SBI Free Online Courses: करिअरला द्या नवी दिशा! SBI च्या ‘या’ फ्री ऑनलाईन कोर्सेसमधून मिळवा फायनान्सचे धडे

SBI Free Online Courses: भारतीय स्टेट बैंकने edX प्लॅटफॉर्मवर आर्टिफिशियल इंटेलिजन्स, फायनान्स, मार्केटिंग आणि पर्सनल ब्रँडिंगचे फ्री ऑनलाइन कोर्सेस उपलब्ध केले आहेत. या कोर्सेसची सविस्तर माहिती जाणून घ्या.

SBI Free Online Courses: आजच्या काळात केवळ पदवीच्या भरवशावर नोकरी आणि करिअर करणे कठीण झाले असून, नवनवीन कौशल्ये शिकणे अत्यंत गरजेचे बनले आहे. या पार्श्वभूमीवर, भारतीय स्टेट बैंकने ‘edX’ प्लॅटफॉर्मवर अनेक ऑनलाइन कोर्सेस उपलब्ध करून दिले आहेत. या कोर्सेसमध्ये आर्टिफिशियल इंटेलिजन्स, जेनेरेटिव्ह AI, मार्केटिंग, पर्सनल ब्रँडिंग, फायनान्स आणि बँकिंग यांसारख्या महत्त्वाच्या विषयांचा समावेश आहे.

विशेष म्हणजे, हे कोर्सेस कोणतीही फी न देता ‘ऑडिट’ पद्धतीने शिकता येतात. मात्र, जर तुम्हाला अन्य लर्नरप्रमाणे व्हेरीफाइड प्रमाणपत्र हवे असेल, तर त्यासाठी शुल्क भरावे लागू शकते. या ऑनलाइन कोर्सेसची सविस्तर माहिती आता आपण जाणून घेऊया..

AI आणि जेनेरेटिव्ह AI संबंधित कोर्सेस:

एसबीआयच्या या सूचीमध्ये ‘AI and Generative AI for Business Automation’ सारखा महत्त्वाचा कोर्स समाविष्ट आहे. हा कोर्स विशेषतः अशा लोकांसाठी उपयुक्त आहे, ज्यांना बिझनेस प्रक्रिया सुधारण्यासाठी AI आणि जेनेरेटिव्ह AI चा वापर कसा करावा हे समजून घ्यायचे आहे. अहवालानुसार, या कोर्ससाठी कोडिंग किंवा तांत्रिक पार्श्वभूमीची गरज नाही. याशिवाय ‘Generative AI and its Applications in Finance’ आणि ‘Introduction to Machine Learning for Finance’ सारखे कोर्सेस देखील उपलब्ध आहेत.

डिजिटल आणि कंटेंट मार्केटिंग शिकण्याची संधी:

जर तुमची आवड डिजिटल मार्केटिंग किंवा कंटेंट क्रिएशनमध्ये असेल, तर या प्लॅटफॉर्मवर ‘Content Marketing Strategy’ सारखा प्रमुख कोर्स उपलब्ध आहे. यामध्ये डिजिटल मार्केटिंग इकोसिस्टम, तसेच कंटेंट तयार करणे, प्रमोट करणे आणि ग्राहकांपर्यंत पोहोचवण्याचे मार्ग शिकवले जातात. तसेच ‘Relationship Marketing Strategy for Financial Services’ आणि ‘Marketing Psychology for Financial Services’ यांसारखे कोर्सेस देखील सूचीत आहेत.

Teacher Recruitment 2025: शिक्षक भरतीतील उमेदवारांची प्रतीक्षा संपणार का? निवड प्रक्रिया पूर्ण होऊनही नियुक्ती रखडल्याने संताप!

फायनान्स क्षेत्रातील विविध पर्याय:

फायनान्समध्ये रुची असणाऱ्यांसाठी ‘Introduction to Behavioural Finance’, ‘Financial Markets and Products’, ‘Ratio Analysis Fundamentals’ आणि ‘Financial Management of Enterprise – For Beginners’ यांसारखे अनेक पर्याय उपलब्ध आहेत. ‘Behavioural Finance’ कोर्समध्ये माणसाची विचारसरणी आणि भावनिक निर्णयक्षमता आर्थिक बाजारावर कशी परिणाम करते, हे शिकवले जाते.

पर्सनल ब्रँडिंग :

एसबीआयच्या वतीने पर्सनल ब्रँडिंगचा कोर्स देखील उपलब्ध करून दिला आहे. यामध्ये पर्सनल ब्रँड आणि सामान्य ब्रँडमधील फरक, त्याची गरज आणि तो विकसित करण्यासाठी आवश्यक कौशल्ये शिकवली जातात. हा कोर्स २५ सप्टेंबर ते ३० डिसेंबर २०२६ या कालावधीत चालणार आहे.

Money Management Tips: श्रीमंत व्हायचंय? अंकुर वारिकू यांचे ‘हे’ ६ सोपे आर्थिक नियम एकदा वाचाच..

कोर्सचा कसा फायदा होईल?

या कोर्सेसचा सर्वात मोठा फायदा म्हणजे विद्यार्थी आणि नोकरदार वर्ग आपल्या अभ्यासासोबत किंवा नोकरीसोबतच घरबसल्या आपल्या सोयीनुसार नवीन कौशल्ये आत्मसात करू शकतात. एसबीआयच्या अधिकृत माहितीनुसार, edX वरील ही कोर्स सूची खूप मोठी असून त्यात बँकिंग, फायनान्स, मार्केटिंग, टेक्नॉलॉजी आणि लीडरशिपशी संबंधित अनेक विषयांचा समावेश आहे.