ग्रेटर नोएडा : उत्तर प्रदेशातील ग्रेटर नोएडा येथून एक हृदयद्रावक घटना समोर आली आहे. येथे एका चार वर्षाच्या चिमुकल्याला चॅाकलेटसाठी (Chocalate) हट्ट करणं जीवघेणं ठरलं आहे. चॅाकलेट मुलाच्या घशात अडकुन त्याच्या आईवडिलांसमोरच त्याचा रुग्णालयात मृत्यू झाला. या घटनेमुळे त्याच्या पालकांना जबर धक्का बसला आहे. या घटनेमुळे परिसरात शोकाकुल वातावरण आहे.
मिळालेल्या माहितीनुसार, हे प्रकरण ग्रेटर नोएडातील राबुपुरा भागातील आहे. येथील सानियाल नावाचा 4 वर्षांचा मुलगा रविवारी आजोबांकडून चॅाकलेट घेण्यासाठी हट्ट करू लागला. आजोबांनी त्याला टॉफी घेण्यासाठी पैसेही दिले. पैसे घेऊन सानियालने जवळच्या दुकानात जाऊन स्वतःसाठी चॅाकलेट विकत घेतली. पण तो जे चॅाकलेट खाण्याचा तो हट्ट करत होता त्याच्यामुळे त्याचा जीव जाईल हे त्याला माहीत नव्हतं
सान्यालने घरी टॉफी खाताच ती घशात अडकली. त्यामुळे त्यांना श्वास घेण्यास त्रास होऊ लागला. मुलाची ढासळलेली प्रकृती पाहून पालकांनी त्याला तातडीने रुग्णालयात नेले. मुलाला अजिबात बोलता येत नव्हते. डोळ्यातून फक्त अश्रू येत होते आणि त्याला वेदना होत होत्या. डॉक्टरांनी तातडीने त्याच्यावर उपचार सुरू केले. मात्र उपचारादरम्यानच त्याचा मृत्यू झाला.
डॉक्टरांनी मुलाचा मृतदेह नातेवाईकांच्या ताब्यात दिला. त्यानंतर सोमवारी सायंकाळी त्यांच्या पार्थिवावर अंत्यसंस्कार करण्यात आले. मी तुम्हाला सांगतो, सानियाल हा त्याच्या आई-वडिलांचा एकुलता एक मुलगा होता. सध्या घरात शोकाकुल वातावरण आहे. आपण सानियालला अशा प्रकारे गमावणार हे माहित नव्हते, असे वडील शाहरुख म्हणाले.
.png "Videos"){kind=small}
