शुक्रवार, 23 ऑक्टोबर 2026
संग्रहित फोटो
घटनेची माहिती मिळताच किनगाव राजा पोलिस ठाण्याचे पथक घटनास्थळी दाखल झाले. उपविभागीय पोलीस अधिकारी अर्जुन ठोसरे आणि ठाणेदार संजय मातोंडकर यांनी घटनास्थळी भेट देऊन पाहणी केली. पोलिसांनी या प्रकरणातील आरोपी पती संजय दाभाडे याला ताब्यात घेतले. मृत संजीवनी हिचा मृतदेह शवविच्छेदनासाठी पाठविण्यात आला होता. वडिलांच्या तक्रारीवरून गुन्हा दाखल मृत संजीवनी हिचे वडील सुधाकर वाघमारे (रा. हिवरखेड पूर्णा) यांनी दिलेल्या तोंडी फिर्यादीच्या आधारे किनगाव राजा पोलिसांनी गुन्हा दाखल केला. शवविच्छेदनाची प्रक्रिया पूर्ण झाल्यानंतर मृत संजीवनी हिच्यावर साखरखेड तेजन येथे शोकाकुल वातावरणात अंत्यसंस्कार करण्यात आले. या प्रकरणाचा पुढील तपास ठाणेदार संजय मातोंडकर यांच्या मार्गदर्शनाखाली किनगाव राजा पोलिस करीत आहेत.
माहितीनुसार, संजय दाभाडे हा पत्नी संजीवनी आणि आपल्या २ लहान मुलांसह किनगाव राजा वेथील उमरद रस्त्यावर एका भाड्याच्या घरात राहत होता. पती-पत्नीमध्ये वारंवार वाद होत असल्याची माहिती निकटवर्तीयांकडून समोर आली. चारित्र्याच्या संशयावरून त्यांच्यात वाद होत असल्याचे सांगण्यात येत आहे. याच पार्श्वभूमीवर बुधवारी सकाळी संजीवनी हिचा मृत्यू झाल्याची घटना उघडकीस आली.
या घटनेमुळे किनगाव राजा परिसरात शोककळा पसरली असून, कौटुंबिक वादातून घडलेल्या या प्रकाराबाबत पोलिसांनी प्रकरणाची गंभीर दखल घेत पुढील तपास सुरू केला आहे. मृत महिलेच्या कुटुंबीयांकडून आरोपीवर कठोर कारवाईची अपेक्षा व्यक्त केली जात आहे. दोन लहान मुलांच्या आईचा मृत्यू झाल्याने परिसरात हळहळ व्यक्त केली जात आहे.
