पुण्यात मंदिराबाहेर चरस विक्री; दोघे अमली पदार्थविरोधी पथकाच्या ताब्यात

अमली पदार्थविरोधी पथक सिंहगड रस्त्यावरील ब्रह्मा हॉटेल चौकातून रामनगरकडे जाणाऱ्या रस्त्यावर गस्त घालत असताना अखिल ओमकार मित्र मंडळ गणेश मंदिरासमोर दोघे जण मेफेड्रॉन आणि चरसची विक्री करताना आढळून आले. पोलिसांनी दोघांनाही ताब्यात घेतले. त्यांची झडती घेऊन त्यांच्याकडून सुमारे दोन लाख १५ हजार रुपयांचे मेफेड्रॉन व चरस जप्त केले.

पुणे – सोशल मीडियाच्या (Social Media) माध्यमातून मेफेड्रॉन (Mephedrone) आणि चरस अशा अमली पदार्थांची विक्री करणाऱ्या दोन तरुणांना सिंहगड रोड पोलिसांनी (Sinhagad Road Police) अटक केली आहे. त्यांच्याकडून सुमारे दोन लाख १५ हजार रुपयांचा मुद्देमाल जप्त करण्यात आला आहे. अखिल ओमकार मित्र मंडळ गणेश मंदिरासमोरील (Ganesh Temple) रस्त्यावरून आकाश महेंद्र ठाकर (वय २२) आणि अनिकेत जनार्दन धांडेकर (वय २०) ताब्यात घेतले आहे.

अमली पदार्थविरोधी पथक (Anti Narcotics Squad) सिंहगड रस्त्यावरील ब्रह्मा हॉटेल चौकातून रामनगरकडे जाणाऱ्या रस्त्यावर गस्त घालत असताना अखिल ओमकार मित्र मंडळ गणेश मंदिरासमोर दोघे जण मेफेड्रॉन आणि चरसची विक्री करताना आढळून आले. पोलिसांनी दोघांनाही ताब्यात घेतले. त्यांची झडती घेऊन त्यांच्याकडून सुमारे दोन लाख १५ हजार रुपयांचे मेफेड्रॉन व चरस जप्त केले.

सिंहगड रोड पोलिस ठाण्यात गुन्हा नोंद करण्यात आला आहे. ही कामगिरी पोलीस आयुक्त अमिताभ गुप्ता, पोलीस सहआयुक्त संदीप कर्णिक, अपर पोलीस आयुक्त रामनाथ पोकळे, पोलिस उपायुक्त (गुन्हे) अमोल झेंडे, सहायक पोलीस आयुक्त (गुन्हे) गजानन टोम्पे यांच्या मार्गदर्शनाखाली वरिष्ठ पोलीस निरीक्षक विनायक गायकवाड आणि सहायक पोलीस निरीक्षक लक्ष्मण ढेंगळे यांच्या पथकाने ही कारवाई केली.