सोमवार, 19 ऑक्टोबर 2026
नांदेडमधून एक धक्कदायक घटना समोर आली आहे. अनैतिक संबंध टिकवण्यासाठी पत्नीने प्रियकराच्या मदतीने पतीचा काटा काढल्याचे समोर आले आहे. विशेष म्हणजे पत्नीने प्रियकराच्या मदतीने जिवंत असतानाच नदीत फेकला आहे. दरम्यान, या घटनेचा उलगडा दीड महिल्यानंतर झाला आहे. ही घटना नांदेड जिल्ह्यातील किनवटमध्ये घडली आहे.
Crime News: उल्हासनगरात पेट्रोल टाकून घर जाळण्याचा प्रयत्न; दोन सराईत गुन्हेगार अटकेत
नेमकं काय घडलं?
मृत्यू झालेल्या व्यक्तीचे नाव विनोद किशन भगत (वय 51) असे आहे. ते किनवटच्या सिंदगी (मो.) येथील मूळ रहिवासी मात्र, गोकुंदा येथे वास्तव्यास होते. त्यांची पत्नी प्रियांका हिचे किनवट शहरातील शेख रफिक यांच्यासोबत अनैतिक संबंध जुळले. पती विनोद भागात या संबंधात अडथळा ठरत होता. त्यामुळे पत्नी प्रियांका आणि प्रियकर शेख रफिक यांनी संगनमत करून कट रचला. २९ ऑगस्ट रोजी रात्रीच्या वेळी दारूच्या नशेत असलेल्या विनोद भगत यास मराठवाडा-विदर्भाला जोडणाऱ्या पैनगंगा नदीवरील खरबी पुलावरून जिवंत फेकून दिले. यानंतर मयताची पत्नी प्रियंका हिने 3 सप्टेंबर 2025 रोजी किनवट पोलिस ठाण्यात पती बेपत्ता झाल्याची तक्रार दाखल केली.
सुरुवातीला प्रियांका हिनेच ३ सप्टेंबर रोजी किनवट पोलीस ठाण्यात ‘मिसिंग रिपोर्ट’ दाखल केला होता. मात्र, विनोद यांच्या बहिणींना प्रियंका आणि शेख रफिक यांच्या अनैतिक संबंधांचा संशय आला. बहिणींनी भावाचा घातपात झाल्याचा संशय व्यक्त केला आहे आणि प्रियांका आणि शेख रफिक यांच्या अनैतिक संबंधांचा संशय आला. हाच धागा पकडून पोलीस निरीक्षक देविदास चोपडे यांच्या पथकाने तपास सुरु केला आहे. तपासादरम्यान, फियादी असलेल्या पत्नीच्या मोबाईलमधील एका क्रमांकावर वारंवार झालेले कॉल पोलिसांना संशयास्पद वाटले.
तपासला असता, प्रियंका आणि प्रियकर शेख रफिक यांच्यात वारंवार संपर्क असल्याचे उघड झाले. पोलिसांनी संशयित शेख फयाज याची कसून चौकशी केली असता, त्याने क्रूर कृत्याचे भयावह सत्य सांगितले. त्या नंबरच्या व्यक्तीला (प्रियकर शेख रफीक) ताब्यात घेऊन चौकशी केली असता त्याने गुन्ह्याची कबुली दिली आहे. खुनाचे रहस्य उघड झाले आहे. पोलीस अधीक्षक अबिनाश कुमार, अपर पोलिस अधीक्षक अर्चना पाटील आणि उपविभागीय पोलिस अधिकारी रामकृष्ण मळघणे यांच्या तपासामुळे हा सर्व प्रकार उघडकीस आला आहे.
अंगठी बघून ओळख पटवली
या घटनेननंतर किनवट पोलिसने महागाव पोलीस ठाण्याच्या मदतीने पोलिसांनी २ सप्टेंबर रोजी नदीत सापडल्याने मृतदेहाचे फोटो, कपडे आणि तांब्याची अंगठी मयत विनोद बहीण नंदा पाटील यांना दाखवली. नंदा पाटील यांनी भावाला दिलेली ती अंगठी ओळखून मृतदेहाची खात्रीपूर्वक ओळख पटवली. याप्रकरणी पोलिसांनी प्रियकर शेख रफिक शेख रशीद (वय 43) आणि पत्नी प्रियंका विनोद भगत (वय 41) या दोघांविरुद्ध खुनासह ॲट्रॉसिटीचा गुन्हा दाखल केला आहे. पुढील तपास किनवट चे DYSP रामकृष्ण मळघने हे तपास करीत आहेत.
