मध्य प्रदेशात बोट उलटून अपघात; 5 मुलांसह सात जणांचा बुडून मृत्यू

श्योपूर येथील अपघातग्रस्त बोटीत एकूण 11 जण होते. यातील सात जणांना नदीतून बाहेर काढण्यात आले. मात्र, त्यांच्या शरीरात कोणतीही हालचाल झाल्याचे दिसली नाही. यामध्ये अन्य चार जणांना वाचवण्यात यश आले आहे.

श्योपूर : मध्य प्रदेशातील श्योपूर येथे बोट उलटल्याने (Boat Capsized in Water) अपघात झाला. यामध्ये पाच मुलांसह सात जणांचा पाण्यात बुडून मृत्यू झाला. तर अनेक जण पाण्यात बुडाल्याची माहिती दिली जात आहे. सीप नदीत झालेल्या या अपघातात अनेकांना सुरक्षितस्थळी हलवण्यात आले आहे.

श्योपूर येथील अपघातग्रस्त बोटीत एकूण 11 जण होते. यातील सात जणांना नदीतून बाहेर काढण्यात आले. मात्र, त्यांच्या शरीरात कोणतीही हालचाल झाल्याचे दिसली नाही. यामध्ये अन्य चार जणांना वाचवण्यात यश आले आहे. त्याचबरोबर एक व्यक्ती बेपत्ता असून, त्याचा शोध सुरू आहे. अपघातात जीव गमावलेल्यांमध्ये पाच मुलांसह सात जणांचा समावेश आहे. जोरदार वाऱ्यामुळे हा अपघात झाल्याची माहिती दिली जात आहे.

प्रत्यक्षदर्शीनी दिलेल्या माहितीनुसार, काही लोक बोटीतून नदी पार करत होते. इतक्यात जोरदार वादळ आले. त्यामुळे नदीत मोठ्या लाटा उसळू लागल्या आणि अशाच एका लाटेमुळे बोट उलटली. काही जणांनी पोहून जीव वाचवला. मात्र, बहुतांश लोक बुडाले. बचाव पथकातील कर्मचाऱ्यांनी चार जणांना सुखरूप बाहेर काढले. मात्र, या दुर्घटनेत इतर सात जणांचा मृत्यू झाला.