ब्रेक फेल झालेल्या ट्रकची क्रेनला धडक अन्…; पुण्याच्या नवले पुल भागातील दुर्दैवी घटना

पुणे: नवले पूल परिसरात सेवा रस्त्यावर उभा असलेल्या क्रेनला ब्रेक फेल झालेल्या भरधाव ट्रकने धडक दिली. या घटनेत ट्रकचालकाचा जागीच मृत्यू झाला तर क्लिनर गंभीर जखमी झाला आहे. बुधवारी दुपारी घडली असून,  ट्रकचे ब्रेक निकामी झाल्याने ही घटना घडली. दरम्यान, चालकाने प्रसंगावधान राखत गाडी मूख्य रस्त्यावरून सेवा रस्त्यावर नेल्याने होणारी दुर्घटना टळली. सलीम मकबूल शेख (वय ५८, रा. उमगरा) असे अपघातात मृत्यू झालेल्या ट्रक चालकाचे नाव आहे. तर अपघातात समीर आयुब मोमीन हे जखमी झाले आहेत. पुण्याकडे येणारा नवले ब्रिजवर सतत अपघात होताना दिसून येत आहेत. वाहतूक प्रशासन सातत्याने अपघात रोखण्यासाठी प्रयत्न देखील करत आहेत.

मिळालेल्या माहितीनूसार, बुधवारी दुपारी दोनच्या सुमारास कात्रजहून नवले पूलाच्या दिशेने जात असलेल्या ट्रकचा ब्रेक निकामी झाला. ही बाब चालकाच्या लक्षात आल्याने त्याने ट्रक मूख्य रस्त्यावरून सेवा रस्त्यावर घेतली. वेगात असलेल्या ट्रकची सेवा रस्त्यावर उभा असलेल्या क्रेनला जोरात धडक बसली. या अपघातात ट्रक केबिनचा चक्काचूर झाला. यात चालक शेख यांचा जागीच मृत्यू झाला. तर, क्लिनर समीर हे आतमध्ये अडकून पडले. घटनेची माहिती मिळताच नवले अग्निशामक केंद्र, सिंहगड अग्निशामक केंद्र, पीएमआरडीए अग्निशामक केंद्राच्या चार गाड्या घटनास्थळी पोहचल्या. काही वेळात जवानांनी केबिनमधून जखमी समीरला बाहेर काढले. समीर यांच्यावर रुग्णालयात उपचार सुरू आहेत. घटनेनंतर काही वेळ परिसरात वाहतूक कोंडी झाली होती. मात्र, काही वेळात वाहतूक पोलिसांनी रस्त्यावर उतरून कोंडी फोडण्याचे काम केले. सिंहगड रोड पुढील तपास करत आहेत.कात्रज घाटात भीषण अपघात

पुण्यात अपघाताचे सत्र सुरुचं असून, पुण्यातील वेगवेगळ्या भागात दररोज अपघाताच्या घटना घडत आहेत. अशातचं आता पुण्यातून एक मोठी बातमी समोर आली आहे. कात्रज घाट परिसरात भरधाव टेम्पोने दिलेल्या धडकेत दुचाकीस्वाराचा मृत्यू झाल्याची घटना घडली आहे. अपघातात दुचाकीवरील सहप्रवासी तरुण जखमी झाला आहे. याप्रकरणी भारती विद्यापीठ पोलिसांनी चालकावर गुन्हा दाखल केला आहे. विक्रम विठ्ठल मोरे (वय ४८, रा. सुमती बालवन शाळेजवळ, गुजरवाडी, कात्रज) असे मृत्यू झालेल्या दुचाकीस्वाराचे नाव आहे.

हेही वाचा: कात्रज घाटात भीषण अपघात; टेम्पोची दुचाकीला धडक बसली अन्…

अपघातात सहप्रवासी स्वप्नील लोहकरे (वय ३१) जखमी झाले आहेत. याप्रकरणी टेम्पोचालक सुमीत शेनवेकर (वय ३५, रा. महागाव, ता. गडहिंग्लज, जि. कोल्हापूर) याच्यावर गुन्हा दाखल केला आहे. याबाबत मोरे यांचा मुलगा रोहित (वय २२) याने भारती विद्यापीठ पोलीस ठाण्यात तक्रार दिली आहे.दुचाकीस्वार विक्रम आणि स्वप्नील शुक्रवारी सकाळी आठच्या सुमारास कात्रज घाटातील भिलारेवाडी परिसरातून निघाले होते. त्यावेळी भरधाव टेम्पोने त्यांच्या दुचाकीला धडक दिली. अपघातात दुचाकीस्वार विक्रम व स्वप्नील जखमी झाले. विक्रम यांचा उपचारादरम्यान मृत्यू झाला. पोलीस उपनिरीक्षक मोहन देशमुख अधिक तपास करत आहेत.

Web Title: The brake fail truck hit the crane then driver loss their life at navale bridge pune

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com