SBI Asha Scholarship: विद्यार्थ्यांसाठी 7.5 लाख रुपयांपर्यंतची स्कॉलरशीप, 1 ऑक्टोबर 2024 अर्जाची शेवटची तारीख

SBI आशा शिष्यवृत्ती योजनेअंतर्गत, विद्यार्थ्यांना  7.5 लाख रुपयांपर्यंत शिष्यवृत्ती दिली जाते.  6 वी ते उच्च शिक्षण घेत असलेले विद्यार्थी या योजनेसाठी अर्ज करू शकतात. 

भारताची सर्वात मोठी बॅंक असणाऱ्या स्टेट बँक ऑफ इंडियातर्फे शिष्यवृत्ती दिली जाणार आहे. एसबीआयच्या CSR शाखेने आशा शिष्यवृत्ती योजनेची अधिकृत अधिसूचना जारी केली आहे. या अंतर्गत उमेदवारांकडून ऑनलाईन अर्ज मागविण्यात आले आहेत. या शिष्यवृत्तीसाठी अर्ज करण्याची शेवटची तारीख ही 1 ऑक्टोबर 2024 पर्यंत निश्चित करण्यात आली आहे. SBI आशा शिष्यवृत्ती योजनेअंतर्गत, विद्यार्थ्यांना  7.5 लाख रुपयांपर्यंत शिष्यवृत्ती दिली जाते.  6 वी ते 12 व उच्च शिक्षण घेत असलेले विद्यार्थी या योजनेसाठी अर्ज करू शकतात.

SBI आशा शिष्यवृत्ती योजना

SBI आशा शिष्यवृत्ती योजना ही SBI फाउंडेशनच्या शैक्षणिक शाखे अंतर्गत चालवण्यात येते.  आशा शिष्यवृत्ती योजनेचा मुख्य उद्देश हा भारतातील गरीब कुटुंबातील गुणवंत विद्यार्थ्यांना अर्थ सहाय्य प्रदान करण्याचा आहे. यामुळे या गुणवंत मुलांचे शिक्षण चालू राहू शकते तसेच ते कोणत्याही आर्थिक अडचणींशिवाय सहजपणे उच्च शिक्षण घेऊ शकतो. आशा शिष्यवृत्तीचा लाभ 6 वी ते पदव्युत्तर विद्यार्थी घेऊ शकतात.  अगदी IIT आणि IIM मध्ये शिकत असणारे विद्यार्थीही या योजनेचा लाभ घेऊ शकतात.

SBI आशा शिष्यवृत्ती योजनेसाठी पात्रता

• केवळ भारतीय नागरिकांनाच या शिष्यवृत्ती योजनेसाठी अर्ज करता येईल.
• या योजनेसाठी 6 वी पासून ते पदव्युत्तर शिक्षण घेत असलेले विद्यार्थीही अर्ज करु शकतात.
• NIRF रँकिंगनुसार अग्रक्रमांकाच्या 100 संस्थांमध्ये सूचीबद्ध संस्था असलेले  IITs,  MBA किंवा PGDM अभ्यासक्रमांचे पदवीधर उमेदवार देखील अर्ज करू शकतात.
• या योजनेकरिता अर्ज करण्यासाठी, उमेदवाराने त्याच्या/तिच्या मागील शैक्षणिक वर्षात किमान ७५% अथवा अधिक गुण प्राप्त केलेले असावेत.
• इयत्ता 6 वी ते 12 वी पर्यंतच्या उमेदवाराचे वार्षिक कौटुंबिक उत्पन्न हे 3 लाख रुपयांपेक्षा कमी असावे.
• तर महाविद्यालयात पदवी आणि पदव्युत्तर शिक्षण यांसारखे उच्च शिक्षण घेत असलेल्या उमेदवारांचे वार्षिक कौटुंबिक उत्पन्न ₹6 लाख रुपयांपेक्षा कमी असावे.

SBI आशा शिष्यवृत्ती योजनेची विद्यार्थ्यांना मिळणारी रक्कम

• SBI च्या आशा शिष्यवृत्ती योजनेअंतर्गत, इयत्ता 6 वी ते 12 वीच्या विद्यार्थ्यांना ₹ 15000 पर्यंतची शिष्यवृत्ती दिली जाईल. मुलींसाठी 50% स्टॉल्स आहेत आणि  SC/ST विद्यार्थ्यांना प्राधान्य देण्यात आले आहे.
• या योजनेअंतर्गत अंडरग्रेजुएट उमेदवारांना 50 हजार रुपये आणि पदव्युत्तर उमेदवारांना 70 हजारपर्यंत तर IIT मधून पदवी मिळवणाऱ्या विद्यार्थ्यांना 2 लाखापर्यंत आणि IIM मधून MBA करणाऱ्या विद्यार्थ्यांना ₹7.50 लाखांपर्यंतची शिष्यवृत्ती दिली जाईल.

SBI आशा शिष्यवृत्ती योजनेसाठी आवश्यक कागदपत्रे

• मागील शैक्षणिक सत्राची मार्कशीट (इयत्ता 12वी पासून, लागू असेल)
• आधार कार्ड
• चालू शैक्षणिक वर्षाची फी पावती.
• चालू शैक्षणिक वर्षाचे प्रवेश प्रमाणपत्र.
• पालकांचे बँक खाते पासबुक.
• उत्पन्न प्रमाणपत्र
• अर्जदाराचा फोटो
• जात प्रमाणपत्र

आशा शिष्यवृत्ती योजनेसाठी अर्ज प्रक्रिया

• SBI आशा शिष्यवृत्ती योजनेसाठी उमेदवारांना ऑनलाइन अर्ज करावा.
• ( https://www.sbifashascholarship.org/) या वेबसाईटवर जावे.
• या वेबसाईटवर इयत्तेनुसार वेगवेगळे विभाग आहेत.
• ज्यामध्ये मागितलेली सर्व माहिती काळजीपूर्वक भरावी.
• त्यानंतर सर्व आवश्यक कागदपत्रे विहित आकारात स्कॅन करून अपलोड करावेत.
• अर्ज सबमिट करावा लागतो आणि त्याची प्रिंटआउट काढून आपल्याजवळ ठेवावी.