साहित्यप्रेमींसाठी पर्वणी! साताऱ्यात आजपासून मराठी साहित्य संमेलन

९९ वे अखिल भारतीय मराठी साहित्य संमेलन आज, गुरुवारपासून ऐतिहासिक सातारा शहरात सुरू होत आहे. चार दिवस चालणाऱ्या या संमेलनात राज्यभरातून साहित्यप्रेमी, लेखक, कवी व अभ्यासक मोठ्या संख्येने सहभागी होणार आहेत.

मराठी साहित्यविश्वासाठी अत्यंत महत्त्वाचा ठरणारा ९९ वा अखिल भारतीय मराठी साहित्य संमेलन आज, गुरुवारपासून सातारा शहरात सुरू होत आहे. ऐतिहासिक वारसा लाभलेल्या साताऱ्यात होणारे हे साहित्य संमेलन चार दिवस चालणार असून, राज्यभरातून साहित्यप्रेमी, लेखक, कवी, अभ्यासक मोठ्या संख्येने उपस्थित राहणार आहेत. छत्रपती शाहू क्रीडा संकुलात या भव्य साहित्य सोहळ्याचे आयोजन करण्यात आले आहे. अखिल भारतीय मराठी साहित्य महामंडळातर्फे आयोजित या संमेलनाचे अध्यक्ष ज्येष्ठ साहित्यिक व ‘पानिपत’कार विश्वास पाटील असून, सार्वजनिक बांधकाममंत्री शिवेंद्रसिंहराजे भोसले हे स्वागताध्यक्ष आहेत. संमेलनाच्या उद्घाटन सोहळ्यासाठी २ जानेवारी रोजी मुख्यमंत्री देवेंद्र फडणवीस प्रमुख उपस्थित राहणार आहेत, तर रविवारी होणाऱ्या समारोप कार्यक्रमाला उपमुख्यमंत्री एकनाथ शिंदे यांची उपस्थिती लाभणार आहे.

Akola News: शालेय विद्यार्थ्यांमध्ये करण्यात आली मतदानासंबंधित जनजागृती! रंगभरण व रांगोळी स्पर्ध्येचे आयोजन

साहित्य संमेलनाच्या पहिल्या दिवशी आज विविध साहित्यिक आणि सांस्कृतिक कार्यक्रमांचे आयोजन करण्यात आले आहे. यामध्ये ध्वजारोहण, ग्रंथप्रदर्शनाचे उद्घाटन, कविकट्टा, गझलकट्टा, प्रकाशन कट्टा, ग्रंथदिंडी, तसेच साताऱ्यातील ज्येष्ठ साहित्यिकांचा गौरव करण्यात येणार आहे. याशिवाय बहुरूपी भारुड या लोककलेचा कार्यक्रमही रसिकांना अनुभवता येणार आहे.