चित्रकलेत विद्यार्थ्यांचे विशेष रस! परीक्षेत उमेदवारांची वाढ तर निकाल लवकरच…

यंदाच्या एलिमेंटरी, इंटरमिजिएट आणि बाल चित्रकला परीक्षेला तब्बल ७,१९,७२२ विद्यार्थ्यांचा उत्स्फूर्त सहभाग मिळत राज्यात कलेविषयी विद्यार्थ्यांचा वाढता कल स्पष्ट झाला.

• एकूण ६,२८,९५७ विद्यार्थी उपस्थित
• न यंदा तब्बल ७,१९,७२२ विद्यार्थ्यांनी एलिमेंटरी, इंटरमिजिएट आणि बाल चित्रकला परीक्षेत सहभाग घेतला
• शाळांमधील डिजिटल सुविधांमुळे विद्यार्थ्यांचा सहभाग

नवीन राष्ट्रीय शिक्षण धोरणाचा एक महत्वाचा फायदा झालेला दिसून येत आहे. शाळकरी मुलांमध्ये कलेविषयी एक विशेष रस तयार झाला आहे. याचे उत्तम उदाहरण यंदाच्या वर्षी आयोजलेल्या एलिमेंटरी, इंटरमिजिएट आणि बाल चित्रकला परीक्षेतून दिसून येत आहे. यंदाच्या वर्षी अनेक विद्यार्थी या परीक्षेला उपस्थित राहिले होते. आणि तो आकडाच विद्यार्थ्यांचे वाढते रस दर्शवत आहे. एकंदरीत, राज्यात चित्रकलेकडे विद्यार्थ्यांचा कल मोठ्या प्रमाणात वाढला असून यंदा तब्बल ७,१९,७२२ विद्यार्थ्यांनी एलिमेंटरी, इंटरमिजिएट आणि बाल चित्रकला परीक्षेत सहभाग घेतला. (Interest in art has increased among students.)

सरकारी बँकेत मॅनेजर पदे रिक्त! आजच करा अर्ज, मिळवा नियुक्त होण्याची सुवर्णसंधी

२४ सप्टेंबर तसेच २७ सप्टेंबर रोजी परीक्षेचा पहिला टप्पा आयोजित करण्यात आला होता. या टप्प्यात एकूण ६,२८,९५७ विद्यार्थी उपस्थित राहिले होते. तर अतिवृष्टीमुळे परीक्षा पुढे ढकलण्यात आली होती. म्हणून दुसऱ्या टप्प्याचे आयोजन १८–२१ नोव्हेंबर रोजी करण्यात आले आणि या परीक्षेत ९०,७६५ विद्यार्थी बसले होते. नवीन राष्ट्रीय शिक्षण धोरणात कलेला मिळालेल्या प्रोत्साहनामुळे आणि शाळांमधील डिजिटल सुविधांमुळे विद्यार्थ्यांचा सहभाग वाढल्याचे कला संचालक डॉ. किशोर इंगळे यांनी सांगितले.

पुणे विद्यापीठात शिक्षक पदासाठी जागा खाली! इच्छुकांनो… संधीचे सोने करा

सगळ्यात महत्वाचे म्हणजे पुढच्या वर्षी गडचिरोली, नंदुरबारसारख्या दुर्गम भागातही या परीक्षांचे आयोजन करण्यात येणार आहे, जेणेकरून येथील सुविधांना मूकनाऱ्या अनेक विद्यार्थ्यांना या परीक्षेचा लाभ घेता यावा आणि कला क्षेत्रात नाव कमवता यावे. यंदाच्या परीक्षेचा निकाल जानेवारी २०२६ मध्ये जाहीर करण्यात येणार आहे. तसेच न गुणवंत विद्यार्थ्यांसाठीच्या पुरस्कार रकमेत वाढ करण्यासाठीही प्रयत्न सुरू करण्यात आले आहे. ग्रामीण व शहरी भागातील विद्यार्थ्यांनी समान उत्साहाने सहभाग नोंदवला, यामुळे राज्यातील कला क्षेत्राचा विकास सर्वत्र वाढत असल्याचे इंगळे यांनी नमूद केले. अनेक प्राथमिक शाळांमध्ये कला शिक्षकांची कमतरता असल्याने शासनाने उपाययोजना कराव्यात, अशी शिक्षकांकडून मागणी करण्यात येत आहे. या सर्व बाबी लक्षात घेता पुढील शैक्षणिक वर्ष कला क्षेत्रासाठी उमेदीचे असणार हे नक्की!