रविवार, 23 ऑगस्ट 2026
कोल्हापुरात भररस्त्यात नगरसेविकेचा विनयभंग; अश्लील हावभाव करत शिवीगाळही केली, आरोपीविरोधात गुन्हा दाखल ( फोटो सौजन्य- सोशलमीडिया)
कोल्हापूर : प्रभागातील कचरा उचलला जात नसल्याच्या रागातून नगरसेविकेला रस्त्यात अडवून शिवीगाळ, अश्लील हावभाव आणि धमकी देण्यात आली. याप्रकरणी तानाजी आनंदराव जाधव याच्याविरोधात जुना राजवाडा पोलीस ठाण्यात विनयभंगासह विविध कलमांनुसार गुन्हा दाखल करण्यात आला आहे. एका लोकप्रतिनिधीला अशाप्रकारे वागणूक मिळत असल्याने सगळीकडे एकच चर्चा सुरु आहे.
18 ऑगस्ट रोजी सकाळी साडेदहाच्या सुमारास संबंधित नगरसेविका वैयक्तिक कामासाठी जात असताना जाधवने त्यांना रस्त्यात अडवले. यावेळी नगरसेविका आणि त्यांच्या वडिलांना अर्वाच्च शिवीगाळ करून अश्लील हावभाव केले. तसेच ‘बघून घेतो’, अशी धमकी दिल्याचा आरोप फिर्यादीत करण्यात आलाय. ‘प्रभागातील कामे व्यवस्थित करत नाही’, असे म्हणत त्याने शिवीगाळ केल्याचेही तक्रारीत नमूद केले.
रात्री साडेअकरा वाजता नगरसेविकेच्या घरी
जाधवने प्रभागातील घंटागाडी अडवून सरकारी कामात अडथळा आणल्याचाही आरोप आहे. यापूर्वी सुमारे दोन महिन्यांपूर्वी रात्री साडेअकराच्या सुमारास तो नगरसेविकेच्या घरी गेला होता. प्रभागात कचरा साचला असून, तो दाखवण्यासाठी आताच्या आता माझ्यासोबत चला, असा आग्रह करत त्याने वारंवार मानसिक त्रास दिल्याचं तक्रारीत म्हटले.
महिलांचेही काढत होता व्हिडिओ
तसेच प्रभागात कचरा टाकण्यासाठी येणाऱ्या महिलांचे जाधवकडून व्हिडिओ काढले जात असल्याची तक्रार आहे. व्हिडिओ काढू नका, कचरा व्यवस्थापनाची व्यवस्था करा, अशी मागणी महिलांनी केली. मात्र, त्यानंतरही व्हिडिओ काढण्याचा प्रकार सुरू राहिल्याने अनेक महिलांनी त्याच्याविरोधात नाराजी व्यक्त केली.
परळीत 18 वर्षीय तरुणीचा विनयभंग
बीड जिल्ह्यातून काही दिवसांपूर्वी एक संतापजनक घटना समोर आली होती. ‘तू मेरे साथ शादी कर, वरना भगाके ले जाऊंगा’ असे म्हणत पीडित तरुणीचा विनयभंग करण्यात आला. या घटनेने परिसरात संताप व्यक्त केला जात आहे. पोलीस याप्रकरणी आरोपीवर गुन्हा दाखल करण्यात आला असून ही घटना बीड जिल्ह्यातील परळीत घडली.
एका अनधिकृत बांधकामावर कारवाईसाठी १०० हून अधिक पोलिसांचा बंदोबस्त; पालिकेच्या खर्चावर प्रश्नचिन्ह
