Black Magic News: शेताच्या बांध्याजवळ लिंबू-नारळ, बाहुल्या; जादूटोण्याच्या प्रकाराने परिसरात खळबळ

संपत भाईक तात्काळ  २  किमी अंतर असलेल्या त्या शेताच्या ठिकाणी गेले.संबंधित वस्तूंची पाहणी करीत हे सर्व थोतांड व अंधश्रद्धेचा प्रकार असून घाबरून  जाऊ नका असा उपस्थित शेतकऱ्यांना दिलासा दिला

Updated On: Apr 13, 2025 | 02:12 PM
Black Magic News: शेताच्या बांध्याजवळ लिंबू-नारळ, बाहुल्या; जादूटोण्याच्या प्रकाराने परिसरात खळबळ
Follow Us
Follow Us:
शिरूर, कवठे येमाई:  पुणे जिल्ह्यातील शिरूर तालुक्यातील कवठे येमाई च्या घोडे,भाईक वस्ती नजीकच्या एका शेतकऱ्याच्या शेताच्या बांधा नजीक ५ नारळ,५० साठ लिंबे, त्यावर टाचण्या,दाभण टोचलेल्या,कणकेच्या केलेल्या ५,६ छोट्या बाहुल्या, काही दारूच्या बाटल्या,व तत्सम जादू टोना केलेलं साहित्य आज रविवार दि. १३ ला सकाळी संबंधित शेतकरी संपत मोहन भाईक यांना आढळून आले. ते टोमॅटो पीक घेण्यासाठी तयार केलेल्या आपल्या शेता नजीकच्या बांधावरील वाळलेले गवत व कचरा जाळताना हा अघोरी प्रकार आज सकाळी त्यांच्या निदर्शनास आला.
संपत भाईक तात्काळ  २  किमी अंतर असलेल्या त्या शेताच्या ठिकाणी गेले.संबंधित वस्तूंची पाहणी करीत हे सर्व थोतांड व अंधश्रद्धेचा प्रकार असून घाबरून  जाऊ नका असा उपस्थित शेतकऱ्यांना दिलासा दिला.त्यानंतर या घटनेबाबत अंध श्रद्धा निर्मूलन समितीच्या महाराष्ट्र प्रदेश राज्य कार्यकारिणी सदस्या नंदिनी जाधव व शिरूरचे पोलीस निरीक्षक संदेश केंजळे यांना ही माहिती देण्यात आली.
नंदिनी जाधव यांनी कवठे येमाईचे शेतकरी संपत भाईक यांच्या शी मोबाईल वरून थेट चर्चा करीत हा अंधश्रद्धेचा प्रकार असून घाबरून जाऊ नका असा दिलासा दिला. त्यानंतर शेतकरी संपत भाईक व त्यांचा घरगडी लक्ष्मण यांनी हे सर्व साहित्य शेताच्या कडेला नेत वाळलेल्या गवतावर ठेवत पेटवून दिले.हा प्रकार अष्टविनायक महामार्गाच्या नजीकच झाल्याने बघ्यांची मोठी गर्दी झाली होती.
दरम्यान दोन आठवड्यांपूर्वी सांगलीतील इस्लामपूरमध्येही असाच जादूटोण्याचा प्रकार उघडकीस आला होता. इस्लामपूर येथील उरूण भागात एका महिलेच्या घराबाहेर जादूटोणा आणि करणीसदृश साहित्य आढळून आल्याने परिसरात एकच खळबळ उडाली. हा प्रकार समजताच नागरिकांनी त्या ठिकाणी पाहणीसाठी मोठी गर्दी केली. मात्र अंधश्रद्धा निर्मूलन समितीच्या कार्यकर्त्यांनी प्रसंगाचे गांभीर्य लक्षात घेऊन तात्काळ हस्तक्षेप केला. त्यांनी कुटुंबीयांसह लोकांचे प्रबोधन करत, पोलिसांच्या उपस्थितीत ते सर्व साहित्य बाजूला केले आणि परिसरात पसरलेले भीतीचे वातावरण दूर करण्याचा प्रयत्न केला.

सदर महिलेच्या घराबाहेर विचित्र स्वरूपाचे साहित्य ठेवलेले होते. त्यांच्या बकऱ्याचे डोके आणि चार पाय रंगीत दोरीने दरवाजाच्या बाहेर टांगलेले होते. त्यावर लिंबू, टाचण्या आणि सुया टोचलेल्या होत्या. दरवाजाजवळ तीन नारळांवर काळ्या बाहुल्या बांधून त्यावरही टाचण्या टोचलेल्या होत्या. २१ अर्धवट कापलेले लिंबू, मिरच्या, काट्यांची फांजर, मोडलेली फांदी, पपई, कोरफडीचे तुकडे, तसेच हळद, कुंकू आणि गुलाल यांचा वापर त्या ठिकाणी झालेला दिसून आला. या प्रकारामुळे स्थानिक नागरिकांमध्ये भीतीचे वातावरण निर्माण झाले होते.

Web Title: Lemon coconut trees dolls near the farm fence witchcraft like activity creates excitement in the area

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Apr 13, 2025 | 02:12 PM

Topics: