लेग्रॅंड स्कॉलरशीप अंतर्गत हुशार विद्यार्थींनींना केली जाणार 1 लाख रुपयांपर्यंत मदत, जाणून घ्या स्कॉलरशीप अर्ज प्रक्रिया

लेग्रॅंड एम्पावरिंग स्कॉलरशिप प्रोग्राम 2024-25 या लेग्रॅंड कंपनीचा स्कॉलरशीप उपक्रम हा विद्यार्थिनींना उच्च शिक्षणासाठी आर्थिक सहाय्य प्रदान करतो. या अंतर्गत विद्यार्थींनींना 1 लाखापर्यंत स्कॉलरशीप दिली जाते. या स्कॉलरशीपसाठी 5 सप्टेंबरपर्यंत अर्ज करता येणार आहे.

लेग्रॅंड एम्पावरिंग स्कॉलरशिप प्रोग्राम 2024-25 (Legrand Empowering Scholarship Program 2024-25) हा लेग्रॅंड इंडिया कंपनीचा चा एक सामाजिक उपक्रम आहे. या उपक्रमाचा उद्देश हा गुणवंत विद्यार्थिनी, अपंग महिला विद्यार्थी, कोविड-प्रभावित विद्यार्थी, LGBTQ विद्यार्थी, अनाथ विद्यार्थी आणि एक पालक असणारे विद्यार्थिनींना उच्च शिक्षणासाठी आर्थिक सहाय्य प्रदान करणे आहे. या स्कॉलरशीपसाठी ऑनलाईन अर्ज प्रक्रिया सुरु करण्यात आली असून त्याची लिंक खाली नमूद केली गेली आहे.

लेग्रॅंड एम्पावरिंग स्कॉलरशिप प्रोग्राम 2024-25  स्कॉलरशिप अर्ज प्रक्रिया

सामान्य श्रेणीतील विद्यार्थीनींसाठी अर्जासंबंधी निकष 

हा शिष्यवृत्ती कार्यक्रम फक्त भारतातील गुणवंत विद्यार्थिनींसाठी आहे.
अर्जदाराने भारतातील B.Tech, BE, B.Arch, BBA, B.Com किंवा B.Sc पदवी अभ्यासक्रमासाठी प्रवेश घेणे आवश्यक आहे.
अर्जदाराने 2023-24 या शैक्षणिक वर्षात 12वी उत्तीर्ण केलेली असावी.
अर्जदाराने 10वी आणि 12वी मध्ये किमान 70 टक्के किंवा त्याहून अधिक गुण प्राप्त केलेले असावेत.
अर्जदाराच्या कुटुंबाचे वार्षिक उत्पन्न हे 5 लाख रुपयांपेक्षा कमी असावे.

हे देखील वाचा- महाराष्ट्रातील तरुणांना जर्मनीत नोकरीची संधी! राज्य सरकारतर्फे मुंबई सुरु करण्यात आली 15 जर्मन भाषेची क्रेंद्रे

विशेष श्रेणीतील विद्यार्थीनींसाठी अर्जासंबंधी निकष 

हा शिष्यवृत्ती कार्यक्रम भारतातील दिव्यांग महिला विद्यार्थिनी, LGBTQ+ विद्यार्थी, कोविडमुळे बाधित विद्यार्थी आणि एक पालक असणारे विद्यार्थी किंवा अनाथ विद्यार्थ्यांसाठी आहे.
अर्जदाराने भारतातील B.Tech, BE, B.Arch, BBA, B.Com किंवा B.Scपदवी अभ्यासक्रमासाठी प्रवेश घेणे आवश्यक आहे.
अर्जदाराने 2023-24 मध्ये इयत्ता 12वी उत्तीर्ण केलेली असावी.
अर्जदाराने 10वी आणि 12वी मध्ये किमान 70 टक्के अथवा त्याहून अधिक गुण प्राप्त केलेले असावेत.
अर्जदाराच्या कुटुंबाचे वार्षिक उत्पन्न हे 5 लाख रुपयांपेक्षा कमी असावे.

शिष्यवृत्ती 

सामान्य श्रेणी-  शैक्षणिक कामगिरीच्या आधारावर, विद्यार्थिनींना अभ्यासक्रम पूर्ण होईपर्यंत 60 टक्के अभ्यासक्रम शुल्क, दरवर्षी कमाल 6० हजार रुपये दिले जातील.

विशेष श्रेणी-  शैक्षणिक कामगिरीच्या आधारावर, विशेष श्रेणीतील विद्यार्थ्यांना 80 टक्के अभ्यासक्रम शुल्क, अभ्यासक्रम पूर्ण होईपर्यंत प्रति वर्ष कमाल 1 लाख रुपये दिले जातील.

हे देखील वाचा- वैद्यकीय क्षेत्रात करिअर करायचंय? MBBS व्यतिरिक्त ‘या’ पर्यायातही मिळेल हाय सॅलरी

अर्ज प्रक्रिया
या शिष्यवृत्तीसाठी ऑनलाइन पध्दतीने अर्ज स्वीकारले जाणार आहेत.
शेवटची तारीख: 5 सप्टेंबर 2024

स्कॉलरशीपच्या लिंक साठी इथे क्लिक करा 

या उपक्रमामुळे देशातील विद्यार्थींनीना योग्य शिक्षण घेण्यास मदत होणार आहे आणि कंपनीचा विद्यार्थींनीना शिक्षणासाठी मदत करण्याचा मानसही पूर्ण होणार आहे.