मुंबई विद्यापीठातील अनुकंपा नियुक्त कर्मचाऱ्यांच्या सेवेला स्थायित्व; ८७ कर्मचाऱ्यांच्या सेवा नियमित

मंत्री चंद्रकांत पाटील यांनी सांगितले की, मुख्यमंत्री देवेंद्र फडणवीस यांच्या पुढाकाराने सर्वच विभागांनी १५० दिवसांचे उद्दिष्ट निश्चित केले आहे. या अंतर्गत आकृतीबंध (Organizational Structure) अद्ययावत करणे, नियुक्ती नियमांमध्ये सुधारणा करणे आणि अनुकंपा तत्त्वावरील भरती १०० टक्के पूर्ण करण्यावर भर देण्यात आला आहे. त्याच पार्श्वभूमीवर मुंबई विद्यापीठातील प्रलंबित प्रकरणांवर सकारात्मक निर्णय घेण्यात आला.

शिवसेनेच्या पाठपुराव्याला यश; नवी मुंबईत पुनर्विकासासाठी ४ एफएसआयचा मार्ग खुला

या निर्णयामुळे केवळ कर्मचाऱ्यांनाच नव्हे, तर त्यांच्यामागे उभ्या असलेल्या कुटुंबीयांनाही स्थैर्य मिळणार आहे. अनेकजण दीर्घकाळापासून तात्पुरत्या स्वरूपात काम करत होते, त्यांना आता वेतन, सेवासुरक्षा, आणि इतर शासकीय लाभ नियमित कर्मचाऱ्यांप्रमाणे मिळतील. यावेळी मंत्री पाटील यांनी उपस्थित अधिकाऱ्यांना निर्देश दिले की, सध्या उच्च व तंत्र शिक्षण विभागात अनुकंपा तत्त्वावर असलेल्या सर्व रिक्त पदांचा तातडीने आढावा घ्यावा आणि नियमानुसार १०० टक्के भरती प्रक्रिया पूर्ण करावी. तसेच, या प्रक्रियेत पारदर्शकता आणि वेग राखण्यात यावा, असेही त्यांनी स्पष्ट केले. या निर्णयामुळे मुंबई विद्यापीठाच्या प्रशासनात स्थैर्य येईल, तर कर्मचाऱ्यांच्या कार्यक्षमतेत आणि मनोबलात वाढ होईल, असा विश्वास व्यक्त केला जात आहे.