पुण्यात गुन्हेगारी वाढली! हौसेखातर पिस्तूल बाळगणारा अल्पवयीन मुलगा जेरबंद; ‘Arm Act’ चा गुन्हा दाखल

पुण्यात गुन्हेगारीचे प्रमाण मोठ्या प्रमाणात वाढले आहे. पुण्यातील वेगवेगळ्या भागातून दररोज गुन्हेगारीच्या घटना उघडकीस येत असतात. टोळक्यांकडून वाहनांची तोडफोड व दहशत माजविण्याच्या घटना घडू लागल्या आहेत.

पुणे:  हौसेखातर पिस्तूल बाळगणाऱ्या एका अल्पवयीन मुलाला सहकारनगर पोलिसांनी सापळा रचून जेरबंद केले. या अल्पवयीन मुलाकडून एक गावठी पिस्तूल जप्त करण्यात आले आहे. याप्रकरणी सहकारनगर पोलीस ठाण्यात आर्म अॅक्टचा गुन्हा दाखल केला आहे. ही कारवाई परिमंडळ दोनच्या उपायुक्त स्मार्तना पाटील यांच्या मार्गदर्शनाखाली वरिष्ठ निरीक्षक छगन कापसे, सहाय्यक निरीक्षक सागर पाटील व त्यांच्या पथकाने केली.

शहरात अवैध पिस्तूलांची विक्री तसेच ते घेऊन फिरणाऱ्यांमध्ये वाढ झाली आहे. अनेकजन भिती पोटी आणि स्टेट्ससाठी पिस्तूल बाळगत असल्याचे दिसून आलेले आहे. त्यात तरुणाईत याची मोठी क्रेझ आहे. यादरम्यान, सहकारनगर पोलीस हद्दीत गस्त घालत असताना माहिती मिळाली की, के.के. मार्केट पार्किंगच्या जागेत एक मुलगा संशयितरित्या थांबला असून, तो कोणाची तरी वाट पाहत आहे, अशी माहिती मिळाली. त्यानूसार, पथकाने याठिकाणी सापळा रचून कारवाई केली. या मुलाला पकडल्यानंतर त्याच्या कंबरेला पिस्तूल मिळून आले. पुढील तपास पोलीस करत आहेत.

पुण्यात कोयता गँगची पुन्हा एकदा दहशत

 

पुणे शहरात गुन्हेगारीचे प्रमाण मोठ्या प्रमाणात वाढले आहे. शहरात गुन्हेगारांकडून वाहनांचे खळखट्याकचे प्रकार सुरूच असून, लोहगावनंतर आता धनकवडीत कोयतेधारी टोळक्याने कार तसेच दुचाकींची तोडफोड करून दहशत माजवली. गेल्या काही दिवसांपासून सातत्याने वाहन तोडफोडीच्या घटना घडत असून, यामध्ये सर्व सामान्य नागरिक भरडले जात आहेत. याप्रकरणी सहकारनगर पोलिसांनी टोळक्यावर गुन्हा दाखल केला असून, प्रकरणात साहिल दुधाणेला अटक केली आहे. तर त्याच्या साथीदारांवर गुन्हा दाखल करण्यात आला आहे. याबाबत पियुष मोहन चव्हाण (वय २०, रा. ओम शिवशंभो हाईट्स, मोहननगर, धनकवडी) यांनी सहकारनगर पोलीस ठाण्यात तक्रार दिली आहे. पोलिसांच्या माहितीनुसार, दुधाणे याच्याशी चव्हाणचा वाद झाला होता. त्याचा राग दुधाणे याच्या मनात होता. बुधवारी रात्री आरोपी दुधाणे आणि साथीदारांनी चव्हाणला धनकवडी परिसरात अडवले.

हेही वाचा: Crime News : पुण्यात कोयता गँगची पुन्हा एकदा दहशत; वाहनांची तोडफोड केली अन्…

जेलमधून बाहेर आला अन् तिघांना तोडला

पुण्यात गुन्हेगारीचे प्रमाण मोठ्या प्रमाणात वाढले आहे. पुण्यातील वेगवेगळ्या भागातून दररोज गुन्हेगारीच्या घटना उघडकीस येत असतात. टोळक्यांकडून वाहनांची तोडफोड व दहशत माजविण्याच्या घटना घडू लागल्या आहेत. अशातचं गेल्या काही दिवसाखाली कारागृहात राहून आलेल्या सराईत गुन्हेगार व त्याच्या साथीदारांनी तीन तरुणांवर किरकोळ वादातून तीक्ष्ण शस्त्राने वार करून त्यांना जीवे ठार मारण्याचा प्रयत्न केल्याची घटना मुंढवा परिसरात घडली. एक महिन्यापुर्वीच सराईत कारागृहातून बाहेर आला होता. याप्रकरणी मुंढवा पोलीस ठाण्यात महेश गजसिंह उर्फ दाद्या उर्फ डी याच्यासह दोन ते तीन अनोळखी साथीदारांवर गुन्हा नोंद करण्यात आला आहे. या हल्यात अजय हनुमंत पवार (वय ३१), अमित राजेश परदेशी (वय २६) व सोहेश अलमले (वय २६) हे तिघे जखमी झाले आहेत. याबाबत तुषार मेमाणे (वय २८) यांनी तक्रार दिली आहे.