होमवर्क न केल्याच्या नैराश्यातुन सातवीच्या विद्यार्थ्याची शाळेच्या तिसऱ्या मजल्यावरून उडी, दोन्ही पाय फ्रॅक्चर

होमवर्क पुर्ण न झाल्यामुळे तो नैराश्यात होता त्यामुळे तो शाळेत जायलाही घाबरत होता. मात्र, कुटुंबियांनी शाळेत पाठवल्यावर तो शाळेत गेला मात्र शाळेत पोहचून त्याने इमारतीवरुन उडी मारली.

मध्यप्रदेशमधील इंदूरमधे एक धक्कादायक घटना घडली आहे. अभ्यासाच्या ताणामुळे एका मुलाने तिसऱ्या मजल्यावरून उडी (students jumped from school building ) मारली. त्याच्या दोन्ही पायांना फ्रॅक्चर झाले आहे. त्यांना खासगी रुग्णालयात दाखल करण्यात आले आहे. गृहपाठ पूर्ण न केल्याने नैराश्यात आल्याने त्याने हे पाऊल उचलले असल्याची माहिती समोर आली आहे. 

[read_also content=”पंतप्रधान मोदींच्या लक्षद्वीप दौऱ्यावर मालदीवच्या मंत्र्याचं वादग्रस्त विधान, सोशल मीडियावर एकच चर्चा! https://www.navarashtra.com/india/maldive-minister-controversial-social-media-post-about-narendra-modi-lakshdweep-tour-nrps-495808.html”]     

नेमका प्रकार काय?                                                                                                                                                                                                                        

सातवीत शिकणारा विद्यार्थी नंदनगर येथील एका खासगी शाळेचा विद्यार्थी आहे. आठवडाभरापासून तो शाळेत जात नव्हता. विद्यार्थ्याला शाळेतून न येण्याचे कारण विचारले असता कुटुंबीयांनी समजावून शाळेत पाठवले. विद्यार्थी शुक्रवारी शाळेत गेला, मात्र तिथून उडी मारली. यानंतर शाळेच्या अधिकाऱ्यांनी कुटुंबीयांना बोलावून घटनेची माहिती दिली. विद्यार्थ्याच्या कुटुंबीयांनी शाळा गाठून मुलाला उपचारासाठी रुग्णालयात दाखल केले. विद्यार्थ्याच्या दोन्ही पायात अनेक फ्रॅक्चर आहेत. टाचेलाही दुखापत झाली आहे. विद्यार्थ्याच्या पायावरही शस्त्रक्रिया करण्यात आली आहे.

शाळेत जाताना तणाव नव्हता

कुटुंबीयांनी सांगितले की, मुलाला सकाळी शाळेत पाठवल्यानंतर तो आनंदाने गेला. कसलेही टेन्शन नव्हते, पण शिक्षकाच्या मारहाणीच्या भीतीने तो आठ दिवस शाळेत जात नव्हता. सुट्टीमुळे त्याचा अभ्यासक्रम अपूर्ण होता आणि गृहपाठ पूर्ण न झाल्यामुळे तो घाबरून राहतो. हे प्रकरण पोलिसांपर्यंतही पोहोचले आहे.

बॅग फेकली आणि उडी मारली

शाळेचे संचालक जुगल गुर्जर यांनी सांगितले की, विद्यार्थी शुक्रवारी शाळेत आला. आल्यानंतर त्याने बॅग बाजूला फेकली आणि उडी मारली. आठ दिवसांपासून तो शाळेत आला नव्हता. शाळेत कोणताही शिक्षक मुलाला त्रास देत नव्हता. गृहपाठ नसल्याने तो तणावात होता.