच्या खाली

यापूर्वी, १३ ऑक्टोबर रोजी जारी केलेल्या एका अधिकृत निवेदनात, NPCI ने म्हटले होते की, यूपीआय पेमेंटवरील शुल्क दिवाळीनंतर लवकरच लागू केले जाईल. NPCI ने म्हटले होते, “सणासुदीचा काळ लक्षात घेता, काही विशिष्ट पर्सन-टू-मर्चंट P2M यूपीआय व्यवहारांवर मर्चंट डिस्काउंट रेट MDR दिवाळीनंतर लवकरच लागू केला जाईल. याची तारीख स्वतंत्रपणे कळवली जाईल.”

कोणाकडून किती शुल्क आकारले जाईल?

• ₹७५,००० किंवा त्याहून अधिक रकमेच्या पेमेंटसाठी कमाल एमडीआर दर प्रति व्यवहार ₹३०० असेल.
  म्युच्युअल फंड, सिक्युरिटीज, स्टॉकब्रोकर्स आणि डीलर्स यांना पेमेंट करण्यासारख्या भांडवली बाजारातील व्यवहारांसाठी ०.०२% चा सवलतीचा एमडीआर दर लागू होईल, ज्याची कमाल मर्यादा ₹३०० असेल.
• रेल्वे, दूरसंचार सेवा, विमा आणि इंधन यांसारख्या विशिष्ट व्यापारी श्रेणींसाठी, ₹२,००० पेक्षा जास्त रकमेच्या पेमेंटवर सामान्य टक्केवारी-आधारित दराऐवजी प्रति व्यवहार ₹५ चा सवलतीचा एकसमान एमडीआर दर लागू होईल.
• प्रस्तावित एमडीआर नियम व्यक्ती-ते-व्यक्ती UPI हस्तांतरणांना लागू होणार नाहीत. वैयक्तिक पेमेंट, जसे की कुटुंबातील सदस्यांना पैसे पाठवणे, मित्रांसोबत बिल शेअर करणे किंवा खात्यांमध्ये पैसे हस्तांतरित करणे, पूर्वीप्रमाणेच विनामूल्य राहतील.

९६% व्यापाऱ्यांना या नवीन शुल्कातून सूट

सरकारच्या म्हणण्यानुसार, अंदाजे ९६% व्यापारी UPI व्यवहारांना या नवीन शुल्कातून सूट देण्यात येईल. याव्यतिरिक्त, दरमहा ₹१ लाख पर्यंत UPI QR पेमेंट स्वीकारणाऱ्या लहान व्यवसायांना MDR (मर्चंट डिस्काउंट रेट) मधून सूट देण्यात आली आहे.

अर्थमंत्री निर्मला सीतारामन यांनी स्पष्ट केले आहे की ग्राहकांकडून MDR आकारला जाणार नाही. बँकांनाही हे शुल्क व्यापाऱ्यांवर लादू नये, अशा सूचना देण्यात आल्या आहेत. तथापि, व्यापाऱ्यांनी अशी चिंता व्यक्त केली आहे की, वाढीव खर्चाची भरपाई करण्यासाठी व्यापारी अप्रत्यक्षपणे किमती किंवा इतर वैशिष्ट्यांमध्ये बदल करू शकतात.

MDR चे कारण काय आहे?

डिजिटल पेमेंट प्रणाली चालवणे, सायबर सुरक्षा, फसवणूक प्रतिबंध आणि तांत्रिक पायाभूत सुविधा मजबूत करणे यासाठी येणारा खर्च भरून काढण्यासाठी ही प्रणाली लागू केली जात आहे. सरकारच्या मते, UPI प्रणाली चालवण्यासाठी दरवर्षी अंदाजे ₹२०,००० कोटी खर्च येतो.

SBI Diwali Special FD : दिवाळीच्या मुहूर्तावर SBI कडून मोठं गिफ्ट! स्पेशल FD योजनेत पैसे गुंतवा, मिळणार जबरदस्त रिटर्न