Stock Market Today: अमेरिका-इराण तणावाचा भारतीय बाजारावर परिणाम; सेन्सेक्स-निफ्टी घसरणीसह उघडण्याची शक्यता

Share Market Update: आज भारतीय शेअर बाजारातील गुंतवणूकदारांना व्यवहार करताना सावध राहण्याचा सल्ला देण्यात आला आहे. कारण आज शेअर बाजार लाल रंगात उघडू शकतो, अशी शक्यता वर्तवण्यात आली आहे.

• अमेरिका-इराण तणावाचा भारतीय बाजारावर परिणाम; आज सेन्सेक्स-निफ्टी घसरणीसह उघडण्याची शक्यता
• Gift Nifty लाल निशाणावर; आज शेअर बाजारात घसरणीची शक्यता, गुंतवणूकदार सावध!
• जागतिक तणावामुळे भारतीय बाजारावर दबाव; सेन्सेक्स-निफ्टीत नकारात्मक सुरुवातीचे संकेत

India Share Market Update: अमेरिका आणि इराण यांच्यामध्ये सुरु असलेले युद्ध आणि महागाई वाढण्याची भिती, यामुळे जागतिक बाजारात कमकुवत संकेत पाहायला मिळाले. याचाच परिणाम आता भारतीय शेअर बाजारावर देखील होणार आहे. भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, शुक्रवारी २७ मार्च रोजी घसरणीसह उघडण्याची शक्यता आहे. गिफ्ट निफ्टीवरील ट्रेंड्स देखील भारतीय बेंचमार्क निर्देशांकासाठी नकारात्मक सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजिंगपेक्षा जवळपास १८८ पॉइंट्सच्या सवलतीवर, २३,११२ च्या पातळीवर व्यवहार करत होता. त्यामुळे आज व्यवहार करताना गुंतवणूकदारांनी सावध राहणं अत्यंत गरजेचं आहे.

Todays Gold-Silver Price: भारतात सोन्या-चांदीच्या दरात घसरण, ग्राहकांसाठी खरेदीची मोठी संधी

रामनवमी २०२६ निमित्त शेअर बाजाराला सुट्टी असल्यामुळे, गुरुवार, २६ मार्च २०२६ रोजी बीएसई आणि एनएसई व्यापारासाठी बंद होते. बुधवारी, भारतीय शेअर बाजाराने सलग दुसऱ्या सत्रात आपली तेजी कायम ठेवली आणि मोठ्या वाढीसह बंद झाला. सेन्सेक्स १,२०५.०० अंकांनी, म्हणजेच १.६३ टक्क्यांनी वाढून ७५,२७३.४५ वर बंद झाला, तर निफ्टी ५० ३९४.०५ अंकांनी, म्हणजेच १.७२ टक्क्यांनी वाढून २३,३०६.४५ वर स्थिरावला. बुधवारी बँक निफ्टी निर्देशांक १,१०२.४५ अंकांनी, म्हणजेच २.१० टक्क्यांनी वाढून ५३,७०८.१० अंकांवर बंद झाला. (फोटो सौजन्य – Pinterest) 

आजच्या व्यवहारात भारतीय शेअर बाजारातील गुंतवणूकदार रिलायन्स इंडस्ट्रीज, एलआयसी, इन्फोसिस, इरेडा, आझाद इंजिनिअरिंग, चेन्नई पेट्रोलियम, भारत डायनॅमिक्स, सद्भाव इंजिनिअरिंग, एनएचपीसी, एचएफसीएल या शेअर्सवर त्यांचे लक्ष केंद्रीत करू शकतात. कोटक सिक्युरिटीजचे तांत्रिक संशोधन उपाध्यक्ष, अमोल आठवले यांनी भारतीय शेअर बाजारातील गुंतवणूकदारांना अल्प कालावधीसाठी खरेदी करण्यासाठी वेदांता, क्रॉम्प्टन ग्रीव्हज कंझ्युमर इलेक्ट्रिकल्स आणि कॅनरा बँक यांची शिफारस केली आहे.

Bank Of Baroda UPI Overdraft: ग्रामीण महिलांना मोठा दिलासा; Bank of Baroda कडून नवीन सुविधा सुरू, जाणून घ्या सविस्तर.. 

चॉईस ब्रोकिंगचे कार्यकारी संचालक सुमीत बागडिया म्हणाले की, आज भारतीय शेअर बाजारातील गुंतवणूकदार कर्नाटक बँक, लुमॅक्स ऑटो टेक्नॉलॉजीज, सिरमा एसजीएस टेक्नॉलॉजी, ग्लेनमार्क फार्मास्युटिकल्स आणि आदित्य बिर्ला सन लाइफ एएमसी हे शेअर्स खरेदी करण्यावर फोकस करू शकतात. प्रभुदास लिलाधरच्या तांत्रिक संशोधन विभागाच्या उपाध्यक्ष वैशाली पारेख यांनी आज गुंतवणूकदारांना खरेदी-विक्री करण्यासाठी तीन स्टॉक्सची शिफारस केली आहे. ज्यामध्ये महाराष्ट्र सीमलेस, सॅजिलिटी आणि झेन टेक्नॉलॉजीज यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)