SBI Clerk पूर्व परीक्षेच्या तारखा अन् हॉल तिकीट जारी;’असे’ डाऊनलोड करा हॉल तिकीट

SBI Clerk Prelims Admit Card 2026 Out : स्टेट बँक ऑफ इंडियाने (SBI) आपल्या अधिकृत संकेतस्थळावर क्लर्क प्रीलिम्स परीक्षा २०२६ चे ॲडमिट कार्ड प्रसिद्ध केले आहे.

SBI Clerk Prelims Admit Card 2026 Out: स्टेट बँक ऑफ इंडियाने (SBI) आपल्या अधिकृत संकेतस्थळावर क्लर्क प्रीलिम्स परीक्षा २०२६ चे ॲडमिट कार्ड प्रसिद्ध केले आहे. ज्युनियर असोसिएट (कस्टमर सपोर्ट अँड सेल्स) पदांसाठीच्या पूर्व परीक्षेचे आयोजन २६ आणि २७ सप्टेंबर २०२६ रोजी केले जाणार आहे. या परीक्षेत बसणारे उमेदवार एसबीआयच्या अधिकृत करिअर पोर्टलवरून आपले ॲडमिट कार्ड सहजपणे डाऊनलोड करू शकतात. बँकेने ही प्रवेशपत्रे भरती जाहिरात क्रमांक CRPD/CR/2026-27/17 अंतर्गत जारी केली आहेत.

ॲडमिट कार्ड डाऊनलोड करण्याची सोपी पद्धत:

1. सर्वप्रथम एसबीआयच्या अधिकृत संकेतस्थळाला (www.sbi.co.in) भेट द्या.

2. येथे ‘Latest Announcement’ विभागात ‘SBI Clerk Prelims Admit Card 2026 Download Link’ या पर्यायावर क्लिक करा.

3. यानंतर ॲडमिट कार्ड डाऊनलोड करण्याच्या लिंकवर क्लिक करा.

4. आपला नोंदणी क्रमांक आणि जन्मतारीख टाकून लॉगिन करा.

5. स्क्रीनवर तुमचे कॉल लेटर/ॲडमिट कार्ड दिसू लागेल, त्यावर क्लिक करून ते डाऊनलोड करा आणि त्याची प्रिंटआऊट काढून घ्या.

NTA Recruitment 2026: नॅशनल टेस्टिंग एजन्सीमध्ये काम करण्याची सुवर्णसंधी! शिक्षकांसाठी ‘या’ पदांवर भरती होणार

हॉल तिकीटवर असणारा महत्त्वाचा तपशील:

• उमेदवाराचे पूर्ण नाव, रोल नंबर आणि नोंदणी क्रमांक
• अर्जाचा विषय कोड
• परीक्षेची तारीख, शिफ्टची वेळ आणि परीक्षेच्या केंद्राचा पूर्ण पत्ता
• जन्मतारीख आणि प्रवर्ग
• आई आणि वडिलांचे नाव
• उमेदवाराचे छायाचित्र आणि स्वाक्षरी
• परीक्षेच्या दिवसाचे नियम व महत्त्वाच्या सूचना

Dubai Crane Operator Salary: दुबईत क्रेन ऑपरेटर बनून कसा कमावतोय लाखो रुपये? जाणून घ्या एका क्लिकवर..

SBI क्लर्क प्रीलिम्स परीक्षा पॅटर्न २०२६

एसबीआय क्लर्क पूर्व परीक्षा संगणकावर आधारित CBT (Computer Based Test) पद्धतीने घेतली जाईल. या परीक्षेत १०० गुणांचे १०० वस्तुनिष्ट प्रश्न विचारले जातील.

• इंग्रजी भाषा : ३० प्रश्न, ३० गुण (वेळ: २० मिनिटे)
• संख्यात्मक गुणवत्ता / गणित : ३५ प्रश्न, ३५ गुण (वेळ: २० मिनिटे)
• तर्कशास्त्र / रीजनिंग : ३५ प्रश्न, ३५ गुण (वेळ: २० मिनिटे)
• एकूण: १०० प्रश्न, १०० गुण (एकूण वेळ: ६० मिनिटे)

“परीक्षेत प्रत्येक विभागासाठी स्वतंत्र २० मिनिटांचा वेळ असेल. मुदत संपताच स्क्रीनवर पुढील विभागाचे प्रश्न आपोआप उघडतील.” अशी सूचना एसबीआयच्या परीक्षा विभागातून देण्यात आली आहे.