बदलापूर प्रकरणातील आरोपी अक्षय शिंदेला 3 दिवसांची पोलीस कोठडी

बदलापूर प्रकरणातील पिडीत मुलींवर झालेल्या लैगिंक अत्याचार प्रकरणात शाळेसमोर आणि रेल्वे स्थानकात मोठे आंदोलन करण्यात आले. या प्रकरणानंतर आरोपी अक्षय शिंदेला 3 दिवसांची पोलीस कोठडी देण्यात आली. कल्याण न्यायालयाने अक्षय शिंदेंची पोलीस कोठडी वाढवण्यात आली.

बदलापूरमधील दोन चिमुकल्यांवर अत्याचार केल्याप्रकरणी आरोपी अक्षय शिंदेला गुरुवारी पुन्हा कल्याण जिल्हा सत्र न्यायालयात हजर करण्यात आले असता त्याला 3 दिवसांची पोलिस कोठडी सुनावण्यात आली.

या प्रकरणातील आरोपी शिंदेचा मोबाईल अजूनही पोलिसांच्या हाती लागलेला नाही. तसेच त्याने आणखी किती लैंगिक शोषण केले हे तपासात समोर आलेले नाही. त्यामुळे सध्या न्यायालयीन कोठडीत असलेल्या शिंदेला पोलिस कोठडी देण्याची मागणी मागील सुनावणीच्या वेळी सरकारी वकिलांनी केली होती. त्यानुसार त्यानुसार सरकारी वकील अश्विनी भामरे-पाटील यांनी आरोपीला पाच दिवसांची पोलिस कोठडी देण्याची विनंती केली, न्यायालयाने ही विनंती ऐकून घेत शिंदेला 3 दिवसांची पोलिस कोठडी सुनावण्यात आली.
शिंदेला अटक करुन पोक्सोच्या विशेष न्यायालयासमोर हजर केले होते. तेव्हा त्याला 26 ऑगस्टपर्यंत पोलीस कोठडी देण्यात आली असती. त्यानंतर न्यायालयीन कोठडी देण्यापूर्वी त्याची रवानगी आधारवाडी कारागृहात झाली असती. गेल्या वेळी कोर्टात त्याची तुरुंगवासाची मुदत वाढवली होती.

आरोपीचा मोबाईल अद्याप गायब…

आरोपी शिंदेचा मोबाईल अद्याप पोलिसांना सापडलेला नाही. त्याने आणखी किती लैंगिक शोषण केले याचा खुलासा झालेला नाही. किंवा सरकारी वकिलांनी या दोन्ही मुद्द्यांवर सखोल तपास करण्यासाठी पाच दिवस पोलिस सेल मागितला असता, मात्र न्यायालयाने दोन दिवसांची पोलिस कोठडी सुनावली.

आरोपी अक्षय शिंदे खरवई इथल्या एका चाळीत राहतो. आई-वडील आणि भाऊ असे तिघे जण त्याच्यासोबत राहतात. बदलापूरमध्ये घडलेल्या प्रकरणात अक्षय शिंदे आरोपी असल्याचं समजताच त्याच्या कुटुंबियांना खरवईतल्या ग्रामस्थांनी घराबाहेर काढलं. त्यानंतर घराची तोडफोड करण्यात आली. या प्रकारानंतर अक्षयचे आई-वडील आणि भाऊ गाव सोडून गेले. तर अक्षय शिंदेंच्या घराबाहेर पोलीस बंदोबस्त तैनात करण्यात आलाय. अक्षयचं कुटुंबिय मूळचे कर्नाटकातील गुलबर्गा इथले असून अक्षयचा जन्म बदलापूरच्या खरवई इथंच झालाय.