उरण : यशश्री शिंदे यांच्या आरोपीला दाऊद शेखला अटक केल्यानंतर मंगळवारी मुंबई पोलिसांनी त्याचा ताबा घेतला. पण त्याला त्याच्या गुन्ह्याचा कोणताही पश्चाताप नव्हता. पोलिसांनी त्याची कसून चौकशी केल्यानंतर त्याने गुन्ह्याची कबुली दिली. पण यशश्रीची निर्घृणपणे हत्या करण्यामागचे कारण सांगितले नव्हते. परंतु त्यानंतर त्याने हत्येचे कारण आणि सांगितले आणि म्हणाला की, यशश्रीने लग्नाला नकार दिल्याने आपण तिची हत्या केल्याचे दाऊदे सांगितले आहे. या प्रकरणी यशश्रीला शिवीगाळ केल्याप्रकरणी दाऊदविरोधात ॲट्रॉसिटी अंतर्गत आणखी एक गुन्हा दाखल करण्यात आला आहे. हत्येनंतर दाऊद शेख फरार होता.
यशश्री शिंदे हत्या प्रकरणी पोलीस कोठडीत असलेल्या आरोपी दाऊद शेख याला न्यायालयाने सहा दिवसाची पोलीस कोठडी सुनावण्यात आली आहे. २५ जुलै रोजी यशश्री शिंदेची हत्या करून फरार झालेल्या आरोपी दाऊद शेखला पोलिसांनी गुलबर्गा येथून अटक केली त्यानंतर न्यायालयात हजर केले असता त्याल सात दिवसाची पोलीस कोठडी मिळाली होती. त्यानंतर आज पुन्हा त्याला व्हिडिओ कॉन्फरन्सद्वारे हजर केले असता सहा दिवसांची पोलीस कोठडी देण्यात आली. आरोपी दाऊद शेखला १३ ऑगस्टपर्यंत पोलीस कोठडी सुनावण्यात आली आहे.
उरण येथील यशश्री शिंदेच्या हत्याप्रकरणी अटकेत असलेल्या आरोपी दाऊद शेख याला ७ ऑगस्ट रोजी न्यायालयात प्रत्यक्ष हजर न करता व्हिडिओ कॉन्फरन्स द्वारे हजर करण्यात आले. परिस्थितीचे भान राखत आणि हत्या प्रकरण अती संवेदनशील असल्याने पोलिसांनी कोर्टाला विनंती केली आणि कोर्टाने मान्यता दिल्या नंतर व्हिडिओ कॉन्फरन्स द्वारे आरोपी दाऊद शेख याला हजर करण्यात आले. या हत्या प्रकरणातील आणखी काही पुरावे मिळवण्यासाठी पोलिसांनी न्यायालयाकडे पोलीस कोठडी मागितली होती. त्यानुसार कोर्टाने आरोपी दाऊद शेख याला पुन्हा सहा दिवसाची पोलीस कोठडी सुनावली आहे. दरम्यान संतप्त नातेवाईक नागरिक दाऊद शेख यांच्या फाशीच्या शिक्षेची मागणी करत आहेत.
.png "Videos"){kind=small}
