हॉटेलने शाकाहारी व्यक्तीला दिलं मांसाहार जेवण; ग्राहक मंचाने शिकवला धडा, ‘इतक्या’ रुपयांचा ठोठावला दंड!

तक्रारकर्त्याने सांगितले की, त्याने आणि कुटुंबातील इतर सदस्यांनी हॉटेलमध्ये शाकाहारी बर्गर आणि सँडविचची ऑर्डर दिली. त्याला शाकाहारी बर्गर आणि सँडविच देण्याऐवजी हॉटेलने त्याला चिकन बर्गर दिले.

कर्नाटकातील शिमोगा येथील एका हॉटेलला ग्राहक न्यायालयाने (Consumer Court) 15 हजार रुपयांचा दंड ठोठावला आहे. या हॉटेलवर शाकाहारी ग्राहकांना मांसाहार दिल्याचा आरोप आहे. हॉटेलच्या या कारवाईविरोधात कोर्टाने आरोप निश्चित करून हॉटेलला दंड ठोठावला आहे. यामुळे ग्राहकांच्या धार्मिक भावना आणि परंपरा दुखावल्या गेल्याचे न्यायालयाने निकालात म्हटले आहे.

[read_also content=”13 वर्षांपूर्वी रेल्वे अपघातात मुलगा गमावलेल्या पालकांना मिळणार 8 लाख नुकसान भरपाई, मुंबई हायकोर्टानं दिला आदेश! https://www.navarashtra.com/india/bombay-high-count-ordered-8-lakh-compensation-to-family-of-victim-who-died-in-accident-in-mumbai-local-nrps-453828.html”]

शाकाहारी व्यक्तीला दिलं मांसाहार जेवण

बेंगळुरू येथील रहिवासी असलेल्या 62 वर्षीय व्यक्तीने ग्राहक मंचात तक्रार दाखल केली की तो ब्राह्मण असून  शाकाहारी आहार घेतो. कुटुंबातील एका व्यक्तीच्या मृत्यूचे विधी करण्यासाठी ते शिमोगा येथे गेले होते. यासाठी त्यांनी 5 ते 8 फेब्रुवारी 2023 या कालावधीत शिमोगा येथील हॉटेल हर्षा द फर्नमध्ये एक खोली आरक्षित केली होती. त्यांनी हॉटेलमध्ये चेक इन केले असता खोली अत्यंत वाईट अवस्थेत असल्याचे त्यांना आढळले. पलंग तुटला होता, त्यामुळे त्याला पाठदुखीचा त्रास सुरू झाला. तक्रारकर्त्याने सांगितले की, त्याने आणि कुटुंबातील इतर सदस्यांनी हॉटेलमध्ये शाकाहारी बर्गर आणि सँडविचची ऑर्डर दिली. त्यांना शाकाहारी बर्गर आणि सँडविच देण्याऐवजी हॉटेलने त्यांना चिकन बर्गर दिले. हे खाल्ल्यानंतर त्याची प्रकृती बिघडली. तब्येत बिघडल्याने डॉक्टरांकडे जावे लागले.

हॉटेलने समाधानकारक उत्तर दिलं नाही

हॉटेल व्यवस्थापनाकडे तक्रार केली असता त्यांनीही समाधानकारक प्रतिसाद दिला नाही, असे फिर्यादीत म्हटले आहे. पर्यायी उपाय म्हणून, हॉटेलने लंच किंवा डिनरचा पर्याय दिला. हॉटेलच्या या वृत्तीवर नाराज असलेल्या ग्राहकांनी ग्राहक मंचाकडे दाद मागितली.

मंचाने निर्णय घेतला

ग्राहक मंचाचे अध्यक्ष शिवराम के, सदस्य चंद्रशेखर एस नूला आणि रेखा सायन्नावर यांनी या प्रकरणाची सुनावणी केली. फोरमने निकाल देताना म्हटले की, शाकाहारी पाहुण्याला मांसाहार देऊन हॉटेलने अतिशय वाईट आदरातिथ्य केले आहे. यासाठी हॉटेलला 15 हजार रुपयांचा दंड पीडित पक्षाला द्यावा लागेल.