या महिण्याच्या सुरुवातीला बेंगळुरू येथील प्रसिद्ध रामेश्वर रामेश्वर कॅफेमध्ये स्फोट(Rameshwaram cafe Blast) झाल्याचा धक्कादायक प्रकार घडला होता. या स्फोटामध्ये पाच लोक गंभीर जखमी झाले होते. या प्रकरणी काही जणांना अटक करण्यात आली होती. त्यांची चौकशी सुरु असताना आता एक मोठी अपडेट समोर येत आहे. या स्फोटानंतर एनआयएने गुरुवारी तीन राज्यांमध्ये मोठ्या प्रमाणावर छापे टाकले. या दरम्यान या स्फोट प्रकरणातील मुख्य सूत्रधाराला अटक करण्यात आली आहे.
[read_also content=”“चालणारा नट…”, गोविंदाच्या शिवसेना प्रवेशावरून जयंत पाटलांची जहरी टीका https://www.navarashtra.com/maharashtra/jayant-patil-says-shivsena-should-hire-hit-actor-over-govinda-joining-eknath-shinde-political-news-nrpm-518571.html”]
एनआयएकडून स्फोट संबधित तपास सुरू आहे. या तपासदरम्यान एनआयएने कर्नाटक, तामिळनाडू आणि यूपीमध्ये अनेक ठिकाणी छापे टाकले. या कारवाई दरम्यान उत्तर प्रदेशमध्ये मुख्य सूत्रधार मुझम्मील शरीफ याला अटक करण्यात आली आहे. एनआयएने तीन राज्यात 18 ठिकाणी छापे टाकले आहेत. यामध्ये कर्नाटकात 12 ठिकाणी छापे टाकण्यात आले. तामिळनाडूमध्ये 5 आणि उत्तर प्रदेशात एका ठिकाणी छापे टाकण्यात आले.
बंगळुरू मधील सर्वात वर्दळीच्या ब्रुकफील्ड भागातील रामेश्वरम कॅफेमध्ये हा स्फोट झाला. रामेश्वरम कॅफे बॉम्बस्फोटानंतर काही दिवसांनी आरोपींचे सीसीटीव्ही फुटेज समोर आले होते. या फुटेजमध्ये तो हॉटेलमध्ये घुसल्याचेही फुटेज आहे. आरोपीने मास्क, टोपी आणि चष्मा घातलेला असल्याचे स्पष्टपणे दिसत आहे. त्याच्या हातात बॅगही आहे. फुटेजमध्ये आरोपी सकाळी 11:34 वाजता रामेश्वर कॅफेमध्ये प्रवेश करताना दिसत आहे. कॅफेमध्ये प्रवेश करताना तो फोनवर बोलताना दिसतो. कॅफेमध्ये प्रवेश केल्यानंतर आरोपी रवा इडलीची ऑर्डर देतो. ऑर्डर घेतल्यानंतर तो पूर्ण करतो. यानंतर तो किचनच्या सिंकमध्ये जातो. हात धुण्याच्या बहाण्याने, तो किचन सिंकजवळ इम्प्रोव्हाइज्ड एक्सप्लोसिव्ह डिव्हाईस (IED) असलेली बॅग ठेवतो. यानंतर तो कॅफेच्या बाहेर येतो.
.png "Videos"){kind=small}
